JEREMÍAS 12:1 - Biblia Guarani Tumpa Iñee

¹ CheYa, jupi vae ko nde ayoaka vaerä nde ndive; ërei aipota aparandu ndeve: ¿Maera pa iyoa vae reta yogüɨreko kavi? ¿Maera pa ipɨapochɨ vae reta yogüɨreko kavi?

JEREMÍAS 12:1 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

ESDRAS 9:15

OreYa Tumpa, Israel iTumpa, nde ko jupi vae, echa nde oremoembɨreuka mbovɨ añave rami. Ko roï nderóvai oreyoa reve, mbaetɨ jupi roï vaerä nderóvai kuae jeko pegua.”

NEHEMÍAS 9:33

Ërei nde mbaetɨ ko ndereko opaete mbaembae ou oreve vae re; echa jupi rupi ko nde reyapo vae, ore ko royapo ikavimbae.

JOB 12:6

Imonda vae reta oiko kavi avei, Tumpa omboarasɨuka vae reta mbaetɨ maratu yogüɨreko, ërei Tumpa ko omee chupe reta, opaete mbaembae güɨnoi reta vae.

JOB 13:3

Ërei aipotaecha chemiari Imbaepuere yae ete vae ndive, Tumpa ndive che chekɨ̈reɨ ayoaka.

JOB 24:12

Tëta guasu güi jäse omano pota vae reta, jare ipere vae reta oiporu yemborɨ, ërei Tumpa mbaetɨ oendu chupe iyerure.

JOB 24:23

Tumpa omaeño oiko pɨagüive reta, ërei jae omae opaete oyapogüe reta re.

JOB 8:17

Japo reta oike ita reta ipäu rupi, jare oï ita reta ipɨte rupi.

SALMOS 116:5

Iyeaeä jare jupi ko yandeYa, iporoparareko yae ko ñaneTumpa.

SALMOS 119:137

CheYa Tumpa, jupi vae ko nde, jupi ko ndeporookuai reta.

SALMOS 119:75

CheYa Tumpa, aikuaa ndeporookuai jupi ko, jupi ko reiporarauka cheve yave.

SALMOS 145:17

Jupi ko yandeYa opaete oyapogüe rupi, iporoparareko opaete oyapogüe rupi.

SALMOS 37:1

Jeko kavimbae reta jeko pegua agüɨye ndearasɨ; agüɨye vi ndeakatúä jupimbae oyapo vae reta re.

SALMOS 37:35

Aecha iyoa vae ipɨayemboete yae, oyembotuicha, ɨvɨra jokɨ katu vae jäka oyembotuicha rami.

SALMOS 51:4

Ndekotɨ, ndekotɨño cheyoa, ayapo ikavimbae nderesa róvai; ikavimbae remae jese vae ayapo, jáeramo, chejäa vae, jupi ko.

SALMOS 51:6

Mase, nde reaɨu yae ko ipɨa jupi vae; jare reñono cheɨvɨte pe ndearakuaa katu.

SALMOS 92:7

Iyoa vae reta okuakuaa ñana rami, jare yogüɨreko kavi yave, okañɨtei jekuae avei pegua vaeräño ko.

PROVERBIOS 1:32

Mbaetɨ arakuaa güɨnoi vae reta omanota opia jeko pegua, yarakuaambae reta oñemokañɨteiukata imbaeyekou pe;

ECLESIASTÉS 8:14

Kuae ɨvɨ pe oime mbaetɨ mbae jupi rupi oyeapo vae, jae ko kuimbae jupi vae oiporara teko kavimbae oyapo rami, jare kuimbae jeko kavimbae oiko kavi jeko kavi vae rami. ¡Che jae kuae mbaeä etei vi ko!

ISAÍAS 41:21

YandeYa, Jacob iñemuña reta juvicha guasu jei: “Tumpa-raanga reta, peyu peyeepɨ, peyu peñemoë peyé.

ISAÍAS 48:8

Nde mbaetɨi ko reendu kuae regua, jare mbaetɨi reikuaa, echa ndeapɨsa oyeokenda avei oiko. Che rokuaa ko nde mbaetɨ jupi, ndei rea güive voi ma rombojee ‘ipɨarai vae’ pe.

JEREMÍAS 11:20

Ërei nde, cheYa Imbaepuere yae ete vae, jupi rupi oporojäa vae; nde reikuaa opaete kuimbae reta iyemongeta vae. Emaeño taecha, kërai reiporarauka chupe reta vae, echa ndepo pe che añeñono.

JEREMÍAS 12:6

Echa nderɨkeɨ ani nderɨvɨ jare nerëtara reta ave oñemopüa ndekotɨ, osapúkai púkai ndekotɨ reta. Agüɨye erovia katu, yepe tëi nemomiari kavi reta.

JEREMÍAS 3:20

Ërei metei kuña jeko kavimbae oeya ime rami, jökorai mbaetɨ ndereko ikavi cheve. Che peYa, jae.

JEREMÍAS 3:7

Ayemongeta ko kuae teko opa oyapo yave, oyerova yeta chekotɨ; ërei mbaetɨ oyerova. Jare ipɨkɨɨ ipɨapochɨ vae Judá oecha jókuae;

JEREMÍAS 32:16

Amee güire tupapire mbaegua regua Baruc, Nerías taɨ pe, ayerure yandeYa pe körai:

JEREMÍAS 5:11

¡Israel pegua reta jare Judá pegua reta oyembopɨapochɨ chekotɨ! Che peYa, jae.”

JEREMÍAS 9:2

¡Kia mona omee cheve ñuu pe teyupa aputuu vaerä, aja vaerä mombɨrɨ aï cherëtaɨgua reta güi! Echa opaete jae reta jupimbae ko, ipɨapochɨ vae reta ko.

LAMENTACIONES 1:18

YandeYa, jupi ko; che ayembopɨapochɨ iñee kotɨ. ¡Añave, peendu opaete ɨvɨ pegua reta, pemae kuae aiporara yae aï vae re! ¡Chekunumi reta jare chekuñatai reta opa oyereraja tembipɨɨrä!

EZEQUIEL 18:25

Jare pere yave: ‘Mbaetɨ jupi Tumpa oyapogüe.’ Peyeapɨsaka añave Israel pegua reta, ¿peyemongeta pa mbaetɨ jupi ayapo? ¿Pe retaä ra jupimbae peyapo?

DANIEL 9:14

CheYa, jáeramo remokätɨro kuae ikavimbae jare rembou oreré; echa nde, oreYa Tumpa, jupi ko opaete mbae reyapo vae rupi; ërei ore mbaetɨ roipota roendu ndeve.

DANIEL 9:7

Nde cheYa, jupi vae ko nde, ërei ore Judáɨgua reta royandu oremara; jökoraiño vi Jerusalén pe yogüɨreko vae jare opaete ïru Israel iñemuña reta, köiño jare mombɨrɨ remondo tëtaguasu reta rupi yogüɨreko vae, oyembopɨa pochɨ reta ndekotɨ jeko pegua vae.

OSEAS 6:7

Ërei jae reta Adán ramiño, morogüɨrökuavee päve oyapoä, oikuaa reve mbaetɨ oyapo jupi vae.

HABACUC 1:4

Mbaetɨ oyeapo mborookuai jei vae, morojäa mbaetɨ oyeapo jupi rupi, iyoa vae reta omotareɨ jeko kavi vae, jáeramo mbaejupi oikomegua.

SOFONÍAS 3:5

Ërei yandeYa oime jókuae tëta pe; jae ko jupi, mbaetɨ oyapo ikavimbae. Ndeimbove ñavo oñono mbae ko oyeapota vae. Ërei jupimbae vae, mbaetɨ imara.

MALAQUÍAS 2:17

Pembogüérai ma yandeYa peñee pe. Ërei pere: “¿Mbae nunga ñee pe pa rombogüérai?” Echa pere: “Kia nunga vae oyapo ikavimbae yave ombopɨakatuño yandeYa.” Ani pere yave: “¿Ketɨ pa opɨta yandeYa jupi yae vae?”

MALAQUÍAS 3:15

Jare yae añave: ‘Oyembopɨa pochɨ vae reta oyerovia yae, ikavimbae oyapo vae reta ikavi yogüɨreko, ojäa reta tëi Tumpa ipɨaguasu, ërei mbaetɨ oiporara reta.’ ”

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!