JEREMÍAS 12:4 - Biblia Guarani Tumpa Iñee

⁴ ¿Kërai yave regua pa ɨvɨ otinita oiko jare ñana kaa rupigua ipiruta oiko? Pɨpegua reta jeko kavimbae jeko pegua, mɨmba reta jare güɨra reta opa omano; echa jei reta: “Tumpa mbaetɨ ko oecha yayapogüe.”

JEREMÍAS 12:4 ပူးပေါင်းရင်းမြစ်များ

SALMOS 107:34

ɨvɨ kavi oipoepɨ, ɨvɨ ikavimbae pe, pɨpegua reta iyoa jeko pegua;

SALMOS 50:21

Opaete kuae reyapo, ërei che chekïriiño; nde reyemongeta, che nde ramiño. Ërei che amboetata ndeve, ¡jaeta ndeve nderova pe etei!”

ISAÍAS 24:4

Opa oyemboai ɨvɨ, opa okañɨtei, opaetei ɨvɨ oikomegua, opaetei tëtaguasu reta ɨvɨ pegua imbaerasɨ ñogüɨnoi.

ISAÍAS 24:6

Jáeramo, yepopeyu opa omokañɨtei ɨvɨ, jaenunga vi pɨpegua reta. Jáeramo, ɨvɨ pegua reta mbovɨ yae opɨta.

JEREMÍAS 12:11

Oeya reta ipombae, opa omboai reta, jare che aecha ɨvɨ ipɨatɨtɨ yae. Opaete ɨvɨ ipombae oï, jare mbaetɨ etei kia oyemoambeko jese.

JEREMÍAS 14:2

“Judáɨgua reta oyaeo ipɨatɨtɨ güi, jëta guasu reta kïrii ngatu, yogüɨreko pɨpe vae reta oguapɨ ɨvɨ pe. Jerusalén täta omoäse mbɨatɨtɨ.

JEREMÍAS 23:10

Echa tëtaguasu tɨnɨe iyaguasa pota vae reta, kuimbae reta osɨi oyapo ikavimbae, imbaepuere oiporu reta jupimbae oyapo reta vaerä. Jáeramo yandeYa oyepopeyu ɨvɨ re, jare ɨvɨ otini, jare kapii ñuu rupigua opa ipiru.

JEREMÍAS 4:25

Amae, jare aecha mbaetɨ etei ma kuimbae, jare opaetei güɨra reta ave yogüɨraja.

JEREMÍAS 4:28

Ɨvɨ jare ara ipɨatɨtɨ yaeta. Echa jae ma ko, ngaraa ma aipoepɨ cheyemongeta; ayapo ma, ngaraa ma aja ye cheraɨkue kotɨ.

JEREMÍAS 5:13

Ɨvɨtu ramiño ko ñeemombeúa reta, echa yandeYa iñeeä ko omombeu reta. Körai jei cheve Tumpa, yandeYa imbaepuere yae ete vae: “Jókuae ñee jei reta jeko pegua, kuae toiko chupe reta: Cheñee reta toï tata rami chupe reta ndeyuru pe, jare kuae tëta toñogüɨnoi yepea rami, jókuae tata topa tomboai.”

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

JEREMÍAS 7:20

Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”

JEREMÍAS 9:10

Peäpiro peräse reve ɨvɨtɨ reta, peäpiro ñuu kapii jenda reta, echa opaetei oyemboai opɨta, mbaetɨ ye kia oasa jokoropi; guaka iñee ave mbaetɨ oyeendu, güɨra jare mɨmba pochɨ vae reta ave opa yogüɨraja.

JEREMÍAS 9:9

Kuae jeko pegua ¿amaeñota ra jese reta? Metei tëtaguasu kuae nunga oyapo yave, ¿mbaetɨ ra jupi aiporarauka vaerä chupe jeko? Che ndeYa jae kuae.

OSEAS 4:3

Jáeramo ɨvɨ ipɨatɨtɨ; mbaetɨta mɨ̈rata güɨnoi joko pe yogüɨreko vae, mɨmba pochɨ vae ñana rupigua, güɨra reta, jare jevae reta ɨ rupigua ave omano ñogüɨnoi.

JOEL 1:18

¡Mɨmba reta jäsémbai! Guaka reta ikepegua oeka tëi kapii, vecha reta opa omano ñogüɨnoi.

AMÓS 1:2

Amós jei: YandeYa iñeeäta yave ɨvɨtɨ Sión güi, jae ko Jerusalén, kapii jenda opa ipiru jare ɨvɨtɨ Carmelo jee vae pe ñana opa vi ipiru.

HABACUC 3:17

Amboeteta, yepe tëi mbaetɨ ipotɨ ɨva, ani mbaetɨ uvarupa pe ia uva jare ɨvɨra olivo; yepe tëi ko pe mbaetɨ mbaagüɨye; yepe tëi mɨmbarókai pe opa vecha reta jare guaka mbaetɨ jókai pe. Jeseve ayerovia yaeta, cheYa chereroasayepe vae re.

ZACARÍAS 1:12

Jayave yandeYa iaraɨgua jei: “CheYa Imbaepuere yae ete vae, ¿kërai yave regua pa mbaetɨ reiparareko Jerusalén vae oikota, jare Judá pegua tëta reta, kuae re setenta año ma ndearasɨ reiko?”

Romanos 8:22

Echa yaikuaa ko kërai iyɨpɨ güive añave regua opaete Tumpa jembiapo reta oiporara yae oï, metei kuña imembɨrasɨ vae oiporara yae oï rami.