JEREMÍAS 14:19 - Biblia Guarani Tumpa Iñee

¹⁹ CheYa, ¿remombo ete pa ko Judá? ¿Reröɨro pa tëta guasu Sión? ¿Maera pa ko orembopere, rokuerambae vaerä? Roäro tëi mbɨakatu, ërei mbaetɨ mbae ikavigüe ou oreve. Roäro tëi rokuera vaerä, jaeño jeiete kɨɨye ou oreve.

JEREMÍAS 14:19 ပူးပေါင်းရင်းမြစ်များ

2 CRÓNICAS 36:16

Ërei jae reta oyóyai yóyai ñeemombeúa reta, güɨröɨro reta omombeugüe jare opuka reta Tumpa iñeemombeúa reta re, yandeYa iyarasɨ ou regua tëta imbae vae reta re, jare mbaetɨ ma oväe kërai oasayepe reta vaerä.

JOB 30:26

Aäro ikavi vae yave, ou cheve ikavimbae; aäro tembipe, ou cheve pɨtumimbi.

SALMOS 78:59

Tumpa oecha kuae jare iyarasɨ yae, jare güɨröɨro yeyé Israel.

SALMOS 89:38

Ërei ngatu, reröɨro jare remombo mburuvicha guasu nde reiparavogüe; ¡ndearasɨ chupe!

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

JEREMÍAS 12:7

Aeya chembae vae reta, aröɨro chembae vae reta. Amee jovaicho reta ipo pe, tëta chembae aaɨu yae yepi vae.

JEREMÍAS 12:8

Kuae tëta chembae vae, añave yaguapope kaa rupigua rami oyeapo cheve; jäse jäse oporepeña cheré, jáeramo aröɨro.

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

JEREMÍAS 15:18

¿Maera pa chepɨa pe jasɨ vae mbaetɨ oasa? ¿Maera pa chepere mbaetɨ okuera; okueraä etei moa oñeñono jese yave? ¿Chereeyata pa nde, ɨesaɨ tɨpa katu vae rami?

JEREMÍAS 30:12

YandeYa jei: “Pepere ipöambae ko, pembaerasɨ reta mbaetɨ ipöa.

JEREMÍAS 30:13

Mbaetɨ kia oyemoambeko peré; mbaetɨ kia oipoano pepere, mbaetɨ moa chupegua.

JEREMÍAS 51:5

echa yepe tëi Israel jare Judá iyoa chekotɨ, omotɨnɨe iɨvɨ mbaeyoa pe, ërei che, iYa Imbaepuere yae ete vae, iYoambae Israel pegua, mbaetɨ aeya reta.

JEREMÍAS 6:30

Ikavi ko oyembojee “jatɨgüegüe”, echa nde cheYa ko, reröɨro.

JEREMÍAS 7:29

¡Jerusalén, eyasɨa ndea, javoi emombo! ¡Etairari tairari mbɨatɨtɨ pegua pe ɨvɨtɨ jaambae re! Echa yandeYa iyarasɨ yae oï tëta jae imbae vae kotɨ, güɨröɨro jare oeya.

JEREMÍAS 8:15

Ñaäro tëi mbɨakatu, ërei mbaetɨ etei mbae nunga ikavigüe oväe yandeve; ñaäro tëi yakuera katu yae vaerä, ërei kɨɨyeño oväe yandeve.

JEREMÍAS 8:22

¿Mbaetɨ ra mbae nunga moa yepe Galaad pe? ¿Mbaetɨ ra kia oporopoano vae joko pe? Jayave, ¿maera pa mbaetɨ okuera cherëtaɨgua reta?

LAMENTACIONES 2:13

¿Kia ndive pa romboyovaketa ani rombojaangata, Jerusalén? ¿Mbae re pa ambojaangata ndeve, rombopɨakatu vaerä tëta chembae vae Sión? Echa ɨguasu tuicha yae rami resusere; ¿kia pa ndembogüerata?

LAMENTACIONES 2:22

Rembou cheve ketɨ ketɨ güi kɨɨye, metei arete ikavía pe yogüeru vae rami; cheYa, ndearasɨ iara pe mbaetɨ kia oasayepe ndegüi vae. Che ambokuakuaa vae jare ayangareko jese vae reta, cherovaicho reta opa oyuka.

LAMENTACIONES 4:17

Oreresa ikangɨi roäro tëi yemborɨ. Roäroiño ma metei tëtaguasu mbaetɨta ipuere oporoepɨ vae.

LAMENTACIONES 5:22

Yepe tëi nde orereröɨro, jare ndearasɨ yae orekotɨ.

MIQUEAS 1:12

Tëta Marot pegua reta ikɨ̈reɨ yae yogüɨreko kavi, echa yandeYa imbaepuere rupi, ikavimbae ou oväe Jerusalén jöke pe etei.

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.