JEREMÍAS 12:7 - Biblia Guarani Tumpa Iñee

⁷ Aeya chembae vae reta, aröɨro chembae vae reta. Amee jovaicho reta ipo pe, tëta chembae aaɨu yae yepi vae.

JEREMÍAS 12:7 ပူးပေါင်းရင်းမြစ်များ

2 REYES 21:14

Jare opaete chembae vae reta jembɨregüe aeyata iyangarekoambae, ameeta jovaicho reta ipo pe, opa vaerä oyemombouka opaete jovaicho reta pe.

SALMOS 106:40

Jáeramo, yandeYa iyarasɨ imbae vae reta kotɨ, jare güɨröɨro imbae vae reta;

SALMOS 78:62

Omee vi tëta imbae vae reta omano vaerä kɨsepuku pe, iyarasɨ yae imbae vae reta kotɨ.

ISAÍAS 2:6

CheYa, añetete reeya kuae tëta ndembae vae, Jacob iñemuña reta, echa kuae ɨvɨ pe tɨnɨe oï teko oyereru kuaraɨ oëa kotɨ güi vae, jare omomora reta susere oimeta vae re omombeu reta, filisteo reta rami, jare oyapo reta ñererökuavee päve ketɨgua reta ndive.

JEREMÍAS 11:15

Nde Israel che roaɨu vae, ¿mbae pa reeka chero pe, ikavimbae yae vae jeta ma reyapo güire? ¿Reyemongeta pa, remee cheve mbaekɨra jare soo oyeapɨ vaerä vae rupi reasayepeta susere güi? ¿Jókuae re pa reyemboete?

JEREMÍAS 14:19

CheYa, ¿remombo ete pa ko Judá? ¿Reröɨro pa tëta guasu Sión? ¿Maera pa ko orembopere, rokuerambae vaerä? Roäro tëi mbɨakatu, ërei mbaetɨ mbae ikavigüe ou oreve. Roäro tëi rokuera vaerä, jaeño jeiete kɨɨye ou oreve.

JEREMÍAS 17:4

Reeyata ko ɨvɨ che amee ndembaerä vae, roapota nderovaicho reta jembiokuairä, ɨvɨ nde reikuaambaea pe, echa chearasɨ oyepotata tata rami jekuae avei pegua, nemokañɨtei vaerä.”

JEREMÍAS 22:5

Ërei mbaetɨ yave peyapo kuae oyemombeu peve vae, cheyé aeño añererökuavee, kuae mburuvicha guasu jo opaeteita oyemboai.’ ”

JEREMÍAS 23:33

Jeremías, kia nunga vae tëta pegua oparandu ndeve yave, ani metei ñeemombeúa, ani metei sacerdote: ‘¿Mbae pa ko yandeYa jei?’ Ere chupe reta: ‘YandeYa jei peve, pereeyata.’

JEREMÍAS 23:39

jáeramo, che cheakañɨta pegüi, jare pomombota cheyeugüi jare tëta guasu amee peve vae jare peñemuñagüe reta pe vae.

JEREMÍAS 51:5

echa yepe tëi Israel jare Judá iyoa chekotɨ, omotɨnɨe iɨvɨ mbaeyoa pe, ërei che, iYa Imbaepuere yae ete vae, iYoambae Israel pegua, mbaetɨ aeya reta.

JEREMÍAS 7:14

Jáeramo, ayapota vi kuae o cheree oñeenɨi pɨpe vae pe, Silo pe ayapo rami; kuae pe reta perovia katu jese vae, che amee peve jare peñemuñagüe reta pe vae.

JEREMÍAS 7:29

¡Jerusalén, eyasɨa ndea, javoi emombo! ¡Etairari tairari mbɨatɨtɨ pegua pe ɨvɨtɨ jaambae re! Echa yandeYa iyarasɨ yae oï tëta jae imbae vae kotɨ, güɨröɨro jare oeya.

EZEQUIEL 24:21

‘Ere Israel iñemuña reta pe. YandeYa Tumpa jei körai: Che aröɨro jare amboaita chero mbaemboetea, peyembotuicha jese vae, pe reta peipota yae pemae jese vae; peraɨ reta jare perayɨ reta peeya joko pe vae, opata oyeyukauka reta.

OSEAS 11:1

Tëta Israel michi vɨteri yave, che aɨu; jare Egipto güi aru ye cheraɨ.

OSEAS 9:15

YandeYa jei: “Gilgal pe oyapo reta opaete ikavimbae vae, joko güi amboɨpɨ aröɨro reta. Ikavimbae oyapo reta vae jeko pegua amombo retata chero güi; mbaetɨta ma aaɨu reta, echa opaete juvicha reta ipɨapochɨ yae.

JOEL 2:15

¡Pemoñee mimbɨguasu Sión pe! Pemoërakua yemboatɨ jare yekuaku tembíu güi vae;

JOEL 3:2

amboatɨta opaete tëtaguasu reta, aruta ɨvɨtɨ päu ipe kavi vae pe, Josafat jee vae pe, Israel, tëta chembae vae jeko pegua. Jae reta opa omoai moai tëtaguasu reta rupi, jare omboyao reta iyeupe ɨvɨ chembae.

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

DEUTERONOMIO 33:12

Benjamín iñemuña reta pe jei: “YandeYa oaɨu vae oiko pɨagüiveta iyɨpɨ pe; Tuicha yae ete vae oyangareko aveita jese. ¡Iporoangareko rupi oikota!”