JEREMÍAS 14:2 - Biblia Guarani Tumpa Iñee

² “Judáɨgua reta oyaeo ipɨatɨtɨ güi, jëta guasu reta kïrii ngatu, yogüɨreko pɨpe vae reta oguapɨ ɨvɨ pe. Jerusalén täta omoäse mbɨatɨtɨ.

JEREMÍAS 14:2 ပူးပေါင်းရင်းမြစ်များ

JOB 34:28

Paravete jare yogüɨrekoasɨ katu vae reta jäse, ojo oväe Tumpa jóvai, jare jae oendu.

SALMOS 144:14

Oregüeye reta tijäta ngatu mbaravɨkɨ peguarä; agüɨye topüa oreré vae, ani torereraja vae, agüɨye toyeendu sapúkai kɨɨye pegua orerokaguasu reta rupi vae.

ÉXODO 2:24

Tumpa oendu jae reta güɨroäse yeokuaiasɨ katu vae, jare imaendúa morogüɨrökuavee päve oyapo Abraham, Isaac jare Jacob ndive vae re.

ISAÍAS 15:5

Cheräse Moab pegua reta re; echa joko güi otekuarai vae reta opa yogüɨraja oväe Zoar pe, guakiya mboapɨ año vae rami. Ɨvɨtɨ Luhit ikúa rupi oyeupi retata oyaeo reve, jare jäseta oyaeo reta yogüɨraja Horonaim kotɨ tape ojo vae rupi.

ISAÍAS 24:11

Kuimbae reta oyaeo kaye rupi vino mbaetɨ ramo; opa okañɨ yerovia katu tëta güi, oñerenoe oyemombo yerovia katu kuae ɨvɨ güi.

ISAÍAS 24:4

Opa oyemboai ɨvɨ, opa okañɨtei, opaetei ɨvɨ oikomegua, opaetei tëtaguasu reta ɨvɨ pegua imbaerasɨ ñogüɨnoi.

ISAÍAS 24:7

Vino mbaetɨ ma jeta, opa imbaerasɨ temitɨ uva reta, oyerovia katu yepi vae reta, opa ipɨatɨtɨ.

ISAÍAS 3:26

Tëta pegua reta oyaeota, jare omondeta temimonde mbɨatɨtɨ pegua, jare ipombae opɨtata.

ISAÍAS 33:9

Ɨvɨ imbaerasɨ jare ipɨatɨtɨ oï, Líbano oñemomarai jare opa yɨpi oï, ɨvɨtɨ päu ipe kavi vae Sarón ipombae opɨta oï, ɨvɨ Basán jare ɨvɨtɨ Carmelo opaetei oyetɨvɨro opɨta.

ISAÍAS 5:7

Jókuae yandeYa Imbaepuere yae ete vae iuvarupa, jae ko Israel iñemuña reta, jare temitɨ ikavi vae, jae ko kuimbae Judá pegua reta. YandeYa oäro tëi chugüi reta jupi vae, ërei jeieteño ikavimbae, oäro tëi chugüi reta jupi vae, ërei jeieteño jäse oiporara vae reta.

JEREMÍAS 11:11

Jáeramo aruta chupe reta susere mbaetɨta ipuere otekuarai chugüi vae. Yepe tëi täta jäse reve oeka cheve yemborɨ, ngaraa aendu chupe reta. Che ndeYa jae kuae.

JEREMÍAS 12:11

Oeya reta ipombae, opa omboai reta, jare che aecha ɨvɨ ipɨatɨtɨ yae. Opaete ɨvɨ ipombae oï, jare mbaetɨ etei kia oyemoambeko jese.

JEREMÍAS 12:4

¿Kërai yave regua pa ɨvɨ otinita oiko jare ñana kaa rupigua ipiruta oiko? Pɨpegua reta jeko kavimbae jeko pegua, mɨmba reta jare güɨra reta opa omano; echa jei reta: “Tumpa mbaetɨ ko oecha yayapogüe.”

JEREMÍAS 18:22

Embou chupe reta iparanoe jetagüe tovaicho. ¡Jäse reta toyeendu jo rupi okɨɨye güi! Echa oyoo reta ɨvɨkua chepɨɨ vaerä, ñuai oñono reta cheraperä pe.

JEREMÍAS 4:28

Ɨvɨ jare ara ipɨatɨtɨ yaeta. Echa jae ma ko, ngaraa ma aipoepɨ cheyemongeta; ayapo ma, ngaraa ma aja ye cheraɨkue kotɨ.

JEREMÍAS 46:12

Tëtaguasu reta oikuaa ma reñemoamɨriuka vae, jare opaete ɨvɨ rupi oyeendu neräse; echa jëia yae vae reta oa oyoe, jare oyoitɨ reta ɨvɨ rupi.”

JEREMÍAS 8:21

Aiporara yae, cherëtaɨgua reta oiporara ramo; chembopɨatɨtɨ yae jare akɨɨye yae aï.

LAMENTACIONES 2:8

YandeYa jei opa vaerä ombosururu tëta guasu Sión ikësea. Ombojaanga ma opa vaerä ombosururu, mbaetɨ etei oputuu opa ombosururu regua. Tëta guasu ikësea reta oyokupe vae, jae opa oñono mbɨatɨtɨ pe, opa osururu metei rami.

LAMENTACIONES 2:9

Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

LAMENTACIONES 5:10

Orepire jaku orno rami; oremboaku karuai.

OSEAS 4:3

Jáeramo ɨvɨ ipɨatɨtɨ; mbaetɨta mɨ̈rata güɨnoi joko pe yogüɨreko vae, mɨmba pochɨ vae ñana rupigua, güɨra reta, jare jevae reta ɨ rupigua ave omano ñogüɨnoi.

JOEL 1:10

Ipombae opita ivi, ipiatiti oï; echa trigo opa okañitei, opa otini uva tigüegüe, jare olivo iasaite opa yandegüi.

JOEL 1:11

Pepɨatɨtɨ maetɨ regua reta; peräse uva iya reta; peyaeo trigo re jare cebada re, echa temitɨ opa okañɨtei ko rupi.

JOEL 1:14

Pemoërakua opaete vae pe oyekuaku vaerä tembíu güi, peyapo yemboatɨ; pemboatɨ opaete tenondegua reta jare opaete kuae ɨvɨ pe yogüɨreko vae reta, peyomboatɨ kuae yandeYa Tumpa jo pe jare peyerure chupe.

JOEL 2:6

Yogüeru reta yave, orɨrɨi chugüi reta opaete vae, opaete vae jovaiyuta okɨɨye güi.

HAGEO 1:11

Jare aru ara-tini ɨvɨ re, ko reta re jare trigo re, uvarupa re, ɨvɨra olivorupa re, mɨmba reta re jare opaete kuimbae reta ipo pe oyeapo vae re.”

ZACARÍAS 7:13

Jare jei: “Che aenɨi reta tëi yave mbaetɨ oyeapɨsaka cheré, jökoraiño vi osapúkai reta chekotɨ yave; che mbaetɨta aendu chupe reta.

1 SAMUEL 5:12

Jare oikoveño vae reta, oiporara mbaerasɨ pɨ̈chɨi ñakɨ̈ta vae, oë opaete vae jete re, jare opaete vae täta güɨroäse.

1 SAMUEL 9:16

“Pɨareve koyave etei, che ambouta ndépɨri metei kunumi Benjamín iñenuña reta iɨvɨ kotɨ güi, jae reiparavota Israel iñemuña reta pe mburuvicharä jae oepɨta chembae vae, filisteo reta ipo güi; echa aiparareko amae jese reta, jäse aendu jeko pegua.”