JEREMÍAS 15:15 - Biblia Guarani Tumpa Iñee

¹⁵ CheYa, nde reikuaa ko opaete mbaembae, ¡nemaendúa cheré jare eyu chemborɨ! ¡Eiporarauka chemotareɨ vae reta pe cheve! Agüɨye ndepɨaguasu chupe reta, agüɨye emaeño tamano; mase, roaɨu jeko pegua ko aiporara ñemotareɨ reta.

JEREMÍAS 15:15 ပူးပေါင်းရင်းမြစ်များ

NEHEMÍAS 13:22

Jare ayókuai levita reta oyetɨo vaerä, opa vaerä yogüɨraja reta oyangareko tëta jöke re, agüɨye vaerä oyemboeteä ara mbutuu. ¡CheRu Tumpa, neɨ̈ro cheve, ndeporoparareko tuicha rupi!

NEHEMÍAS 13:31

jare opaete vae reta güeru vaerä mbaagüɨyerɨpɨ reta vae, jare kërai yave güeru reta vaerä mbota yepea vae. ¡CheRu Tumpa! ¡Nemaendúa cheré ikavi vae rupi!

NEHEMÍAS 5:19

¡Agüɨye neakañɨ chegüi cheRu Tumpa! ¡Jare agüɨye vi neakañɨ opaete kuae tëta kotɨ ayapo vae güi!

NEHEMÍAS 6:14

¡CheRu Tumpa: Agüɨye neakañɨ opaete Sanbalat jare Tobías oyapogüe güi; jare ñeemombeúa kuña Noadías jare ïru ñeemombeúa reta oipota tëi cheiämondo vae güi!

JOB 10:7

Yepe tëi nde reikuaa, che mbaetɨ ko ayapo jupimbae, jare mbaetɨ kia ipuere chereepɨ vaerä ndegüi.

SALMOS 102:24

Jare jae: “CheRu Tumpa, agüɨye chereekɨ ndei etei ɨma aikove aiko mbove.” ¡Nde neaño reta opambae ko!

SALMOS 106:4

CheYa Tumpa, nemaendúa cheré reyapo yave ikavi vae ndembae vae reta pe; nemaendúa cheré reyu reporogüɨroasayepe yave,

SALMOS 119:84

¿Kërai yave regua pa aärota? ¿Kërai yave pa rejäata chepïaro vae reta?

SALMOS 17:3

Nde reikuaa cheyemongeta, pɨ̈tu yave nde remae cheré, cheñono morojäa pe ërei mbaetɨ reväe teko cheré, echa añono chepɨa pe agüɨye vaerä ayavɨ mbae jae.

SALMOS 39:13

Emaeño mo cheré, tachepɨ̈rata ye, ndei amano mbove.”

SALMOS 44:22

Ërei nderé rogüɨrovia jeko pegua, yemomburu rupi roiko ara ñavo; oyemongeta reta oreré vecha oyeyukata mbaeyukaa pe vae re rami.

ISAÍAS 38:3

“Romoñera cheYa, nemaendúa vaerä jupi rupi jare añetete rupi ayeokuai ndeve vae re, jare ayapo ndepɨa jemimbotaño.” Jare oyaeo ipɨatɨtɨ yae reve.

JEREMÍAS 12:3

Ërei nde cheYa Tumpa, chereecha jare chekuaa kavi ko; reikuaa kërai cheyemongeta ndekotɨ vae. ¡Eraja jókuae kuimbae reta, mbaeyukaa pe vecha oyereraja rami; emokañɨmaa parapiti iara peguarä!

JEREMÍAS 15:10

¡Tataɨ, chesɨ, chugüi aa vae jaeño ayoaka jare añoraro vaerä opaete ɨvɨ pegua reta ndive! Mbaetɨ etei kia pe ave aiporu korepoti, cheve ave mbaetɨ kia ombaeporu, ërei opaete vae oyepopeyu cheré.

JEREMÍAS 15:20

Che roñonota kuae tëta peguarä, tëta ikësea jëguambae vae jiero iyu vae pegua rami. Oñoraro retata nde ndive, ërei ngaraa nemoamɨri reta, echa che aï nde ndive roepɨ vaerä, jare rogüɨroasayepe vaerä. Che ndeYa jae kuaekuae.

JEREMÍAS 17:16

Ërei che cheYa, mbaetɨ romoñera reiporarauka vaerä chupe reta, mbaetɨ vi aipota chupe reta mbaesusere. Nde reikuaa kavi, mbae ko jae nderóvai vae,

JEREMÍAS 18:23

Ërei nde, cheYa Tumpa, reikuaa katu yemongeta oyapo reta cheyuka reta vaerä vae. ¡Agüɨye neɨ̈ro chupe reta ikavimbae oyapo vae re, iyoa re ave agüɨye neɨ̈ro! ¡Tomano reta nderóvai, eiporarauka chupe reta ndearasɨ yae reve!

JEREMÍAS 20:11

Ërei ngatu nde cheYa, oime reï che ndive, metei ñeraro regua imbaepuere yae vae rami; jáeramo, oeka teko cheré vae reta, ngaraa ipuere chemoamɨri; ipuereä jeko pegua imara yaeta opɨta jekuae avei rupi, jare ngaraa iñakañɨ reta chugüi vae.

JEREMÍAS 20:12

CheYa Imbaepuere yae ete vae, nde remae kavi jupi rupi yogüɨreko vae re vae, nde reikuaa katu kuimbae ipɨa iyemongeta vae, eechauka cheve kërai reiporarauka chupe reta vae, echa che añeñono ndepo pe.

JEREMÍAS 20:8

Chemiari ñavo, amoërakua susere jare kañɨtei; cheyóyai yóyai reta jare opuka reta avei cheré, echa neñee amoërakua.

LAMENTACIONES 3:64

CheYa Tumpa, eiporarauka chupe reta, jeko oï rupi.

LAMENTACIONES 3:66

CheYa Tumpa, eiporarauka chupe reta ndearasɨ yae reve, opa emokañɨtei reta kuae ɨvɨ güi.

San Mateo 10:22

Chereko pegua, peñemotareɨukata opaete vae pe, ërei ikueraimbae vae, oyemboasaukata ko.

San Mateo 19:29

Jare oime yave kia oeya jo reta, ani tɨkeɨ reta, ani tɨvɨ reta, ani jeindɨ reta, tɨke ani ipɨkɨɨ ani ikɨvɨ, ani tu, ani ichɨ, ani jembireko, ani imichia reta, ani iɨvɨ reta yepe chereko pegua vae, jeta yaeta jekovia chupe, jare güɨnoita imbaerä tekove opa mbae vae.

San Lucas 21:17

Jare opaete vae peñemotareɨta chereko pegua.

Romanos 12:19

Cherɨvɨ reta, agüɨye pe etei peeka peyepɨ vaerä mbae ikavimbae vae oyapo peve vae kotɨ. Pemaeño Tumpa toiporarauka chupe. Echa oyekuatía oï körai: “Oiporarauka vae ko che. Che tamboekovia chupe.”

Romanos 8:35

¿Kia ra yandembosɨrɨta Cristo iporoaɨu güi? ¿Tembiporara guasu ra, ani mbɨatɨtɨ, ani ïru vae reta oyapo ikavimbae vae yandeve vae, ani yɨmbɨaɨ, oata temimonde vae, ani manoɨvɨ ani mano?

2 Corintios 5:11

Jáeramo, yaikuaa yandeYa ñanejäata ramo ore romokɨ̈reɨ ïru vae reta güɨrovia vaerä yandeYa re. Tumpa orekuaa kërai ko ore vae. Mbae mona pe reta orekuaa vi.

2 Timoteo 4:14

Alejandro jiero pegua mbaravɨkɨ iyapoa, oyapo jeta ikavimbae vae cheve. YandeYa tomboepɨ chupe oyapogüe oï rupi.

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”

Apocalipsis 6:10

Jae reta iñeeäta reve jei: “OreYa iyoambae jare añetete vae. ¿Kërai yave pa rejäata jare reiporaraukata ɨvɨ pegua oreyuka vae reta pe?”

JUECES 16:28

Jayave Sansón oyerure yandeYa pe, jare jei chupe: “CheYa Tumpa, nemaendúa añave cheré, chemomɨ̈rata, romoñera kuae mókoi cheresa re ayepɨ vaerä opaete re metei jeia pe.”