JEREMÍAS 13:27 - Biblia Guarani Tumpa Iñee

²⁷ Aecha ko ndepɨa mbokere, aguasa reyapogüe, ndereko mbokere reyeapo vae, ɨvɨtɨ jare kaa rupi pɨ̈chɨi yae reyapogüe. ¡Ndeparavete, Jerusalén! ¿Kërai yave pa reyetɨota cheróvai? ¿Kërai yave regua ra ndekɨata reiko?”

JEREMÍAS 13:27 ပူးပေါင်းရင်းမြစ်များ

SALMOS 94:4

¿Kërai yave regua pa jeita mbae jasɨ katu vae, jare oyemboeteta iyé ikavimbae iyapoa reta?

SALMOS 94:8

¡Pe mbaetɨ pearakuaa vae reta, pearakuaa mo peyeupe! Pe mbaetɨ pearakuaa vae reta, ¿kërai yave pa pearakuaata ma peyeupe?

PROVERBIOS 1:22

“Pe, yarakuaambae reta, peporoyóyai yóyai vae reta, ¿kërai yave regua pa peröɨrota arakuaa katu? ¿Kërai yave regua pa peporoyóyai yoyaita?

ISAÍAS 57:7

Ɨvɨtɨ ɨvate yae vae iyapɨte re, reñono nderupa, joko pe vi reyeupi remee mɨmba oyeyukagüe.

ISAÍAS 65:7

iyoa reta ae re jare iñemuña reta iyoa re. Jae reta oapɨ yepi ikäti kavi vae incienso, ɨvɨtɨ guasu re, jare ɨvɨtɨ re oyapo reta yepi chekotɨ ikavimbae. Jáeramo, che ajäata chupe reta iyoa jepɨ, aiporaraukata chupe reta.” Jei yandeYa.

JEREMÍAS 11:15

Nde Israel che roaɨu vae, ¿mbae pa reeka chero pe, ikavimbae yae vae jeta ma reyapo güire? ¿Reyemongeta pa, remee cheve mbaekɨra jare soo oyeapɨ vaerä vae rupi reasayepeta susere güi? ¿Jókuae re pa reyemboete?

JEREMÍAS 3:6

Josías mburuvicha guasurä oiko yave, yandeYa jei cheve: “¿Reecha pa ipɨapochɨ vae Israel oyapogüe? Jae ojo jare oñemee oyapo vaerä aguasa, opaete ɨvɨtɨ reta rupi jare ɨvɨra iküaraɨa kavi vae igüɨ rupi.

EZEQUIEL 16:23

Che ndeYa Tumpa jae: ¡Paravete!, ¡maera pa ko! Jókuae ikavimbae reyapo güire,

EZEQUIEL 2:10

Oyora cheróvai jókuae tembikuatía oyepomombɨ vae, oyekuatía yoyavi oï: moroäpiro regua, yaeo regua jare täse reta regua.

EZEQUIEL 20:28

Che aru reta jókuae ɨvɨ arökuavee amee vaerä chupe retaa pe, jare oecha reta ramboeve ɨvɨtɨ ɨvate vae jare ɨvɨra iküaraɨa kavi vae yave, joko pe omee reta mɨmba oyeyukagüe, jare mbota reta, pɨpe chemboarasɨ reta, joko pe omee vi ikäti kavi vae incienso jare mbota vino oyepɨyere vaerä oñemee vae.

EZEQUIEL 24:12

Ërei ngatu ikɨa täta yae oya jese, tata pe ave mbaetɨ oyeekɨ.

EZEQUIEL 24:13

Jerusalén, aipota tëi rotɨo yepi reyemongɨa ndekuimbae pota vae güi, ërei mbaetɨ reyetɨo. Reyetɨota chearasɨ aitɨ nderé yave ramo.

EZEQUIEL 24:6

Echa, yandeYa Tumpa jei körai: ¡Paravete, tëta guasu oporoyuka vae! Metei yapepo ikɨa oya japɨpe re vae, mbaetɨ ma oyeekɨ chugüi rami. Metei metei rupi enoe chugüi soo, opa renoe regua.

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

EZEQUIEL 36:37

Che peYa Tumpa jae körai: Israel iñemuña reta oiporu cheve vae ayapota; amoñemuña retata jeta, vecha reta jeta oñemuña rami.

EZEQUIEL 6:13

Jökorai chekuaata, che jae ko peYa, peecha yave tëogüe reta petumpa-raanga reta ipɨte rupi, mɨmba peyuka peapɨ pemee jese vae iyɨ́vɨri rupi, ɨvɨtɨ raɨ reta ikúa rupi, ɨvɨtɨ reta iyapɨte rupi, ɨvɨra reta iküaraɨa kavía rupi, ɨvɨra encina jee vae igüɨ rupi, ikäti kavi vae incienso peapɨ opaete petumpa-raanga reta pe vaea rupi.

OSEAS 1:2

YandeYa omboɨpɨ imiari Oseas rupi, körai jei chupe: “Ekua, ereko metei kuña iyaguasa pota vae, jare toime nderaɨ reta jae ndive; jökorai jae reta toyogüɨreko iyaguasa pota vae imembɨrä; echa kuae tëta iyaguasa pota rami chegüi.”

OSEAS 4:2

Jei raangaiño mbae oyapo vaerä, apu, yoyuka, maeñomi, aguasa; kuaekuae reta jeta jare oyoyuka vae oyoaɨkue yoaɨkueño.

OSEAS 8:5

¡Samaria pegua reta, pɨ̈chɨi yae ko cheve toro taɨrusu vae iä pemboete vae! Chearasɨ yae ikotɨ. ¿Kërai yave pa peyetɨota?

SOFONÍAS 3:1

¡Paravete Jerusalén, tëta ipɨapochɨ vae, tëta guasu oyemongɨa mbaeyoa pe vae, tëta guasu ipïrimbae!

San Mateo 11:21

“Paravete, nde Corazín. Paravete, nde Betsaida. Echa Tiro jare Sidón pe mona, ayapo mɨakañɨ reta pepɨte pe ayapo vae yave, kuerae yae ma ko jae reta oeyata tëi iyemongeta ikavimbae vae, omonde reve temimonde mbɨatɨtɨ pegua, jare oñono reve tanimbu iñäka re.

2 Corintios 12:21

Güɨramoi Tumpa chemomaraita peré, güɨramoi chemboyaeoukata jeta jókuae mbaeyoa oyapo vae reta re, mbaetɨ oyerova teko pɨ̈chɨi vae güi, aguasa jare kuña pota güi ani mbɨa pota güi.

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.

Apocalipsis 8:13

Amae jare aendu metei güɨraké oveve ara mbɨte rupi, jare iñeeäta reve jei: “¡Paravete ɨvɨ pegua reta oiporara yaeta ko ïru mboapɨ araɨgua reta mimbɨguasu omoñee yave!”