JEREMÍAS 11:11 - Biblia Guarani Tumpa Iñee

¹¹ Jáeramo aruta chupe reta susere mbaetɨta ipuere otekuarai chugüi vae. Yepe tëi täta jäse reve oeka cheve yemborɨ, ngaraa aendu chupe reta. Che ndeYa jae kuae.

JEREMÍAS 11:11 ပူးပေါင်းရင်းမြစ်များ

2 REYES 22:16

Körai jei yandeYa: ‘Che aruta kuae tëta re, jare pɨpegua reta re opaete susere kuae tembikuatía pe oyekuatía oï vae, mburuvicha guasu Judá pegua omongeta vae;

2 CRÓNICAS 34:24

Körai jei yandeYa: ‘Che aruta kuae tëta re jare yogüɨreko pɨpe vae reta re opaete ikavimbae, kuae tembikuatía pe oyekuatía oï vae reta, mburuvicha guasu Judá pegua jóvai omongeta reta vae.

JOB 35:13

Tumpa Imbaepuere yae ete vae, mbaetɨ oendu jupimbae; mbaetɨta omae jókuae nunga reta re.

SALMOS 18:41

Osapúkai reta tëi, ërei mbaetɨ kia oepɨ; yandeYa ave oenɨi reta tëi, ërei mbaetɨ oendu chupe reta.

SALMOS 66:18

Chepɨa pe anoi yemongeta ikavimbae vae yave, mbaetɨta tëi ko Tumpa oyeapɨsaka cheré.

PROVERBIOS 1:28

Jókuae ara chereenɨita, ërei ngaraa aendu peve; chereeka tëita, ërei ngaraa cheväe chupe;

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

ISAÍAS 24:17

Ɨvɨ pegua reta, jevae ñana rupigua oñemoña vae ramita, oimeta ñuai ani ɨvɨkua japerä pe.

JEREMÍAS 11:14

Nde, Jeremías, agüɨye eyerure kuae tëta re, agüɨye eyerure chemoñera reve ikotɨ reta; echa ngaraa aendu chupe reta jäse reve oeka cheve yemborɨ isusere iara pe yave.

JEREMÍAS 11:17

Echa che, peYa Imbaepuere yae ete vae, poñotɨ temitɨ rami vae ko amombeu kuae susere Judá jare Jerusalén kotɨ, ikavimbae yae vae peyapo jeko pegua chemboarasɨuka, echa peapɨ ikäti kavi vae incienso Baal pe.”

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 14:2

“Judáɨgua reta oyaeo ipɨatɨtɨ güi, jëta guasu reta kïrii ngatu, yogüɨreko pɨpe vae reta oguapɨ ɨvɨ pe. Jerusalén täta omoäse mbɨatɨtɨ.

JEREMÍAS 15:2

Oparandu yave ndeve ketɨ ra yogüɨrajata vae re, ere chupe reta: Körai jei yandeYa: ‘Oyembojee mbaerasɨ yavaetegüe pe omano vaerä vae, pɨpe tomano; oyembojee ñeraroa pe omano vaerä vae, joko pe tomano; oyembojee karuai rupi omano vaerä vae, pɨpe tomano; oyembojee iɨvɨ güi oyereraja vaerä tembipɨɨrä vae, toyereraja.’ ”

JEREMÍAS 18:11

Ere, Judá pegua reta pe jare Jerusalén pe yogüɨreko vae reta pe, yandeYa jei körai: ‘Ayemongeta aï pekotɨ, aiporarauka vaerä peve. Peyepoepɨ mo ikavimbae güi, peyapo kavi pereko jare perembiapo reta.’

JEREMÍAS 19:15

“YandeYa Imbaepuere yae ete vae Israel iTumpa jei: ‘Ambouta kuae tëta guasu re jare opaete tëta iyɨvɨrigua reta re tembiporara amoërakua chupe reta vae, echa oyembopɨa täta yae reta mbaetɨ vaerä oendu reta cheñee reta.’ ”

JEREMÍAS 19:3

Ere körai: ‘Judá pegua mburuvicha guasu reta jare Jerusalén pe peiko vae reta, peyeapɨsaka kuae ñee yandeYa Imbaepuere yae ete vae Israel iTumpa jei vae re: Aruta susere ikavimbae yae vae kuae ɨvɨ re, jare kia nunga vae oendu yave oipɨayuka eteita.

JEREMÍAS 23:12

Jáeramo jape reta pɨtumimbi jare iïchɨi yae ramita; omoañaukata jare ogüɨapi retata, echa che aruta jese reta ikavimbae, oväe yave ara oiporara reta vaerä. Che ndeYa ko jae kuae.

JEREMÍAS 25:35

Vecha iyangarekoa reta ngaraa ipuere otekuarai, vecha reta jeroataa reta ngaraa ojoyepe.

JEREMÍAS 35:17

Jáeramo che, peYa Imbaepuere yae ete vae Israel iTumpa, jae: Aruta Judá re jare Jerusalén pegua reta re, susere yavaetegüe amoërakua chupe reta vae; echa pe reta mbaetɨ peyapo che jae vae: ‘Poenɨi tëi, jare mbaetɨ pemboyevɨ cheve ñee.’ ”

JEREMÍAS 36:31

Jae jare iñemuña reta, jare iyɨvɨrigua mburuvicha reta pe aiporaraukata iyoa jeko pegua. Ambouta jese reta, jare Jerusalén pe yogüɨreko vae reta re jare opaete Judá pegua reta re opaete susere reta amoërakua vae, jae reta mbaetɨ oipota oendu vae.’ ”

JEREMÍAS 6:19

Ɨvɨ, eyeapɨsaka: Aruta susere kuae tëta re, iyemongeta kavimbae jeko pegua; echa mbaetɨ oendu reta cheñee, güɨröɨro reta cheporookuai.

LAMENTACIONES 2:22

Rembou cheve ketɨ ketɨ güi kɨɨye, metei arete ikavía pe yogüeru vae rami; cheYa, ndearasɨ iara pe mbaetɨ kia oasayepe ndegüi vae. Che ambokuakuaa vae jare ayangareko jese vae reta, cherovaicho reta opa oyuka.

EZEQUIEL 14:3

“Nde kuimbae, kuae kuimbae reta oñono ipɨa pe tumpa-raanga reta omboete vaeräño, omae reta jókuae mbaeyoa oyapouka chupe reta vae kotɨño. ¿Amaeñota yera oparandu reta mbae re cheve?

EZEQUIEL 7:5

Che peYa Tumpa jae körai: Köiño ma ou iyapɨ vaerä ndeve, jare oyoaɨkue yoaɨkue outa susere ndeve; köiño ma ou iyapɨ vaerä ndeve.

EZEQUIEL 8:18

Ërei che ayapota vi mbae chupe reta chearasɨ reve. Mbaetɨta cheɨ̈ro chupe reta, ngaraa aiparareko reta. Yepe tëi täta osapúkai reve chereenɨi retata, ërei che ngaraa aendu chupe reta.”

AMÓS 5:19

Yaguapope güi otekuarai vae ojo oñoövaiti oso ndive ramita ko; ani o pe oike vae opoko ovapetea re yave mboi oichuu vae ramita ko.

MIQUEAS 3:4

Metei ara peenɨita yandeYa, ërei jae ngaraa oendu peve; oñomita jova pegüi jókuae ara rupi, teko kavimbae yae peyapo jeko pegua.

ZACARÍAS 7:13

Jare jei: “Che aenɨi reta tëi yave mbaetɨ oyeapɨsaka cheré, jökoraiño vi osapúkai reta chekotɨ yave; che mbaetɨta aendu chupe reta.

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.