JEREMÍAS 12:8 - Biblia Guarani Tumpa Iñee

⁸ Kuae tëta chembae vae, añave yaguapope kaa rupigua rami oyeapo cheve; jäse jäse oporepeña cheré, jáeramo aröɨro.

JEREMÍAS 12:8 ပူးပေါင်းရင်းမြစ်များ

ISAÍAS 59:13

Nde oreYa oreokuai tëi vae mbaetɨ royapo jare oreapu ndekotɨ, jare rosɨrɨ nde oreYa Tumpa güi, royangao jare royembopɨapochɨ, orepɨa güi oë oreapu vaerä. Roporombotavɨ vaerä.

JEREMÍAS 2:15

¿Maera pa oporepeña jese vae reta, yaguapope reta jäse jäse oporepeña vae rami? Iɨvɨ opa omboai reta chugüi, jare jëta guasu reta opa oapɨ; jare mbaetɨ etei kia oiko pɨpe.

JEREMÍAS 51:38

Opaete jae reta oñeeta yaguapope reta rami, oñeeta yaguapope raɨ reta rami.

EZEQUIEL 23:18

Jökorai omboyekuaa iyaguasa pota imarambae etei vae, jökorai oechauka jete nandi, jáeramo ayuguaru chugüi, tɨke güi ayuguaru rami.

OSEAS 9:15

YandeYa jei: “Gilgal pe oyapo reta opaete ikavimbae vae, joko güi amboɨpɨ aröɨro reta. Ikavimbae oyapo reta vae jeko pegua amombo retata chero güi; mbaetɨta ma aaɨu reta, echa opaete juvicha reta ipɨapochɨ yae.

AMÓS 6:8

YandeYa Tumpa jei jee re aeño, yandeYa Tumpa Imbaepuere yae ete vae jei: “Aröɨro Jacob iñemuña reta ipɨayemboete jare jo kavi reta; ameeta tëta jare pɨpegua reta jovaicho reta ipo pe.”

MIQUEAS 2:8

Pe peñemopüa chembae vae reta jovaichorä. Pepɨ̈ro chugüi reta temimonde jepɨ yae vae peporomboetembae reve ñeraroa güi yogüeru ye vae reta güi ñeraroa güi oyerovia ma yogüeru yogüɨreko vae güi.

ZACARÍAS 11:8

Jare metei yasɨ pe mboapɨ maangarekoa amboai, echa mbaetɨ ma chepɨaguasu ikotɨ reta, chereröɨro reta jeko pegua.