JEREMÍAS 13:19 - Biblia Guarani Tumpa Iñee

¹⁹ Tëta guasu reta Neguev pegua opa oñeova ñogüɨnoi; mbaetɨ kia ipuere oë. Opaete Judá pegua opa oyereraja, tembipɨɨrä opa oyereraja.

JEREMÍAS 13:19 ပူးပေါင်းရင်းမြစ်များ

2 REYES 25:21

Joko pe mburuvicha guasu Babilonia pegua oyukauka reta, ɨvɨ Hamat pe. Jökorai tëta Judá oyererajauka tembipɨɨrä iɨvɨ güi.

1 CRÓNICAS 9:1

Körai opaete Israel iñemuña ñavo rupi oyekuatía oï tembikuatía pe, Israel pegua mburuvicha guasu reta imbae pe. Judá pegua reta opa oyererajauka iɨvɨ güi Babilonia pe iyoa jeko pegua.

JOB 12:14

Jae omboai vae, mbaetɨ kia ipuere omopüa ye, oyokenda kuimbae yave, mbaetɨ kia ipuere güɨnoe.

JEREMÍAS 17:26

Jare yogüeruta tëta guasu reta Judá pegua Jerusalén iyɨ́vɨri ñogüɨnoi vae reta, jare Benjamín iɨvɨ güi jare ɨvɨpe kavi güi jare Neguev güi. Güeru retata tupao pe mɨmba oyeyuka opaetei oyeapɨ vaerä vae, jare mɨmba oyeyuka vaerä jare mbota temitɨ jäɨgüe, jare ikäti kavi vae incienso, jare mbota yasoropai pegua.

JEREMÍAS 20:4

Echa yandeYa jei körai: ‘Ropoepɨta kɨɨye rupi reiko vaerä jare opaete ndevɨa-ïru reta okɨɨyeta ndegüi; nderovake ndevɨa-ïru reta opata omano tovaicho reta ipo pe. Ameeta opaete Judá pegua reta mburuvicha guasu Babilonia pegua ipo pe, jae güɨrajata iɨvɨ güi ani oyukata kɨsepuku pe.

JEREMÍAS 24:1

Nabucodonosor mburuvicha guasu Babilonia pegua güɨraja güire Jeconías mburuvicha guasu Judá pegua, Joacim taɨ, jare mburuvicha reta Judá pegua ndive, ipoki mbae oyapo vae reta jare jiero pegua mbaravɨkɨ iyapoa reta Jerusalén pegua, yandeYa oechauka cheve mókoi kanata ɨva, yandeYa itupao jóvai.

JEREMÍAS 28:4

Jare aruruka yeta kuae pe Jeconías, Joacim taɨ, jae ko mburuvicha guasu Judá pegua, jare opaete oyereraja Judá güi Babilonia pe vae. Echa che amopëta yuvo mburuvicha guasu Babilonia pegua güi.”

JEREMÍAS 32:44

Ogua retata jare oikuatiata tupapire mbaegua regua, sello oyemboyeɨta jese jare kia jovake oyegua vae jee oikuatiata jese. Kuae oyeapota Benjamín iɨvɨ pe, Jerusalén iyɨ́vɨri rupi jare tëta guasu reta Judá pegua rupi, tëta guasu reta ɨvɨtɨ guasu rupigua rupi jare ɨvɨpe rupi jare Neguev pegua tëta guasu reta rupi, echa che aru yeta tembipɨɨ reta güi. Che peYa ko jae kuae.”

JEREMÍAS 33:13

Tëta guasu reta ɨvɨtɨ guasu rupigua jare ɨvɨpe kavi rupi ñogüɨnoi vae reta, jökoraiño vi Neguev pegua jare Benjamín iɨvɨ pegua tëta guasu reta, jare Jerusalén iyɨ́vɨri rupigua jare tëta guasu reta Judá pegua rupi, oime yeta vecha iyangarekoa reta oipapa ivecha reta. Che ndeYa ko jae kuae.”

JEREMÍAS 39:9

Jare Nabuzaradán, sundaro omaeäro vae reta juvicha opa güɨraja Babilonia kotɨ, opaete tëta guasu pe opɨtagüe reta, oñemoïru jae reta ndive vae reta, jare opaetei.

JEREMÍAS 52:28

Nabucodonosor opa oipɨɨ güɨraja vae reta jae kuae: Chiúa año ma oiko mburuvicha guasurä yave, güɨraja tres mil veintitré Judá pegua reta;

JEREMÍAS 52:30

jare Nabucodonosor veintitré año ma oiko mburuvicha guasurä yave, Nabuzaradán güɨraja seteciento cuarenta y cinco Judá pegua reta; jae ko opaete reve cuatro mil seisciento iɨvɨ güi oyererajagüe reta.

LAMENTACIONES 1:3

Judá oyereraja tembipɨɨ, oiporara yae oï jasɨ katu yae reve; oï tëtaguasu reta ipɨte rupi jare mbaetɨ oväe mbutuu. Opaete jovaicho reta oupitɨ ɨvɨtɨ päu ipɨmiia pe.

ZACARÍAS 7:7

¿Jaeä yera kuae ñee yandeYa omoërakuauka tenondegua ñeemombeúa reta rupi; Jerusalén pegua reta yogüɨreko pɨagüive yepi, jare iyɨ́vɨri rupigua tëta guasu reta jare ɨvɨ Neguev jare Sefela pe yogüɨreko vae?

DEUTERONOMIO 28:15

Ërei mbaetɨ peendu yandeYa Tumpa iñee omombeu añave peve vae yave, outa peré opaete kuae yepopeyu reta:

DEUTERONOMIO 28:52

Oñova retata opaete perëta guasu reta, oa regua tëta ikësea täta jare ɨvate vae reta, pe peyerovia jese vae, opaete kuae ɨvɨ pe; oñova retata opaete tëta reta yandeYa omee ɨvɨ pevea pe.

JOSUÉ 18:5

Jare jókuae kuimbae reta tomboyao ɨvɨ chiu yemboyao pe, jare Judá iñemuña reta topɨta iɨvɨ pe ae, arayevɨ kotɨ, jare José iñemuña reta topɨta iɨvɨ pe ae, ɨvɨtuguasu kotɨ.