JEREMÍAS 12:11 - Biblia Guarani Tumpa Iñee

¹¹ Oeya reta ipombae, opa omboai reta, jare che aecha ɨvɨ ipɨatɨtɨ yae. Opaete ɨvɨ ipombae oï, jare mbaetɨ etei kia oyemoambeko jese.

JEREMÍAS 12:11 ပူးပေါင်းရင်းမြစ်များ

ECLESIASTÉS 7:2

Manoa pe yaja vae ikavi yae ko, aretea pe yaja vae güi; echa mano jae ko opaete vae reta iyapɨ, jare oikoveño oï vae ipuere oyemongeta avei jese.

ISAÍAS 42:25

Jáeramo ko oitɨ iyarasɨ jese reta ñeraro yavaetegüe rupi, opa oapɨ rami opɨta reta, ërei jeseve mbaetɨ oipota reta oendu.

ISAÍAS 57:1

Kuimbae jupi vae omano jare mbaetɨ kia oyemoambeko jese; kuimbae reta jeko kavi vae omano, jare mbaetɨ kia oikuaa, oñerenoe ko ikavimbae güi vae,

JEREMÍAS 10:22

¡Peyeapɨsaka! Jërakua tëtaguasu ɨvɨtuguasu kotɨgua güi oyeendu ou jetagüe, oeya vaerä ipombae opaete tëta guasu reta Judá pegua, opɨta vaerä aguarayaɨmba reta jëtarä.

JEREMÍAS 10:25

Eitɨ ndearasɨ tëtaguasu reta mbaetɨ ndekuaa vae re, tëta reta mbaetɨ ndemboete vae re, echa opa omokañɨtei reta Jacob iñemuña reta, opaetei omboai reta, tëtaguasu opa omboai oeya reta.

JEREMÍAS 14:2

“Judáɨgua reta oyaeo ipɨatɨtɨ güi, jëta guasu reta kïrii ngatu, yogüɨreko pɨpe vae reta oguapɨ ɨvɨ pe. Jerusalén täta omoäse mbɨatɨtɨ.

JEREMÍAS 19:8

Aipoepɨta kuae tëta opɨta vaerä ipombae jare kɨɨyearä, opaete oasa jokoropi vae ipɨakañɨta jese jare okɨɨye yaeta opaete oyemboai vae re.

JEREMÍAS 23:10

Echa tëtaguasu tɨnɨe iyaguasa pota vae reta, kuimbae reta osɨi oyapo ikavimbae, imbaepuere oiporu reta jupimbae oyapo reta vaerä. Jáeramo yandeYa oyepopeyu ɨvɨ re, jare ɨvɨ otini, jare kapii ñuu rupigua opa ipiru.

JEREMÍAS 25:11

Opaeteita kuae tëtaguasu oyemboai; jare opɨtata tëtagüerä. Setenta año rupi kuae tëtaguasu reta yogüɨrekota mburuvicha guasu Babilonia pegua ipo pe.

JEREMÍAS 4:20

Oyoaɨkue yoaɨkue jërakua susere; echa tëtaguasu opaetei oyemboai oï. Aramoete opa oyemboai chero reta, jendagüe opɨta chero guakapi pegua.

JEREMÍAS 4:27

YandeYa jei: “Opaete ɨvɨ oyemboaita, ërei ngaraa opaetei amokañɨtei.

JEREMÍAS 4:28

Ɨvɨ jare ara ipɨatɨtɨ yaeta. Echa jae ma ko, ngaraa ma aipoepɨ cheyemongeta; ayapo ma, ngaraa ma aja ye cheraɨkue kotɨ.

JEREMÍAS 6:8

Jerusalén, eyapo kavi ndereko, echa mbaetɨ yave, asɨrɨta ndegüi, jare ñuurä repɨtata, ɨvɨ ipombae vaerä.”

JEREMÍAS 9:10

Peäpiro peräse reve ɨvɨtɨ reta, peäpiro ñuu kapii jenda reta, echa opaetei oyemboai opɨta, mbaetɨ ye kia oasa jokoropi; guaka iñee ave mbaetɨ oyeendu, güɨra jare mɨmba pochɨ vae reta ave opa yogüɨraja.

JEREMÍAS 9:11

Jerusalén tëtagüerä ayapota, opɨtata aguarayaɨmba reta jëtarä; jare tëta guasu reta Judá pegua opɨtata ipombae, mbaetɨta kia ave oiko pɨpe.”

JEREMÍAS 9:9

Kuae jeko pegua ¿amaeñota ra jese reta? Metei tëtaguasu kuae nunga oyapo yave, ¿mbaetɨ ra jupi aiporarauka vaerä chupe jeko? Che ndeYa jae kuae.

JOEL 1:10

Ipombae opita ivi, ipiatiti oï; echa trigo opa okañitei, opa otini uva tigüegüe, jare olivo iasaite opa yandegüi.

LEVÍTICO 26:32

Amokañɨteita opaete mbae peɨvɨ pe, perovaicho reta yogüɨrekota peɨvɨ pe vae ipɨakañɨta opɨta.

ZACARÍAS 7:5

“Ere opaete kuae ɨvɨ pegua reta pe, jare sacerdote reta pe: ‘Kuae setenta año rupi peyekuaku tembíu güi, jare pepɨatɨtɨ pandepoa yasɨ jare chiúa yasɨ pe año ñavo vae, ¿peyekuaku ya cheveguarä?

MALAQUÍAS 2:2

Mbaetɨ yave peendu jare mbaetɨ yave pepɨakatu reve chemboete, ayepopeyuta peré jare mbaembae penoi vae re, echa mbaetɨ chemboete pepɨakatu reve.” Jei yandeYa Imbaepuere yae ete vae.

Romanos 8:22

Echa yaikuaa ko kërai iyɨpɨ güive añave regua opaete Tumpa jembiapo reta oiporara yae oï, metei kuña imembɨrasɨ vae oiporara yae oï rami.