JEREMÍAS 11:19 - Biblia Guarani Tumpa Iñee

¹⁹ Che aiko, metei vecha kuimbae taɨrusu vae oyereraja mbaeyukaa pe rami, aikuaambae reve oime ko oyemongeta pɨ̈chɨi reta chekotɨ vae. Jei reta chekotɨ: “Yayasɨa ɨvɨra ia kavi oï añave vae, yayasɨa kuae ɨvɨ güi, oikove vae reta ipɨte güi, agüɨye vaerä mo kia imaendúa jese.”

JEREMÍAS 11:19 ပူးပေါင်းရင်းမြစ်များ

JOB 28:13

Kuimbae mbaetɨ oikuaa kuae arakuaa katu ikavi ko vae, mbaetɨ ko oñeväe kuae ɨvɨ pe.

SALMOS 109:13

Topa tokañɨtei iñemuña reta, topaetei tokañɨtei jee.

SALMOS 112:6

Jáeramo, ngaraai ogüɨapi. ¡Kuimbae jupi vae güi ngaraa iñakañɨ vae!

SALMOS 116:9

Taiko nde rerea re cheYa, aiko ramboeve kuae ɨvɨ pe, oikove vae reta ipɨte pe.

SALMOS 142:5

CheYa Tumpa, asapúkai ndeve, jae: “Nde ko jae chereepɨ vae; ndeño ko reï cheveguarä.”

SALMOS 27:13

Ipuere ayembopɨtu, mbaetɨ yave arovia aecha vaerä yandeYa ipɨakavi, kuae ɨvɨ pe oikove aiko ramboeve.

SALMOS 31:13

Echa jeta vae güi aendu ndaye reta chekotɨ, oipota rupi güi chemongɨɨye. Metei rami oyemongeta reta oyapo vaerä ikavimbae cheve, ¡oyemongeta reta cheyuka vaerä!

SALMOS 35:15

Ërei che cheamɨri yave, opaete cheyóyai yóyai vae. Oporomotareɨ vae reta oyomboatɨ chekotɨ, che mbaetɨ aikuaa vae reta, jasɨ katu avei rupi cherereko reta.

SALMOS 52:5

Jáeramo, Tumpa ndemboaita jekuae avei pegua, ndemboaita, nemoëta ndero güi, oekɨta ndegüi nderekove.

SALMOS 83:4

Jei reta: “Peyu opa ñamokañɨtei, agüɨye vaerä ma oiko tëtaguasurä, agüɨye ye toyeendu Israel jee.”

PROVERBIOS 10:7

Kuimbae jupi vae re oime ñee kavi; ërei kuimbae jupimbae jee, jarembae pegua okañɨ.

PROVERBIOS 24:15

Iyoa vae, agüɨye emomburu jupi vae jo, agüɨye emboai chugüi iputuu renda,

PROVERBIOS 7:22

jaema voi oguata jupíe: Metei guaka oyereraja mbaeyukaa kotɨ rami, metei iyarakuaambae ojo tembipɨɨrɨru pe oñenupa vaerä rami,

ISAÍAS 32:7

Jeko kavimbae oeka kërai oyapo vaerä ikavimbae, ikaviä oyemongeta ipɨa pe; apu rupi oyapo ikavimbae vae paravete vae kotɨ jare ñeapo rupi oeka tëi oime vaerä jupi rupi ñeñono kavi chupe vae kotɨ.

ISAÍAS 38:11

Che jae: Mbaetɨ yeta ma aecha cheYa, mbaetɨ yeta ma aecha cheYa kuae ɨvɨ pe, mbaetɨ yeta ma aecha kuae ɨvɨ pegua reta.

JEREMÍAS 1:19

Jae reta oekata maratu ndeapo vaerä, ërei ngaraa nemoamɨri, echa che aïta nde ndive, roepɨ vaerä. Che ndeYa ko, jae kuae ndeve.”

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

JEREMÍAS 20:10

Aendu jeta vae iñeenguru jei reta: “¡Oime kɨɨye opaete rupi!” “¡Peyu, ñañeapo Jeremías re!” Chevɨa-ïru reta ave oäro ambaeyavɨ vaerä. Jei reta: “Güɨramoi ombaeyavɨta; jayave jëguata yandeve, javoi yayepɨ jese.”

JEREMÍAS 26:8

Jare Jeremías opa ma imiari opaete yandeYa oyókuai jei vaerä opaete vae reta pe yave; sacerdote reta, ñeemombeúa reta jare opaete vae reta oipɨɨ Jeremías, jei reve chupe: “¡Remanota ko añave!

LAMENTACIONES 3:60

Nde reecha opaete oyepɨ reta vae, jare opaete oyemongeta ikavimbae chekotɨ vae.

EZEQUIEL 32:24

Joko pe oï Elam jare iyɨ́vɨri opaete isundaro reta jɨvɨa; opaete jae reta omano ñeraro pe, jae reta ko Tumpa re güɨroviambae reta, opaete yogüɨraja ɨvɨgüɨ kotɨ. Echa oporomongɨɨye reta yepi ɨvɨ pe, ërei añave ñogüɨnoi ñemomarai pe omanogüe reta ñogüɨnoia pe.

DANIEL 9:26

Sesenta y dos semana jaɨkue rupi oyuka retata Mesías. Jerusalén jare tupao opata oyemboai, metei mburuvicha guasu outa vae isundaro reta imbaepuere rupi. Jare iyapɨta, metei ɨporu guasu ou rami. Iyapɨ regua oimeta ñeraro jare kañɨtei.

OSEAS 9:8

Ñeemombeúa jae ko Tumpa pe omae Efraín re vae, ërei pe reta peñono ñuai japerä ñavo pe, jare tupao pe ave omotareɨ reta vae.

NÚMEROS 1:14

Gad iñemuña reta güi, Eliasaf, Deuel taɨ.