JEREMÍAS 14:10 - Biblia Guarani Tumpa Iñee

¹⁰ Körai jei yandeYa Israel kotɨ: “Kuae tëta oguata reteiño oipota rupi. Jáeramo mbaetɨ chepɨakatu amae jese. Añave chemaenduata iyoa reta re jare aiporaraukata chupe reta.”

JEREMÍAS 14:10 ပူးပေါင်းရင်းမြစ်များ

1 REYES 17:18

Jayave kuña imemano vae jei Elías pe: —¿Mbae pa che ayapo ndekotɨ kuimbae Tumpa jembiokuai? ¿Reyu pa chemomaendúa cheyoa re jare omano vaerä chemembɨ?

SALMOS 119:101

Ayembosɨrɨ opaete ikavimbae güi, ayapo vaerä neñee reta.

SALMOS 95:10

Cuarenta año chearasɨ aiko kuae tëtaguasu kotɨ, jare jae: ‘Kuae tëta ipɨa güɨrave yae, ¡jare mbaetɨ oikuaa reta cheporookuai!’

ÉXODO 32:34

Añave, ekua eraja opaete vae reta, che jae ndevea pe, chearaɨgua ojota nderenonde; ërei ñenupa ara oväe yave, che aiporaraukata chupe reta iyoa re.

JEREMÍAS 2:36

¿Maera pa ndeandeko yae reñemoïru vaerä? Egipto ombaeyavɨta vi ko ndeve, Asiria ombaeyavɨ ma ndeve rami.

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

JEREMÍAS 8:5

Jayave Israel, ¿maera pa mbaetɨ chemboete? Jerusalén, ¿maera pa reyembopɨapochɨ jekuae avei, jare mbaetɨ reipota reyerova ye chekotɨ?

EZEQUIEL 29:16

Israel pegua reta ngaraa ye ma oyeko Egipto pegua reta re, echa oecha retata oyavɨ reta yepe yogüɨraja yave oiporu yemborɨ Egipto pegua reta pe. Jayave chekuaa retata che ko jae peYa Tumpa vae.’ ”

OSEAS 11:7

Chembae vae reta jekuaeño oyembopɨapochɨ chekotɨ. Yepe tëi chereenɨi reta Tuichagüe yae ete vae pe; ërei mbaetɨ etei metei ave chembotuicha.

OSEAS 11:9

Ngaraa ayapo chearasɨ jeia rupi: Ngaraa ave amboai Efraín, echa Tumpa ko che, kuimbaeä ko che. Pepɨte pe Ikɨambae ko che, ngaraa aike amboai tëta guasu.”

OSEAS 7:13

¡Atataɨ! ¡Maera pa ko opia reta chegüi! Opata amokañɨtei reta, echa oyembopɨapochɨ reta chekotɨ. Che, chekɨ̈reɨ aepɨ reta, ërei jae reta iyapu reve imiari chekotɨ.

OSEAS 7:2

Mbaetɨ oyemongeta reta che chemaendúa ko opaete ikavimbae oyapo reta vae re. Añave ngaraa ma oyemboapeuka reta jembiapo reta pe, ñogüɨnoi cheróvai jembiapo ikavimbae reta.

OSEAS 8:13

Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

OSEAS 9:9

Oñererokomegua ete kavi reta, arakae yave Gabaa pe rami. Ërei añave yandeYa imaenduata ikavimbae oyapo vae re, oiporaraukata chupe iyoa reta re.

AMÓS 3:2

“Pe retaño poparavo opaete ɨvɨ pegua reta ipɨte güi, jáeramo, aiporaraukata peve opaete peyoa reta re.”

AMÓS 5:22

Mbaetɨ aipota mɨmba oyeyukagüe opaetei oyeapɨ vae pemee tëi cheve vae, jare mbota reta temitɨ jäɨgüe; ngaraa aipɨɨ pegüi perɨmba pemongɨragüe ave mbota yembopɨakatu peguarä pemee tëi yave.

Hebreos 8:12

echa aipararekota jupimbae iyapoa, jare ngaraa ye chemaendúa iyoa reta re.”

1 SAMUEL 15:2

Körai jei yandeYa imbaepuere yae ete vae: “Che aiporaraukata Amalec iñemuña reta oyapo Israel iñemuña reta pe vae re, echa oë oyovaicho jese tape rupi, Egipto kotɨ güi yogüeru yogüɨreko yave.