JEREMÍAS 15:10 - Biblia Guarani Tumpa Iñee

¹⁰ ¡Tataɨ, chesɨ, chugüi aa vae jaeño ayoaka jare añoraro vaerä opaete ɨvɨ pegua reta ndive! Mbaetɨ etei kia pe ave aiporu korepoti, cheve ave mbaetɨ kia ombaeporu, ërei opaete vae oyepopeyu cheré.

JEREMÍAS 15:10 ပူးပေါင်းရင်းမြစ်များ

1 REYES 21:20

Jare Acab jei Elías pe: —¿Jayave cheväe cherovaicho? Elías jei: —Jökorai. Echa ikavimbae vaeño reyapo yandeYa jesa róvai.

1 REYES 22:8

Mburuvicha guasu Israel pegua jei Josafat pe: —Oime metei, jupi yandepuere yaparandu yandeYa pe, jae ko Micaías, Imla taɨ, ërei che amotareɨ yae ko, echa mbaetɨi omombeu kavi ñee ikavigüe cheve, jaeño ikavimbae. Ërei Josafat jei chupe: —Agüɨye jökorai ere mburuvicha guasu.

SALMOS 109:28

Yepe tëi jae reta oyepopeyu cheré, ërei nde ndeporerekua cheré; yepe tëi jae reta oñemopüa chekotɨ, ërei toñemomaraiuka reta, jare che nderembiokuai tayerovia.

SALMOS 15:5

Mbaetɨ ikorepoti oiporuka vae pe oasa ete okovara vae; mbaetɨ oipɨɨ vɨari korepoti jekombae vae regua vae. Jökorai oiko vae, oiko kavi aveita.

SALMOS 69:4

Cheäka re chea oï vae güi jeta yae cherekombae reve chemotareɨ vae reta; jëia yae oyeapo cherovaicho reta, cherekombae reve chemokañɨtei vae reta, oipota omboepɨuka reta cheve, mbaetɨ añomi vae.

ÉXODO 22:25

Kia nunga paravete vae, tëta chembae vae pegua pepɨte pe oiko vae pe peiporuka korepoti yave, agüɨye peiko chupe reta korepoti jepɨ reve oiporukañoi vae reta rami, agüɨye vi pekovara yoapɨ ye chupe reta.

PROVERBIOS 26:2

Güɨra oguata vae ani tapérai oveve vae rami ko; yepopeyu mbaetɨ ouiño tekombae reve.

JEREMÍAS 15:20

Che roñonota kuae tëta peguarä, tëta ikësea jëguambae vae jiero iyu vae pegua rami. Oñoraro retata nde ndive, ërei ngaraa nemoamɨri reta, echa che aï nde ndive roepɨ vaerä, jare rogüɨroasayepe vaerä. Che ndeYa jae kuaekuae.

LEVÍTICO 25:36

Agüɨye imbae pepɨ̈ro chugüi, agüɨye vi pekovara chupe pemborɨ vae re, peipoɨu peTumpa güi, toiko jókuae perëtara pe ndive.

LEVÍTICO 25:37

Agüɨye korepoti peiporuka chupe vae re, pemoïru ye pekovara yave, agüɨye vi tembíu reta jepɨ peupi chupe.

HABACUC 1:3

¿Maera pa remaeño aecha ikavimbae jare yemoambeko reta? Ipɨa-pïrimbae jare kañɨtei ipɨte pe aï; opaete rupi oime ñeapo reta jare ñeraro reta.

San Mateo 24:9

Jayave ïru vae reta pemeeta oiporaraukata peve vae reta ipo pe, peyeyukaukata jare peñemotareɨukata opaete vae reta pe chereko pegua.

San Mateo 5:44

Ërei che jae peve, peaɨu perovaicho reta. Peñee kavi oyepopeyu peré vae reta kotɨ. Peyapo ikavi vae pemotareɨ vae reta pe. Peyerure Tumpa pe ikavimbae vae oyapo peve vae reta re.

San Lucas 2:34

Jare Simeón jei ñee kavi jese reta. Jayave jei ichɨ María pe: —Mase, kuae nemembɨ oïta jeta Israel pegua reta ogüɨapi vaerä jare opüa vaerä. Jare jeta vae reta güɨröɨrota.

San Lucas 6:22

Peyerovia ïru vae reta pemotareɨ yave, pembosɨrɨ iyeugüi yave, jare jei ikavimbae peve ani peägüe pe, che Kuimbaerä ayeapo vae jeko pegua yave.

Hechos 28:22

Ërei roipota roikuaa ndegüi etei mbae ra reyemongeta vae. Echa roikuaa opaete rupi jërakua ikaviä ko kuae mboromboe.