JEREMÍAS 12:14 - Biblia Guarani Tumpa Iñee

¹⁴ YandeYa jei körai Israel iyɨvɨrigua tëta reta jeko kavimbae reta kotɨ, jókuae omboai reta ɨvɨ jae omee imbae vae reta Israel pe vae kotɨ körai: “Che anoe retata iɨvɨ güi jare ipɨte reta güi anoeta Judá.

JEREMÍAS 12:14 ပူးပေါင်းရင်းမြစ်များ

SALMOS 105:15

jei körai: “Agüɨye pepoko cherembiparavo reta re, agüɨye mbae peyapo cheñeemombeúa reta pe.”

SALMOS 106:47

¡Orereepɨ OreYa Tumpa! ¡Orereru ye tëtaguasu reta güi, orepuere vaerä romboete nderee ikɨambae vae, romboete vaerä royerovia katu reve!

JEREMÍAS 2:3

Israel oñeñono tee kavi cheve yepi, jae ko mbaagüɨyerɨpɨ rami cheve yepi. Ikavimbae oyapo chupe vae reta pe che aiporarauka, susere reta ambou chupe reta; che ndeYa ko, jae kuae ndeve.”

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 3:18

Jókuae ara oväe ma yave, Judá oñemometeita Israel ndive, jare oyerova päveta ɨvɨtuguasu kotɨgua tëtaguasu kotɨ güi, che ɨvɨ amee iñemuñagüe reta pe vae pe.

JEREMÍAS 32:37

Ërei ngatu che amboatɨta, opaete tëtaguasu reta rupi chearasɨ yae rupi opa amoai moai vae reta, aroyerova reta yeta kuae ɨvɨ pe jare ameeta yogüɨreko pɨagüive vaerä.

JEREMÍAS 48:1

YandeYa Imbaepuere yae ete vae Israel iTumpa jei körai Moab regua: “¡Paravete tëta Nebo, echa opa oyemboai oï! ¡Tëta guasu Quiriataim oñepɨ̈ro jare oñemomichi! ¡Iñepɨ̈roa opa oyemboai!

JEREMÍAS 48:47

Ërei metei ara, Moab aru yeta kuri iɨvɨ pe tembipɨɨrä oikoa güi. Che ndeYa ko jae kuae.” Jae kuae Tumpa iporojäa oiko vaerä Moab ndive.

JEREMÍAS 49:1

YandeYa jei Amón iñemuña reta regua körai: “¿Mbaetɨ pa Israel iñemuña reta? ¿Mbaetɨ pa mbaembae iyarä vae reta? ¿Maera pa tumpa-raanga Milcom añave oyemombae Gad iɨvɨ re? ¿Maera pa Amón iñemuña reta yogüɨreko jëta guasu reta pe?”

JEREMÍAS 49:7

YandeYa Imbaepuere yae ete vae jei Edom iñemuña reta regua körai: “¿Mbaetɨ ma pa arakuaa katu Temán pe? ¿Opa pa arakuaa katu iyarakuaa katu yae vae reta güi? ¿Oikomegua pa chugüi reta iyarakuaa katu?

EZEQUIEL 28:25

YandeYa Tumpa jei körai: “Amboatɨ ma Israel iñemuña reta tëtaguasu reta oñemoai ñogüɨnoia güi yave, opaete tëtaguasu reta oikuaata che ko iyoambae vae. Yogüɨreko yeta iɨvɨ ae pe, ɨvɨ che amee cherembiokuai Jacob pe vae pe.

EZEQUIEL 28:26

Joko pe yogüɨreko pɨagüiveta, oyapo retata jorä, güɨnoi retata uvarupa, yogüɨreko kavita. Che ajäa yave iyɨvɨrigua tëta reta omotareɨ Israel iñemuña reta vae. Jayave opaete vae oikuaata che ko jae peYa Israel iTumpa vae.”

EZEQUIEL 36:24

Che pogüɨnoeta ïru tëtaguasu reta güi, pomboatɨta opaete ketɨ ketɨ güi jare pogüeru yeta peɨvɨ ae pe.

EZEQUIEL 36:5

yandeYa Tumpa jei körai: Chearasɨ yae cherägüɨro reve amoë cheñee ïru tëtaguasu reta kotɨ, jare opaete Edom pegua reta kotɨ, echa cheɨvɨ re oyemombae reta oyerovia reve, jare omotareɨ yae reve güɨnoe reta joko güi mbaagüɨye.’

EZEQUIEL 37:21

Jare ere chupe reta: ‘YandeYa Tumpa jei körai: Mase, anoeta Israel iñemuña reta ïru tëtaguasu reta ipɨte güi jae reta ñogüɨnoia güi, amboatɨ retata oipota rupi güi, aru reta yeta iɨvɨ ae pe.

OSEAS 1:11

Jayave oyomboatɨta Judá jare Israel pegua reta, jare oiparavo retata meteiño mburuvicha, jare ketɨ ketɨ güi oyerova reta yeta iɨvɨ pe. ¡Echa Jezreel iara ikavi yaeta ko!

ZACARÍAS 1:15

Jare chearasɨ yae aï tëtaguasu reta kïrii ngatu ñogüɨnoi vae kotɨ; echa michiño chearasɨ yave jae reta ombojeiete ikavimbae vae.

ZACARÍAS 2:8

Echa yandeYa Imbaepuere yae ete vae chembou tëtaguasu reta pepogüɨrai pereeya vae pe kuae ñee ndive. “Echa opoko pere yave kia nunga vae, cheresäɨ kunumi re opoko rami ko.

DEUTERONOMIO 28:63

YandeYa oyerovia reve oyapose ikavi vae peve jeta pemoñemuña rami, jökorai vi oyeroviata pererokomegua jare pemboai; jare peyeekɨukata peyemombo jókuae ɨvɨ peike tëi peiko vaerä pɨpe vae güi.

DEUTERONOMIO 30:3

jayave yandeYa pereroyerova yeta peyererajaukaa kotɨ güi, jare güɨnoita mboroparareko pekotɨ; pereru yeta opaete ketɨ ketɨ tëta reta kotɨ güi, yandeYa Tumpa opa pemoai moaia kotɨ güi.