JEREMÍAS 10:12 - Biblia Guarani Tumpa Iñee

¹² YandeYa imbaepuere pe oyapo ɨvɨ; oñono kavi ɨvɨ oikuaa kavi reve; oipɨso ara iyarakuaa yae reve.

JEREMÍAS 10:12 ပူးပေါင်းရင်းမြစ်များ

GÉNESIS 1:1

Iyɨpɨ ete pe Tumpa oyapo ara jare ɨvɨ.

GÉNESIS 2:5

Opaete ñana ndeiño vɨteri oë ɨvɨ güi, jare opaete temitɨ ndeiño vɨteri jeñɨi. Echa yandeYa Tumpa ndeiño ombou ama ɨvɨ re, ndeiño vi oime kuimbae omaetɨ vaerä.

1 CRÓNICAS 16:26

Opaete tëta itumpa reta, tumpa-raangaño ko, ërei yandeYa ko jae ara reta iyapoa.

JOB 26:7

Jae oipɨso ara ɨvɨtuguasu kotɨ, jare ɨvɨ ombosagüɨu ipombaea re.

JOB 37:18

¿Reipɨso pa jae ndive ara, jare reeya metei jiero iyu vae oyemboipe kavi rami?

JOB 9:8

Jaeño pe etei ko oyapo ara reta; jare güɨnoi mbaepuere ɨguasu re.

SALMOS 104:2

reñeapeva tembipe pe, temimonde pe rami; ¡reipɨso ara, asoya oyepɨso rami!

SALMOS 104:24

CheYa Tumpa, ¡opa rapeä ko roipapa nderembiapo reta! Opaete jókuae reta reyapo ndearakuaa katu reve; ¡ɨvɨ tɨnɨe oï nderembiapo reta pe!

SALMOS 119:90

Neñee rembopo avei vae ko nde, nde reñono jenda pe kuae ɨvɨ, jare jökorai oiko.

SALMOS 24:2

Echa jae oyapo ɨvɨ, omboguapɨ ɨguasu reta re jare ɨ̈aka reta re.

SALMOS 33:6

YandeYa oyapo ara reta iñee peño, ipɨ̈túe peño oyapo opaete ara ipo reta.

SALMOS 65:7

remokïrii ɨguasu reta iyɨaparúa, jare tëtaguasu reta jekorai.

SALMOS 78:69

Omopüa jo mbaemboetea jekuae avei pegua, oyapo ɨvɨ oiko avei vae rami.

SALMOS 93:1

¡Mburuvicha guasu ko yandeYa! ¡YandeYa oyemonde yembotuicha pe, jare oñeova mbaepuere pe! Jae oñono jenda pe kavi kuae ɨvɨ, agüɨye vaerä omɨi.

PROVERBIOS 3:19

Arakuaa reve kavi yandeYa oñono ɨvɨ jenda pe, jare arakuaa katu reve kavi oyapo ara;

PROVERBIOS 30:4

¿Kia pa oyeupi ara kotɨ jare ogüeyɨ ye? ¿Kia pa ipuere oipɨɨ ɨvɨtu? ¿Kia pa ipuere ɨ oyapɨkua? ¿Kia pa opa oñono kavi ɨvɨ jembeɨ reta? ¿Mbae pa jee, jare mbae pa taɨ jee? ¡Ere cheve reikuaa yave!

ISAÍAS 37:16

“CheYa Imbaepuere yae ete vae, Israel iTumpa, araɨgua reta querubín iä ipäu pe oiko vae, ndeño ko jae opaete mburuvicha guasu reta ɨvɨ pegua juvicha guasu; nde ko reyapo ara jare ɨvɨ.

ISAÍAS 40:22

Tumpa oikoa, güɨnoi ko ara re, joko güi oecha ɨvɨ pegua reta tuku ramiño ko vae. Jae oipɨso ara, asoya oyepɨso rami, jae omoata ara, küaraɨa guakapi pegua oñemoata rami.

ISAÍAS 42:5

Körai jei yandeYa Tumpa, ara Iyapoa, jae oyapo ara; jae oyapo ɨvɨ jare mbaembae oñemuña pɨpe vae; jae omee ɨvɨ ipo reta pe ipɨ̈túe vaerä, jare tekove, ɨvɨ iárambo yogüɨreko vae reta pe vae:

ISAÍAS 44:24

Körai jei yandeYa, ndeReepɨ vae, ndei rea mbove voi ma ndeapo vae: “Che peYa, jae ko opaete mbaembae iyapoa, che ko ayapo ara jare ɨvɨ, mbaetɨ kia chemborɨ reve.

ISAÍAS 45:12

Che ko ayapo ɨvɨ jare pɨpegua kuimbae reta, che ko ayapo ara jare amboyekuaa opaete pɨpegua reta.

ISAÍAS 45:18

Echa yandeYa, ara iyapoa, Tumpa, ɨvɨ oyapo vae, omopöra kavi jare oñono kavi jenda pe vae, mbaetɨ oyapoiño, oyapo ko oime vaerä pɨpe mbaembae; jae jei körai: “Che ko jae peYa, mbaetɨ yé oime ïru.

ISAÍAS 48:13

Che ko ayapo ɨvɨ, jare chepoäka pe ko ajäa ara reta; aenɨi reta jee rupi yave, mókoi reve voi oyekuaa reta.

ISAÍAS 49:8

YandeYa jei: “Ou ma oväe aechauka vaerä cheporoaɨu, jáeramo ayeapɨsaka nderé, ou ma oväe yereroasayepe iara, jáeramo romborɨ. Che ko roñovatu, nderupi ayapo vaerä ñererökuavee päve tëta ndive, amopüa ye vaerä kuae tëtaguasu, amee ye vaerä iyagüe reta pe ɨvɨ opa oyemboai oï vae.

JEREMÍAS 10:13

Iñee rupi jɨapu ɨ ɨvate ara pe, omboyeupi amapɨtu ɨvɨ iyapɨ kotɨ güi, ombou ama-vera okɨ yave, jare güɨnoe ɨvɨtu, oñovatúa güi.

JEREMÍAS 10:16

Ërei ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

JEREMÍAS 14:22

¿Oime pa kia nunga tëtaguasu reta itumpa-raanga reta güi ipuere omongɨ vae? ¿Ara ombou pa ama iyeugüi aeño? ¡Mbaetɨ ko, cheYa Tumpa! Nde ko rembou, nde ko jae opaete kuae mbaembae iyapoa. ¡Jáeramo royeko ndereño!

JEREMÍAS 27:5

Che chembaepuere pe ko ayapo ɨvɨ, kuimbae jare mɨmba reta ñogüɨnoi ɨvɨ iárambo vae, jare amee che aipota vae pe.

JEREMÍAS 32:17

‘CheYa Tumpa, nde ndembaepuere pe reyapo ara jare ɨvɨ. Mbaetɨ etei mbae yavai ndeve.

ZACARÍAS 12:1

YandeYa iñee Israel pe mbae oasata vae regua. YandeYa, ara oipɨso vae jare ɨvɨ oyapo vae, jare tekove oyapo kuimbae iyɨvɨte pe vae, jei:

San Juan 1:3

Opaete mbaembae jae etei oyapo. Jae oyapombae reve mbaetɨi mbae oyeapogüe.

Colosenses 1:16

Echa jae rupi Tumpa oyapo opaete mbaembae ara pe oï vae jare ɨvɨ pe oï vae, yaecha vae jare yaechambae vae; mburuvicha reta ara pegua jare ɨvɨ pegua, jare opaete mbaepuere güɨnoi vae. Jae rupi etei oyeapo opaete jare chupeguarä.