JEREMÍAS 10:13 - Biblia Guarani Tumpa Iñee

¹³ Iñee rupi jɨapu ɨ ɨvate ara pe, omboyeupi amapɨtu ɨvɨ iyapɨ kotɨ güi, ombou ama-vera okɨ yave, jare güɨnoe ɨvɨtu, oñovatúa güi.

JEREMÍAS 10:13 ပူးပေါင်းရင်းမြစ်များ

GÉNESIS 2:5

Opaete ñana ndeiño vɨteri oë ɨvɨ güi, jare opaete temitɨ ndeiño vɨteri jeñɨi. Echa yandeYa Tumpa ndeiño ombou ama ɨvɨ re, ndeiño vi oime kuimbae omaetɨ vaerä.

1 REYES 18:41

Jayave Elías jei Acab pe: —Ekua ekaru jare jeu vino, echa ama tuicha yae vae oyeendu.

JOB 38:22

¿Reike pa remae iroɨ jɨru pe, ani amandau jɨru pe?

SALMOS 104:13

Nde ko remboɨu kaa reta, ɨvate reïa güi, ama pe remboɨu kavi ɨvɨ.

SALMOS 135:17

Oime iyapɨsa reta, ërei mbaetɨ oendu reta, ¡mbaetɨ kërai ave yepe oikove reta!

SALMOS 135:7

Omboyeupi amapɨtu reta ɨvɨ iyapɨ kotɨ güi, oyapo ama-vera, okɨ vaerä, güɨnoe ɨvɨtu, oñeovatúa güi.

SALMOS 147:8

Jae ko oyasoi ara amapɨtu pe, jae ko oñono kavi ama okɨ vaerä ɨvɨ re, jae ko ombokuakuaa ñana ɨvɨtɨ guasu reta re.

SALMOS 18:13

YandeYa ombou iñee ara kotɨ güi, Tuichagüe yae ete vae omoë iñee; amandau jare tätapɨi jendɨ vae rami.

SALMOS 68:33

¡Ɨvate ara rupi oguata vae, jae ko oiko ñomai vae! Mase, ko jae oendukata iñee tätagüe vae.

ÉXODO 9:23

Jare Moisés güɨropövee ipopoka ara kotɨ, jayave yandeYa ombojɨapu ara jare ombou amandau, jare ama-tiriri yavaetegüe oa ɨvɨ re; jökorai yandeYa oitɨ amandau ɨvɨ Egipto pe.

JEREMÍAS 14:22

¿Oime pa kia nunga tëtaguasu reta itumpa-raanga reta güi ipuere omongɨ vae? ¿Ara ombou pa ama iyeugüi aeño? ¡Mbaetɨ ko, cheYa Tumpa! Nde ko rembou, nde ko jae opaete kuae mbaembae iyapoa. ¡Jáeramo royeko ndereño!

JEREMÍAS 19:12

Jökoraita ayapo kuae tëta guasu jare pɨpegua reta. Tofet rami.

JEREMÍAS 5:24

Mbaetɨ pere pepɨa pe: ‘Yamboete mo yandeYa Tumpa, ama ombou iara pe kavi yandeve vae, ama tenondegua ete jare taɨkuegua ete, jare omee yandeve ara kavi yambaarɨvo vaerä.’

JEREMÍAS 51:16

Iñee rupi jɨapu ɨ jetagüe ɨvate ara pe, omboyeupi amapɨtu ɨvɨ iyapɨ kotɨ güi, ombou ama-vera okɨ yave, jare güɨnoe ɨvɨtu oñeovatúa güi.

AMÓS 4:13

Echa, ko oï ɨvɨtɨ reta iyapoa, kuimbae reta pe omombeu iyemongeta vae, pɨtumimbi oyapo tembiperä vae, ɨvɨtɨ guasu rupi oguata vae, jae ko jee yandeYa Tumpa Imbaepuere yae ete vae.

ZACARÍAS 10:1

Peiporu yandeYa pe ama taɨkuegua, jae ama-vera oyapo vae ombouta peve jeta ama jare kaa jokɨ katuta peve.