JEREMÍAS 14:22 - Biblia Guarani Tumpa Iñee

²² ¿Oime pa kia nunga tëtaguasu reta itumpa-raanga reta güi ipuere omongɨ vae? ¿Ara ombou pa ama iyeugüi aeño? ¡Mbaetɨ ko, cheYa Tumpa! Nde ko rembou, nde ko jae opaete kuae mbaembae iyapoa. ¡Jáeramo royeko ndereño!

JEREMÍAS 14:22 ပူးပေါင်းရင်းမြစ်များ

1 REYES 17:1

Jayave Elías, Tisbe pegua, jae ko ɨvɨ Galaad kotɨgua, jei Acab pe: “¡YandeYa Israel iTumpa, jóvai aï vae jee re, mbaetɨta ama jare mbaetɨta ɨsápɨi ave kuae año reta rupi, che jae yaveño!”

1 REYES 17:14

Echa yandeYa Israel iTumpa jei körai: “Trigokúi ngaraa oata tinaa pe jare asaite ave jɨru pe ngaraa jagüe, amongɨ regua ɨvɨ re.”

1 REYES 18:1

Mboapɨ añoa ma oasa yave, yandeYa jei Elías pe: “Ekua eyeechauka Acab pe, jare che amongɨta ɨvɨ iárambo.”

1 REYES 8:36

eendu chupe reta ara güi, neɨ̈ro nderembiokuai reta iyoa re, Israel tëta ndembae pe, jare emboe reta tape kavi re jupi yogüɨrajata vae re. Jayave embou ama kuae ɨvɨ remee ndembae vae reta pe vae re.

JOB 28:26

Jae oñono mborookuai reta ama reta pe, jare ama-vera reta jare ararɨapu reta japerä.

JOB 5:10

Ombou ama ɨvɨ iárambo vae; jae omongɨ ñana reta re.

SALMOS 130:5

Opaete chepɨa ndive ko roäro cheYa, arovia neñee re.

SALMOS 135:7

Omboyeupi amapɨtu reta ɨvɨ iyapɨ kotɨ güi, oyapo ama-vera, okɨ vaerä, güɨnoe ɨvɨtu, oñeovatúa güi.

SALMOS 147:8

Jae ko oyasoi ara amapɨtu pe, jae ko oñono kavi ama okɨ vaerä ɨvɨ re, jae ko ombokuakuaa ñana ɨvɨtɨ guasu reta re.

SALMOS 25:21

Jupi jare sɨmbi rupi aiko vae tachereepɨ, echa ndereño ayerovia.

SALMOS 25:3

¡Añetete, ngaraa etei oñemomaraiuka nderé oyeko vae reta! ¡Ërei oñemomaraiukata oyembopɨapochɨ jupimbae reve ndekotɨ vae reta!

SALMOS 27:14

¡Eäro yandeYa re! ¡Eñemomɨ̈rata, eñemoäta ngatu! ¡Eyeko yandeYa re!

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

ISAÍAS 30:23

Jayave yandeYa omongɨta peremitɨ reta re iara pe kavi, oime pemaetɨ yave, jare ɨvɨ omoñemuñata jeta mbaembae. Jókuae ara rupi perɨmba reta jembíu katuta.

ISAÍAS 41:29

¡Mase, metei ave ko mbaeä etei! Mbaetɨ ko mbae ipuere oyapo reta; osirivembae katuai ko kuae mbae iä reta oyeapogüe.”

JEREMÍAS 10:12

YandeYa imbaepuere pe oyapo ɨvɨ; oñono kavi ɨvɨ oikuaa kavi reve; oipɨso ara iyarakuaa yae reve.

JEREMÍAS 10:13

Iñee rupi jɨapu ɨ ɨvate ara pe, omboyeupi amapɨtu ɨvɨ iyapɨ kotɨ güi, ombou ama-vera okɨ yave, jare güɨnoe ɨvɨtu, oñovatúa güi.

JEREMÍAS 10:15

jaanga retaño ko. YandeYa iporojäa iara pe, opaeteita ko oyemboai reta.

JEREMÍAS 10:3

Echa jókuae tëtaguasu pegua reta, iporogüɨrovia reta mbaeä etei ko. Oyasɨa reta ɨvɨra kaa pe, jare ipoki omaeopa vae ombokavi yɨvapa pe,

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

JEREMÍAS 5:12

Israel pegua reta jare Judá pegua reta güɨröɨro yandeYa; jei reta: “Mbaeä etei ko Tumpa. Ngaraa ikavimbae ou yandeve, ngaraa oime ñeraro ani karuai.”

JEREMÍAS 5:24

Mbaetɨ pere pepɨa pe: ‘Yamboete mo yandeYa Tumpa, ama ombou iara pe kavi yandeve vae, ama tenondegua ete jare taɨkuegua ete, jare omee yandeve ara kavi yambaarɨvo vaerä.’

JEREMÍAS 51:16

Iñee rupi jɨapu ɨ jetagüe ɨvate ara pe, omboyeupi amapɨtu ɨvɨ iyapɨ kotɨ güi, ombou ama-vera okɨ yave, jare güɨnoe ɨvɨtu oñeovatúa güi.

OSEAS 2:7

Ojota iyaguasa reta jaɨkue, ërei ngaraa oupitɨ; oeka tëita, ërei ngaraa oväe chupe. Jayave jeita: ‘Taja ye tenondegua cheme pɨri, echa jókuae ndive ikavi aiko añave vae güi.’

JOEL 2:23

¡Sión pegua reta, pe reta vi peyerovia katu jare pevɨakatu yandeYa Tumpa re! Echa ombou peve iara pe kavi tenondegua ama; jare ombou ñotai peve tenondegua ama jare taɨkuegua ete, tenonde rupi rami.

AMÓS 4:7

“Jare amombɨta vi ama pegüi mboapɨ yasɨ ndei mbaarɨvo mbove; amongɨ metei tëta guasu reño, ïru tëta guasu re mbaetɨ amongɨ; amogüe kó re okɨ, ïru kó re mbaetɨ okɨ vae opa ipiru;

MIQUEAS 5:6

Kuae reta omboaita ɨvɨ Asiria pegua reta kɨsepuku pe, Nimrod iɨvɨ; jare yandereepɨta Asiriaɨgua reta güi, yogüeru opɨ̈ro yandeɨvɨ yandegüi yave.

MIQUEAS 7:7

Ërei ngatu, che, yandeYa reño amaeta, Tumpa chereroasayepe vae reño ayekota; jókuae cheTumpa ko chereenduta.

San Mateo 5:45

Jökorai peyapo yave, peikota peRu ara pe oï vae taɨ retarä. Echa jae omoë kuaraɨ ikavimbae iyapoa reta pe jare ikavi vae iyapoa vae reta pe; jaeramiño vi omongɨ jupi vae reta pe jare jupimbae reta pe.

DEUTERONOMIO 28:12

YandeYa oipeata peve mbaeyekou ara pegua, omongɨ vaerä ɨvɨ re iara pe kavi, iporerekua vaerä opaete peparavɨkɨ re. Peiporukata jeta tëtaguasu reta pe, ërei pe mbaetɨta pembaeporu kia güi.

DEUTERONOMIO 32:21

Chemoägüɨrouka reta tumpambae vae re, chemboarasɨuka reta tumpa-raanga reta re; ¡che amoägüɨroukata vi metei tëta ambuae vae re, amboarasɨukata metei tëtaguasu mbaetɨ oipota oendu vae rupi!