JEREMÍAS 12:12 - Biblia Guarani Tumpa Iñee

¹² Opaete ñuu ɨvate vatea rupi yogüeru oporomboai vae reta, echa che peYa, kɨsepuku anoi omboai vaerä kuae ɨvɨ jembeɨ güive ïru jembeɨ pe, ngaraa oime mbɨakatu metei vae pe ave.

JEREMÍAS 12:12 ပူးပေါင်းရင်းမြစ်များ

ISAÍAS 34:6

YandeYa ikɨsepuku tugüɨ katuai jare mbaekɨra katuai oï, vecha kuimbae taɨrusu vae jare kavara kuimbae jugüɨgüe pe rami, vecha kuimbae ipɨ̈rɨkɨti ikɨragüe pe rami, echa yandeYa oporoyukata tëta guasu Bosra pe, jare jeta oyukata ɨvɨ Edom pe.

ISAÍAS 57:21

Iyoa vae reta peguarä mbaetɨ mbɨakatu.” Jei cheTumpa.

JEREMÍAS 15:2

Oparandu yave ndeve ketɨ ra yogüɨrajata vae re, ere chupe reta: Körai jei yandeYa: ‘Oyembojee mbaerasɨ yavaetegüe pe omano vaerä vae, pɨpe tomano; oyembojee ñeraroa pe omano vaerä vae, joko pe tomano; oyembojee karuai rupi omano vaerä vae, pɨpe tomano; oyembojee iɨvɨ güi oyereraja vaerä tembipɨɨrä vae, toyereraja.’ ”

JEREMÍAS 16:5

YandeYa jei vi cheve: “Agüɨye eike metei o pe tëogüe oäpiro ñogüɨnoia pe; agüɨye eäpiro ani ndepɨatɨtɨ jese, echa kuae tëta pe ngaraa ma amee chepɨakatu, cheporoaɨu, cheporoparareko. Che ndeYa jae kuaekuae.

JEREMÍAS 25:11

Opaeteita kuae tëtaguasu oyemboai; jare opɨtata tëtagüerä. Setenta año rupi kuae tëtaguasu reta yogüɨrekota mburuvicha guasu Babilonia pegua ipo pe.

JEREMÍAS 3:2

Emae ɨvɨtɨ reta iyapɨte re: ¿Kia nunga re ra mbaetɨ reyapo aguasa? Tape jembeɨ pe reguapɨse reäro reta, Arabiaɨgua reta oporoäro ñuu pe rami, remongɨa tëtaguasu ndeaguasa pota vae rupi, jare ikavimbae reyapo vae rupi.

JEREMÍAS 3:21

Oyeendu sapúkai ɨvɨtɨ re. ¡Jae ko Israel iñemuña reta, oyaeo reta oiporu mboroparareko! Opia reta tape sɨmbi vae güi, jare iñakañɨ reta, che iYa iTumpa güi.

JEREMÍAS 30:5

Jei körai: “¡Aendu täse kɨɨye pegua, mbaetɨ mbɨakatu pegua!

JEREMÍAS 34:17

Jáeramo, che peYa Israel iTumpa jae: Pe reta mbaetɨ peyapo cheporookuai, echa mbaetɨ peyora perëtara perembiokuairä pereko vae; jáeramo añave, che ambouta peve ñeraro, mbaerasɨ ovakatu vae jare karuai; jare poñonota ñemomarai pe opaete mborookuaía reta ñogüɨnoi ɨvɨ pe vae jóvai. Che peYa ko jae kuae.

JEREMÍAS 4:27

YandeYa jei: “Opaete ɨvɨ oyemboaita, ërei ngaraa opaetei amokañɨtei.

JEREMÍAS 46:10

Jae ko kuae yandeYa Imbaepuere yae ete vae iporojäa iara, jae ko ara oiporarauka vaerä oyovaicho ikotɨ vae reta pe, kɨsepuku oporoyukata yangapɨɨ regua, tugüɨ pe oyembosavaɨpo regua. Echa yandeYa Imbaepuere yae ete vae etei ko oporoyukaukata Ɨvɨtuguasu kotɨgua tëtaguasu pe, ɨ̈aka Éufrates jembeɨ pe.

JEREMÍAS 47:6

¡Atataɨ, cheYa ikɨsepuku! ¿Kërai yave pa reputuuta? ¡Ekua ye nderɨru pe, nekïrii, nekïrii epɨta!

JEREMÍAS 48:2

Moab jërakua yae vae jaema opa. Hesbón pe tovaicho reta oyapo yemongeta, tëtaguasu Moab omboai vaerä. Jökoraiño vi nde Madmena, reyemboaita, ñeraro ngaraa osɨrɨ ndegüi.

JEREMÍAS 8:15

Ñaäro tëi mbɨakatu, ërei mbaetɨ etei mbae nunga ikavigüe oväe yandeve; ñaäro tëi yakuera katu yae vaerä, ërei kɨɨyeño oväe yandeve.

LAMENTACIONES 3:17

Oyembosɨrɨ chegüi mbɨakatu, cheakañɨ ma aiko kavise vae güi.

EZEQUIEL 14:17

Ani aru yave ñeraro jókuae ɨvɨ re, omokañɨtei vaerä opaete vae reta jare mɨmba reta,

EZEQUIEL 21:28

Nde kuimbae, emoërakua maratuta Amón iñemuña reta imbaeyuvanga katu vae reta kotɨ, ere: CheYa Tumpa jei körai: Kɨsepuku, kɨsepuku jɨrumbae ma oï oporoaseokɨ̈ti vaerä, jembipeasɨ overa oï oporoyuka vaerä.

EZEQUIEL 21:4

Chekɨsepuku anoe jɨru güi ramo, ayukata opaetei arayevɨ güive ɨvɨtuguasu kotɨ.

EZEQUIEL 21:8

YandeYa Tumpa jei cheve:

EZEQUIEL 21:9

“Nde kuimbae, emoërakua maratuta vae körai: YandeYa Tumpa jei körai: ‘¡Kɨsepuku, kɨsepuku! Oyeimbee jare jembipe oï.

EZEQUIEL 5:2

Remboapɨ yave jókuae ara reta reiporara Jerusalén re vae, eapɨ metei yemboyao ndea jókuae tëta iä mbɨte pe; jaɨkue rupi metei kɨse pe eyasɨa mokoía ndea remboyao vae tëta guasu ikupe rupi; jare mboapɨa ndea remboyao vae emombo ɨvɨtu güɨroveve vaerä. Che ajata jaɨkue reta metei kɨsepuku ndive chepo pe.

LEVÍTICO 26:33

Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.

AMÓS 9:4

Ani jovaicho reta pe opa oyererajauka tembipɨɨrä yave, joko pe oyeyukauka retata kɨsepuku pe; ¡amae aveita jese reta ainupa vaerä, mbaetɨta amborɨ vaerä!”

SOFONÍAS 2:12

¡Pe Etiopía pegua reta vi, pemanota yandeYa ikɨsepuku pe!

DEUTERONOMIO 32:42

Tugüɨ katuaita cheruvɨ, jare chekɨsepuku oyemoangapɨɨta soo re: ¡Tëogüe jare tembipɨɨ reta jugüɨ pe! ¡Tovaicho reta iavuku vae iñäka re!’

Apocalipsis 6:4

Jare aecha oë metei kavayu pɨ̈taasɨ vae. Jare opo kavayu re vae pe oñemee mbaepuere omoñerarouka vaerä ɨvɨ pegua reta, oyoyuka reta vaerä; jare oñemee vi chupe metei kɨsepuku tuicha yae vae.