JEREMÍAS 10:3 - Biblia Guarani Tumpa Iñee

³ Echa jókuae tëtaguasu pegua reta, iporogüɨrovia reta mbaeä etei ko. Oyasɨa reta ɨvɨra kaa pe, jare ipoki omaeopa vae ombokavi yɨvapa pe,

JEREMÍAS 10:3 ပူးပေါင်းရင်းမြစ်များ

SALMOS 115:4

Jae reta itumpa reta ko oro pegua jare korepoti peguaño, kuimbae reta jembiapoño:

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

JEREMÍAS 1:16

Jae kuae tembiporara aruta jókuae iyoa reta jare chereeya reta vae kotɨ vae, echa oapɨ reta ikäti kavi vae incienso tumpa ambuae reta pe, omboete reta, jae reta aeño oyapo vae.

JEREMÍAS 10:8

Opaete tumpa-raanga reta yarakuaambae ko, mbaetɨ etei ko yarakuaa reta. ¡Jókuae tumpa-raanga reta ɨvɨra pegua mbaetɨ ipuere pemboe!

JEREMÍAS 14:22

¿Oime pa kia nunga tëtaguasu reta itumpa-raanga reta güi ipuere omongɨ vae? ¿Ara ombou pa ama iyeugüi aeño? ¡Mbaetɨ ko, cheYa Tumpa! Nde ko rembou, nde ko jae opaete kuae mbaembae iyapoa. ¡Jáeramo royeko ndereño!

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

JEREMÍAS 2:5

YandeYa jei körai: “¿Mbae ikavimbae pa oväe cheré peñemuñagüe reta, chereeya reta vaerä? Omboete reta tumpa-raanga reta, jókuae rupi jae reta etei oyembosiriveä.

LEVÍTICO 18:30

Jáeramo peñovatu pepɨa pe cheporookuai, agüɨye pemomoe jókuae ɨvɨ pe yogüɨreko vae jeko ikavimbae yae vae; agüɨye peyemongɨa pɨpe. Che ko peYa Tumpa.”

San Mateo 6:7

Jare reyerure yave, agüɨye eyerure judiombae vae reta oyerure rami. Echa jae reta jekuaeño omboaɨkuere yeyé jei metei vaeño. Güɨrovia jökorai iyerure oenduta Tumpa chupe reta.

Hechos 19:26

Jare peecha jare peyandu ma kërai kuae Pablo omboyerova jeta vae Efeso pe jare opaete seri Asia rupi jae iporomboe pe, jei reve: ‘Kuimbae reta oyapo vae tumpa retaä ko.’

Romanos 1:21

Oikuaa reta tëi Tumpa, ërei jeseve mbaetɨ omboete. Omeeä vi yasoropai chupe. Ërei ipɨa pe oyemongeta reta iyarakuaambae rami, jare iyemongeta reta opa oyembopɨtumimbi.

1 Pedro 1:18

Peikuaa ma ko peñerenoeuka tenonde yave peikose vae güi, peñemuñagüe reta oeyagüe peve vae güi; mbaetɨ ko korepoti ani oro rupi peñerenoe, echa korepoti jare oro opa vae ko,