JEREMÍAS 12:13 - Biblia Guarani Tumpa Iñee

¹³ Oñotɨ reta tëi trigo, ërei oipoo reta käpeati; oparavɨkɨ mbateeiño reta. Mbaetɨ mbaagüɨye chupe reta, che peYa, chearasɨ ikotɨ reta jeko pegua.”

JEREMÍAS 12:13 ပူးပေါင်းရင်းမြစ်များ

SALMOS 78:62

Omee vi tëta imbae vae reta omano vaerä kɨsepuku pe, iyarasɨ yae imbae vae reta kotɨ.

ISAÍAS 55:2

¿Maera pa peiporu pekorepoti, tembiumbae re, jare peparavɨkɨ, mbae pemoangapɨɨmbae re? Peyeapɨsaka kavi cheré, jare peu tembíu kavi, peu tembíu jëe ngatu vae.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

JEREMÍAS 4:26

Amae, jare aecha ɨvɨ kavi ipombae oï, jare opaete tëta guasu reta oyemboai. YandeYa iyarasɨ yavaetegüe opa omboai kuae reta.

JEREMÍAS 9:5

Metei ñavo ombotavɨ ivɨa-ïru, mbaetɨ etei kia ave jei añetete vae. Oyepokuaa reta iyapu; ikavimbae yae reta ko, yavai yae oyepoepɨ reta vaerä.

OSEAS 8:7

Echa ikavimbae peyapo jeko pegua, peiporara yaeta ko; mbaetɨta pembaagüɨye, mbaetɨta peremitɨ reta ia; jare pemboɨru tëi yave, opata ketɨgua reta jou pegüi.

LEVÍTICO 26:16

che ayapota vi peve kuae: Ambouta peve kɨɨye yavaetegüe, peiporara yae vaerä, pembopɨtu yae vaerä, jare pemaetɨ tëiñota, echa perovaicho reta jou vaeräño ko.

LEVÍTICO 26:20

Pepɨ̈rata reta opaiñota peiporu, echa peɨvɨ pe mbaetɨta mbaagüɨye, jare ɨvɨra reta mbaetɨta ia.

MIQUEAS 6:15

Pemaetɨta, ërei ngaraa pembaarɨvo; peyapasota temitɨ olivo jee vae iagüe, ërei ngaraa peyembopiche pɨpe; peitɨamita uva pɨau, ërei ngaraa peu vino.

HABACUC 2:13

YandeYa Imbaepuere yae ete vae, mbaeä eteita oyapo ndeparavɨkɨ, opaete ndeparavɨkɨ okañɨteita tata pe.

HAGEO 1:6

Pemaetɨ jeta, ërei mbovɨ yae pemboɨru; pekaru, ërei mbaetɨ perɨ̈vɨata; peɨu, ërei mbaetɨ peɨuve omboasa; peyemonde, ërei mbaetɨ pemboaku katu; jare ara ñavo oparavɨkɨ omongana vaerä vae omboresive korepoti yave, oñono ivosiko osoro vae pe rami.

HAGEO 1:9

Peeka tëi jeta, ërei mbovɨ yae peväe; pemboɨru pero pe vae, che opata amboai pegüi cheɨvɨtu pe. ¿Peikuaa pa maera? Jei yandeYa Imbaepuere yae ete vae. Chero oyemboai oï jeko pegua; echa metei ñavo peyemoambeko pero ae re.

Romanos 6:21

Echa ¿mbae ikavi vae pa penoi jókuae mbaembae reta añave pemomarai perenoi vae güi? Echa jókuae mbaembae oporogüɨraja mano pe.

DEUTERONOMIO 28:38

Peñotɨ tëita jeta temitɨ, ërei mbovɨ yae pearɨvota, echa tuku opata jou.