JEREMÍAS 14:14 - Biblia Guarani Tumpa Iñee

¹⁴ Jayave yandeYa jei cheve: “Jókuae ñeemombeúa reta omoërakua cheree re vae, iyapu ko. Che mbaetɨ ko ambou reta, mbaetɨ vi ayókuai reta, mbaetɨ etei chemiari ave jae reta ndive. Oecha reta apu jare jaangaño ko, iyeugüi aeño jei omoërakua jókuae ñeemombeúa reta.

JEREMÍAS 14:14 ပူးပေါင်းရင်းမြစ်များ

ISAÍAS 56:10

echa sundaro ɨvate güi omae vae reta, jesambae rami ñogüɨnoi, mbaetɨ etei mbae oikuaa ñogüɨnoi. Opaete jae reta yaɨmba iñarosembae rami ko, mbaetɨ ipuere oñaro reta; oke reteiño jare oaɨu yae reta jopeɨ.

ISAÍAS 9:15

(Iñäka ombojaanga ko tenondegua reta jare mburuvicha reta re, juguai ombojaanga ko ñeemombeúa reta oporomboe apu re vae reta re.)

JEREMÍAS 20:6

Jare nde, Pasur, reyererajaukata Babilonia pe, opaete ndero pegua reta ndive. Joko pe remanota, joko pe vi neñotɨ retata opaete ndevɨa-ïru reta ndive, jókuae ndeapu reve remoërakua mbae maratuta vae re chupe vae reta.’ ”

JEREMÍAS 28:11

javoi jei opaete vae reta pe: —YandeYa jei: “Köraita ko kuae güi mókoi añoa rupi aekɨ yuvo opaete tëtaguasu reta iyayu güi, Nabucodonosor, mburuvicha guasu Babilonia pegua iyuvo, jare opata amopë mopë.” Jare Jeremías ojo joko güi.

JEREMÍAS 28:13

“Ekua ere Hananías pe, che peYa jae: Opa remopë mopë yuvo ɨvɨra pegua, ërei che amokätɨro nderé metei yuvo jiero pegua.

JEREMÍAS 28:15

Jayave ñeemombeúa Jeremías jei ñeemombeúa Hananías pe: —¡Eyeapɨsaka, Hananías! YandeYa mbaetɨ tëi ndembou, ërei nde rembotavɨ kuae tëta, reroviauka chupe reta añetembae.

JEREMÍAS 29:21

YandeYa Imbaepuere yae ete vae, Israel iTumpa jei Acab, Colaías taɨ regua, jare Sedequías, Maasías taɨ regua, kërai jae reta omombeu peve añetembae yandeYa jee re. YandeYa jei körai: ‘Ameeta oa reta vaerä Nabucodonosor, mburuvicha guasu Babilonia pegua ipo pe, jare jae oyuka retata perovakei.

JEREMÍAS 29:31

“Emondo ere opaete tembipɨɨrä ñogüɨnoi ïru ɨvɨ pe vae reta pe, che peYa jae: Semaías, Nehelam pegua imiari ma peve cheree re che ayokuaimbae reve, jare güɨroviauka peve añetembae vae,

JEREMÍAS 37:19

¿Ketɨ pa oime ñogüɨnoi jókuae ñeemombeúa reta, omoërakua mbaetɨta ko mburuvicha guasu Babilonia pegua opüa peré ani kuae tëtaguasu re vae reta?

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

JEREMÍAS 8:10

Jáeramo, jae reta jembireko ameeta ïru kuimbae reta pe, jare iko reta ameeta imoamɨría reta ipo pe. Echa michia güive okuakuaa vae pe, iyeupeguaräño imbaepotarai yae reta; ñeemombeúa reta jare sacerdote reta ave, opaete oporombotavɨ vae reta ko.

JEREMÍAS 8:11

Chembae vae reta ombopɨakatu vaerä jei reta, opaete mbae jaekavi ko oï, mbaetɨ tëi ikavi oï reve.

LAMENTACIONES 2:14

Ñeemombeúa reta oechagüe omoërakua ndeve vae, jaangaño ko jare mbokereño ko. Mbaetɨ ndeyoa omboyekuaa reta ndeve, echa omboyekuaa yave, mbaetɨta tëi reo tembipɨɨrä; ërei omombeu reta ndeve mbae maratuta vae añetembae, jare güɨroviauka reta jese ndeve.

LAMENTACIONES 2:9

Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

EZEQUIEL 12:24

Mbaetɨ yeta ma Israel iñemuña reta ipɨte pe mbae oecha raangaiño vae, ani imbaekuaa rupi maratuta vae re añetegüe nunga omombeu vae.

EZEQUIEL 13:2

“Nde kuimbae, emombeu maratuta oasa Israel iñeemombeuaraanga reta vae; jókuae ñeemombeuaraanga reta iyeugüi aeño omoërakua vae. Ere chupe reta toyeapɨsaka cheñee re:

EZEQUIEL 13:23

Jáeramo, ngaraa ye ma peecha oyekuaa raanga peve vae, jare ngaraa ma pemoërakua imbaekuaa vae maratuta vae re omoërakua rami. Che aepɨta chembae vae reta pepo güi, jayave pe reta chekuaata che ko jae peYa vae.’ ”

EZEQUIEL 21:29

Omoërakua ndeve vae añetembae ko, imbaekuaa vae maratuta vae re omombeu ramiño ko, apu ko. Kɨsepuku pe opata oñeaseokɨ̈ti jókuae oporoyuka vae reta. Köiño ma ou ara oiporara reta vaerä.

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

ZACARÍAS 10:2

Echa tumpa-raanga reta iñee mbaetɨ ko añetete, jare maratuta vae imombeúa reta oecha apu, ipaɨu re imiari jare oporombopɨakatu jaanga; jáeramo tëta, vecha oikoiño vae rami, oiporara, echa mbaetɨ iyangarekoa.

ZACARÍAS 13:3

Jare amogüe omoërakua vɨteri mbae maratuta vae yave, tu jeita chupe: ‘¡Nde remanota, echa nemiari apu yandeYa jee re!’ Tu jare ichɨ aeño oikututa kɨse pe ñeemombeuarä oyeapo vae.

DEUTERONOMIO 18:20

Ërei metei ñeemombeúa oyembotuicha reve imiari yave cheree re, che mbaetɨ ayókuai reve imiari yave, ani imiari yave tumpa ambuae vae reta jee re, jókuae nunga ñeemombeúa tomano.’

1 Timoteo 4:2

jókuae reta oenduta jova mókoi vae jare iyapu vae reta iporomboe, jókuae mbaetɨ etei ipɨatɨtɨ vae reta.

1 Juan 4:1

Cherɨvɨ aaɨu vae reta, agüɨye perovia opaete espíritu re, jaeño pejäa Tumpa pegua ra, echa kuae ɨvɨ pe jeta oë ñeemombeúa jaanga reta.