JEREMÍAS 11:15 - Biblia Guarani Tumpa Iñee

¹⁵ Nde Israel che roaɨu vae, ¿mbae pa reeka chero pe, ikavimbae yae vae jeta ma reyapo güire? ¿Reyemongeta pa, remee cheve mbaekɨra jare soo oyeapɨ vaerä vae rupi reasayepeta susere güi? ¿Jókuae re pa reyemboete?

JEREMÍAS 11:15 ပူးပေါင်းရင်းမြစ်များ

SALMOS 50:16

Ërei jeko kavimbae pe Tumpa jei: “¿Kërai pa nde ndepuere nemiari cheporookuai reta re, jare remombeu cheporogüɨrökuavee päve?

SALMOS 60:5

Oasayepe vaerä nderembiaɨu reta, ¡eroasayepe ndembaepuere pe! ¡Eendu cheve!

PROVERBIOS 10:23

Yarakuaambae, omomoraño oyapo ikavimbae; ërei yarakuaa katu vae, omboyerovia iyarakuaa katu.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 2:14

oyerovia ikavimbae oyapo vae reta güi, jare ipöra teko pɨ̈chɨi chupe reta vae güi,

PROVERBIOS 21:27

Ikaviä yae ko iyoa vae reta omee mɨmba oyeyukagüe vae, echa omee reta iyemongeta ikavimbae reve.

PROVERBIOS 26:18

Kuimbae imbokere vae omondo tata, uvɨ mano pegua,

PROVERBIOS 28:9

Tumpa iporookuai mbaetɨ oipota oendu vae, Tumpa güɨröɨrota vi chugüi iyerure.

ISAÍAS 50:1

YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

JEREMÍAS 12:7

Aeya chembae vae reta, aröɨro chembae vae reta. Amee jovaicho reta ipo pe, tëta chembae aaɨu yae yepi vae.

JEREMÍAS 13:27

Aecha ko ndepɨa mbokere, aguasa reyapogüe, ndereko mbokere reyeapo vae, ɨvɨtɨ jare kaa rupi pɨ̈chɨi yae reyapogüe. ¡Ndeparavete, Jerusalén! ¿Kërai yave pa reyetɨota cheróvai? ¿Kërai yave regua ra ndekɨata reiko?”

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

JEREMÍAS 2:2

“Ekua nemiari tëta guasu Jerusalén pe, ere: ‘¡Körai jei yandeYa! Chemaendúa ndetaɨrusu yave, reiko jupi rupi cheróvai vae re, cheraɨu, omenda ramo vae ime oaɨu yae rami, reguatase che ndive ñuu rupi, jókuae ɨvɨ mbaetɨ etei oñemaetɨa pe.’

JEREMÍAS 23:11

YandeYa jei: “Ñeemombeúa reta jare sacerdote reta ave iyoa; chetupao pe ave aväe ikavimbae oyapo reta vae.

JEREMÍAS 3:14

YandeYa jei: “Ipɨapochɨ vae reta, peyerova ye, che ko peYa. Perëta guasu ñavo güi aipɨɨta metei jare tëtara ñavo güi mókoi, jare pogüɨrajata Sión pe.

JEREMÍAS 3:8

oecha vi amombo ipɨapochɨ vae Israel, iyaguasa pota jeko pegua; ërei ipɨkɨɨ ipɨapochɨ vae Judá, mbaetɨ oipoɨu, jaeño ojo vi oñemee oiko vaerä aguasa rupi.

OSEAS 3:1

YandeYa jei ye cheve: “Ekua ereko kuña iyaguasa pota vae yepe tëi jeko kavimbae. Jökorai che peYa Tumpa aaɨu Israel iñemuña reta, yepe tëi jae reta omboete tumpa ambuae, jare jou reta mbɨyape oyea uva oñemotinigüe ndive oñemee chupe vae.”

San Mateo 22:11

Jare mburuvicha guasu oike omae vaerä jókuae oyeparea chupe vae reta re yave, oecha joko pe metei kuimbae mbaetɨ oyemonde temimonde menda pegua pe vae

San Lucas 8:28

Kuae kuimbae oecha Jesús yave, osapúkai jare oyetavatɨka itindɨasɨ jóvai. Jayave iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera agüɨye eiporarauka cheve.

Romanos 11:28

Israel iñemuña reta oyovaicho ñee ikavi vae re, pepuere vaerä peporogüɨrovia. Ërei Tumpa oaɨu Israel pegua reta, iñemuñagüe reta oiparavo ramo.

1 Corintios 13:6

mbaetɨ yayerovia mbae jupimbae re, ërei yayerovia añete vae re,

Tito 1:15

Iyemongeta ikɨambae vae reta pe opaete mbaembae ikɨambae ko. Ërei oporogüɨroviambae vae iyemongeta ikɨa vae pe opaete mbaembae ikɨa ko. Echa ipɨa jare iyemongeta opaetei oikomegua.

Santiago 4:16

Ërei ngatu jökorai pere vaerägüe, peyemboete pepɨarai reño. Opaete jókuae nunga yemboete, ikavimbae ko.