JEREMÍAS 11:14 - Biblia Guarani Tumpa Iñee

¹⁴ Nde, Jeremías, agüɨye eyerure kuae tëta re, agüɨye eyerure chemoñera reve ikotɨ reta; echa ngaraa aendu chupe reta jäse reve oeka cheve yemborɨ isusere iara pe yave.

JEREMÍAS 11:14 ပူးပေါင်းရင်းမြစ်များ

SALMOS 66:18

Chepɨa pe anoi yemongeta ikavimbae vae yave, mbaetɨta tëi ko Tumpa oyeapɨsaka cheré.

ÉXODO 32:10

¡Añave, emaeño tachearasɨ ikotɨ reta, jare opata amboai reta! Ërei ndegüi ayapota metei tëtaguasu tuicha yae vae.

JEREMÍAS 11:11

Jáeramo aruta chupe reta susere mbaetɨta ipuere otekuarai chugüi vae. Yepe tëi täta jäse reve oeka cheve yemborɨ, ngaraa aendu chupe reta. Che ndeYa jae kuae.

JEREMÍAS 14:11

YandeYa jei cheve: “Agüɨye chemoñera kuae tëta re, oï kavi vaerä.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

JEREMÍAS 7:16

Nde, Jeremías, agüɨye eyerure kuae tëta re, agüɨye ndepɨatɨtɨ ikotɨ reta reve chemoñera. Echa ngaraa ayeapɨsaka nderé.

OSEAS 5:6

Ivecha reta reve jare iguaka reta reve yogüɨrajata oeka yandeYa, ërei ngaraa oväe reta chupe, echa jae osɨrɨ chugüi reta.

ZACARÍAS 7:13

Jare jei: “Che aenɨi reta tëi yave mbaetɨ oyeapɨsaka cheré, jökoraiño vi osapúkai reta chekotɨ yave; che mbaetɨta aendu chupe reta.

MALAQUÍAS 2:13

Jare jekuae peñova yeta tesaɨ pe mɨmba oyeyuka oyeapɨ jese vae yandeYa imbae, yaeo pe, täse reta pe; jayave ngaraa ye ma amae mbota re aipɨɨ vaerä chepɨakatu reve pepo güi.

1 Juan 5:16

Metei oporogüɨrovia vae oecha yave iñeïru oporogüɨrovia vae oyapo mbaeyoa mano peguambae vae yave, toyerure Tumpa pe jese, jare Tumpa omeeta oikoño vaerä; kuae ko oyapo mbaeyoa mano peguambae vae reta pegua. Oime ko mbaeyoa mano pegua, jókuae re mbaetɨ jae peve peyerure vaerä.