JEREMÍAS 14:16 - Biblia Guarani Tumpa Iñee

¹⁶ Jare tëta oñemoërakua chupe reta vae, omanota vi ñeraro jare karuai rupi, kuimbae jembireko ndive jare imichia reta. Jëogüegüe reta oyemombota Jerusalén ikaye rupi, mbaetɨta kia oñotɨ vaerä. Jökorai aiporaraukata chupe reta iyoa re.

JEREMÍAS 14:16 ပူးပေါင်းရင်းမြစ်များ

PROVERBIOS 1:31

¡Ërei peiporarata ko jókuae pereko re! ¡Peyombogüeraita peyemongeta reta ikavimbae pe!

ISAÍAS 51:20

Nemembɨ reta opa ogüɨapi ñogüɨnoi, tape oyoasaa ñavo rupi oyepɨso ñogüɨnoi, guasuovɨ ñuai pe oa vae rami. YandeYa iporojäa rupi oiporara reta, neTumpa iporombosɨmbi rupi.

ISAÍAS 9:16

Echa mburuvicha kuae tëta pegua reta oporombotavɨ vae reta ko, jare opaete vae reta opa ombojopa.

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 18:21

¡Ërei añave, emee taɨ reta omano reta vaerä karuai ani ñeraro rupi; topɨta kuña reta imembae jare imembɨmbae! ¡Mbaerasɨ yavaetegüe toyuka kuimbae reta, jare ikunumi reta tomano ñeraroa pe!

JEREMÍAS 20:6

Jare nde, Pasur, reyererajaukata Babilonia pe, opaete ndero pegua reta ndive. Joko pe remanota, joko pe vi neñotɨ retata opaete ndevɨa-ïru reta ndive, jókuae ndeapu reve remoërakua mbae maratuta vae re chupe vae reta.’ ”

JEREMÍAS 27:15

YandeYa jei jae mbaetɨ ko ombou reta; omoërakuaiño ma yandeYa jee re. Jare jökorai yandeYa opata pemoai moai jare opata pemano, jökoraiño vi jókuae ñeemombeúa reta omoërakua kuaekuae vae.”

JEREMÍAS 4:18

Ndereko jare nderembiapo jeko pegua ko kuae ou ndeve; jae ko kuae ikavimbae reyapo vae jekovia, ndepɨa pe jasɨ yaeta vae.’

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

JEREMÍAS 7:33

Kuae tëta pegua omanogüe reta jëogüegüe chucha reta jembiurä ko, jare mɨmba pochɨ vae ñana rupigua jembiurä; mbaetɨta kia omondo chugüi.

JEREMÍAS 8:1

YandeYa jei: “Jókuae ara tɨvɨa reta güi oñerenoeta mburuvicha guasu reta jare tenondegua reta Judá pegua ikägüegüe, sacerdote reta, ñeemombeúa reta jare Jerusalén pegua reta ikägüegüe,

JEREMÍAS 8:2

jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.

JEREMÍAS 9:20

Kuña reta, peyeapɨsaka yandeYa iñee re, peendu iñemoñee: Pemboe toyaeo pememɨkuña reta jare pevɨa-ïru reta körai:

JEREMÍAS 9:22

Kuimbae reta jëogüegüe oñemoai tepoti rami kaa rupi, trigo oyepoo yave osururu ɨvɨ rupi vae mbaetɨ ye kia omonoo vae rami.” Jei yandeYa.

EZEQUIEL 39:14

Jókuae chiu yasɨ jaɨkue rupi omboepɨ retata omondo kuimbae reta oguata opaete jókuae ɨvɨ rupi, oeka reta vaerä tëogüe oï ɨvɨ iárambo vae, opa vaerä oñotɨ; jökorai oitɨo vaerä ɨvɨ.

AMÓS 7:17

Jáeramo körai jei yandeYa: “Nderembireko oikota aguasa rupi kuae tëta guasu pe, nderaɨ reta jare nderayɨ reta omanota kɨsepuku pe, jare pe reta jare opaete Israel oyererajaukata tembipɨɨrä matɨ kuae peɨvɨ güi.”

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.

Apocalipsis 16:1

Jare aendu metei ñee tätagüe tupao güi jei jókuae chiu araɨgua reta pe: “Pekua pepɨyere ɨvɨ re jókuae chiu kopa Tumpa iyarasɨ güɨnoi vae reta.”