JEREMÍAS 10:10 - Biblia Guarani Tumpa Iñee

¹⁰ Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 10:10 ပူးပေါင်းရင်းမြစ်များ

GÉNESIS 21:33

Abraham oñotɨ metei ɨvɨra tamarisco jee vae Beerseba pe, jare oyerure joko pe yandeYa Tumpa opambae vae jee re.

1 REYES 18:39

Jare opaete vae oecha yave, oyetavatɨka itindɨasɨ ɨvɨ re jare jei reta: “¡YandeYa yepe jae Tumpa, yandeYa yepe jae Tumpa!”

1 REYES 8:60

Jökorai oikuaa reta vaerä opaete ɨvɨ pegua tëtaguasu reta yandeYa jae ko Tumpa, mbaetɨ yé ïru Tumpa vae.

1 CRÓNICAS 29:11

CheYa, ¡ndembae ko mbaeyekou, mbaepuere, mbaemboetea, ndepuere opaete re vae jare imboetea vae! Echa opaete ñogüɨnoi ara pe jare ɨvɨ pe vae ndembae ko. Ndembae ko mborookuaía, echa nde oreYa tuicha yae opaete güi vae ko.

2 CRÓNICAS 15:3

Ɨma Israel iñemuña reta yogüɨreko tumpa añetembae ndive, isacerdotembae omboe vaerä jare mborookuaimbae.

JOB 9:6

Jae ko ɨvɨ omokana, jare omokana ɨvɨ iguapɨka reta.

SALMOS 10:16

YandeYa jae ko Mburuvicha guasu opambae vae jare jekuae avei vae. ¡Iɨvɨ güi opa okañɨtei tëtaguasu reta!

SALMOS 100:3

Peikuaa, kërai yandeYa ko jae Tumpa; jae ko yandeapo, yande aeñoä ko yayeapo; ¡jae imbae ko yande, ivecha reta ikapii jokɨ katúa pegua!

SALMOS 100:5

Echa yandeYa ipɨakavi ko; iporoparareko jekuae avei vae ko, jare iñee ombopo avei vae ko.

SALMOS 104:32

Jae omae ɨvɨ re yave, okana; ¡jae opoko ɨvɨtɨ reta yave, jätati!

SALMOS 114:7

¡Ɨvɨ okana yandeYa jóvai, Jacob iTumpa jóvai!

SALMOS 145:13

Ndeporookuaía opambae ko, ndembaepuere jekuaekuae avei vae ko.

SALMOS 146:6

jae ko oyapo ara jare ɨvɨ, ɨguasu jare opaete pɨpe yogüɨreko vae. Jae mbaetɨ oipoepɨ jeigüe.

SALMOS 18:7

Jayave ɨvɨ okana: Ɨvɨtɨ guasu reta iguapɨka okana, yandeYa iyarasɨ omokana.

SALMOS 29:10

YandeYa güɨnoi mbaepuere güeru vaerä ɨporu guasu; ¡yandeYa oiko mburuvicha guasurä jekuae avei pegua!

SALMOS 31:5

Añono cherekove ndepo pe, ¡nde chereepɨ cheYa, Tumpa añete vae!

SALMOS 42:2

Cheɨuve yae rami ndekotɨ cheTumpa, nde, cheTumpa oikove vae. ¿Kërai yave ra aïta cheTumpa jóvai?

SALMOS 68:11

YandeYa omee ñee; jeta kuña omoërakua körai:

SALMOS 68:8

ɨvɨ okana, okɨ vi nderenonde, ɨvɨtɨ Sinaí okana nde Israel iTumpa jóvai.

SALMOS 74:12

Arakae güive nde Tumpa, jae ko cheruvicha guasu, ɨvɨ pe jeta reporogüɨroasayepe vae ko nde.

SALMOS 76:7

¡Nde, kɨɨyea yae ko! ¿Kia pa ipuereta oyemboɨ nderóvai ndearasɨ reï yave?

SALMOS 76:8

Ara güi reenduka neporojäa; ɨvɨ okɨɨye jare kïrii opɨta,

SALMOS 77:18

Ndeararɨapu oï kusumirou re; neama-vera omoembipe ɨvɨ jare omokana.

SALMOS 84:2

¡Aipota yae jare chekɨ̈reɨ yae aï vaerä nderoka pe, cheYa! ¡Opaete chepɨa ndive atairari ayerovia reve Tumpa oikove vae pe!

SALMOS 9:8

Jae oporojäata ɨvɨ re jupi rupi, jare tëta reta re isɨmbi rupi.

SALMOS 90:11

¿Kia pa oikuaa yavaete yae ko ndearasɨ vae? ¿Kia pa oikuaa kërai ko nde ndearasɨ yave vae?

SALMOS 90:2

Arakae, ndei ɨvɨtɨ reta oyeapo mbove güive voi ma, ndei kuae ɨvɨ oyeapo güive voi ma, arakae güive jare arakae regua jekuaekuae avei rupi, nde ko Tumpa.

SALMOS 93:2

Jayave güive ko mburuvicha guasu nde; ¡nde ko reiko avei vae!

SALMOS 97:4

Iama-vera reta omboesape ɨvɨ; ¡jókuae oecha yave kuae ɨvɨ okana!

ISAÍAS 37:17

CheYa, emboɨke ndeapɨsa jare eendu. Emae cheYa, jare eecha. Eyeapɨsaka opaete ñee reta Senaquerib ombou jeiuka cheve ñeeasɨ katu ndekotɨ vae re, nde Tumpa oikove vae kotɨ.

ISAÍAS 37:4

Mbae mona ndeYa Tumpa oendu Rabsaces jeigüe, echa juvicha guasu Asiria pegua ombou iñeeasɨ katu vaerä jare jei vaerä mbae ikavimbae Tumpa oikove vae kotɨ, toiporarauka chupe jókuae jeigüe re; jae oendu ko opaete jókuae ñee reta. Eyerure chupe jembɨre vɨteriño vae reta re.”

ISAÍAS 40:15

Chupegua, tëtaguasu reta, ɨ otɨkɨ jɨru güi vae ramiño ko, ɨvɨkúi michi yae vae mbaejäaka pe oï rami, ɨvɨkúi ramiño omboaita tëta reta ɨguasu ipäu rupigua reta.

ISAÍAS 40:28

¿Mbaetɨ pa reikuaa, mbaetɨ pa reendu yandeYa jae ko Tumpa oiko avei vae, jae ko oyapo opaete ɨvɨ vae? Mbaetɨ ko ipɨtu, mbaetɨi vi ikangɨ, jare iyarakuaa katu mbaetɨ kia ipuere omboyovake.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 65:16

Oipotagüe kuae ɨvɨ pe oipota mborerekua vae, güɨnoita Tumpa iyapumbae jee re; jare oipotagüe kuae ɨvɨ pe oñererökuavee mbae oyapo vaerä yave, toyapo Tumpa iyapumbae jee re. Echa opaete tenondegua tembiporara reta opata oasa, opata okañɨ cheróvai güi.”

JEREMÍAS 23:36

Agüɨye ye mo pere: ‘YandeYa omoërakua mbae maratuta vae’, echa kia jei yave jókuae ñee, amboyevɨta chupe jókuae jae omoërakuagüe. Echa pe reta peipoepɨ yandeYa oikove vae iñee, peTumpa, yandeYa Imbaepuere yae ete vae.

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

JEREMÍAS 4:24

Amae ɨvɨtɨ reta re, jare aecha okana ñogüɨnoi; opaete ɨvɨtɨ reta orɨrɨi.

JEREMÍAS 50:46

Babilonia jɨapu oa vae omokanata ɨvɨ; jɨapu ojo oyeendu ïru tëtaguasu reta rupi.”

JEREMÍAS 51:29

Ɨvɨ okana jare orɨrɨi, echa yandeYa ombopo oï iyemongeta oeya vaerä ipombae Babilonia, mbaetɨ yeta kia oiko pɨpe.

DANIEL 4:3

¡Tuicha yae ko mɨakañɨ reta Tumpa oyapogüe, jare imbaepuere yae rupi oyapo! Iporookuaía opambae ko, jare imbaepuere oiko aveita jekuae avei pegua.

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

DANIEL 6:26

Che poyókuai opaete cheporookuaía pe peï vae reta, opaete vae pemboete jare peipoɨu Daniel iTumpa güi. Echa jae ko Tumpa oikove vae, jekuae avei oiko vae. Iporookuaía ngaraai oyemboai, imbaepuere ngaraai iyapɨ ɨvɨ opa regua.

DANIEL 6:27

Jae oporogüɨroasayepe jare oporoepɨ, jae oyapo mɨakañɨ reta ara re jare ɨvɨ pe. Jae ko oepɨ Daniel yaguapope reta iyuru güi.”

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

JOEL 2:11

YandeYa oenduka iñee isundaro reta jenonde; jeta yae ko isundaro reta, jëia yae ko oyeokuai chupe vae reta; ¡tuicha jare yavaete yae ko yandeYa iporojäa iara! ¿Kia pa ipuereta güɨropɨa?

MIQUEAS 1:4

Jare jókuae ɨvɨtɨ guasu reta opata tɨkui iraitɨ tata pe oï rami, jare ɨvɨtɨ päu ipe kavi vae reta opata oñemoɨ̈aka-soro, ɨ oa ɨ̈vavira rupi rami.

NAHUM 1:5

Ɨvɨtɨ guasu reta okana jae jóvai; ɨ̈vavira reta opa tɨkui jae jóvai. Opaete ɨvɨ jare opaete yogüɨreko pɨpe vae ipɨakɨɨye yae oyekuaa yave.

NAHUM 1:6

Iyarasɨ yave, ¿kia pa ipuereta oyemboɨ jae jóvai? ¿Kia pa ipuereta güɨropɨa iyarasɨ? Iyarasɨ oñemoai tata rami, jae jóvai osururu ɨ̈vavira reta.

HABACUC 3:10

Ɨvɨtɨ reta okana ndereecha yave, ara güi oa ama tuichagüe, ɨguasu tɨpɨ vae jɨapu ɨaparúa reta opüa ramboeve.

HABACUC 3:6

Jae oyemboɨ yave ɨvɨ okana tëta guasu ipo reta orɨrɨi jae omae jese reta yave; ɨvɨtɨ guasu reta ñɨma yae vae osururu jare opa oyemboai; Tumpa jemimbota reta ko opambae.

MALAQUÍAS 3:2

Jare, ¿kia pa ipuereta güɨropɨa jae ou yave?, jare ¿kia pa ipuereta oyemboɨ jae jóvai, jae oyeechauka yave? Echa jae tata mbae ikɨagüe oekɨ rami, jare ombaeputuka vae reta ijavo rami.

San Mateo 16:16

Jayave Simón Pedro jei chupe: —Nde ko jae Cristo, Tumpa oikove vae Taɨ.

San Mateo 26:63

Ërei Jesús mbaetɨ mbae jei. Jayave sacerdote reta itenondegua ete jei ye chupe: —Tumpa oikove vae jee re ere oreve, ¿nde pa ko jae Cristo, Tumpa Taɨ?

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

Hechos 14:15

—Kuimbae reta, ¿maera pa peyapo kuae? Ore kuimbae reta pe reta ramiño ko. Romoërakua peve peyerova vaerä kuae ikavimbae peyapo vae güi Tumpa oikove vae kotɨ. Jae ko oyapo ara, ɨvɨ, ɨguasu jare opaete mbaembae pɨpe oime vae.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

DEUTERONOMIO 5:26

echa, ¿mbae pa kuimbae oendu etei vaerä Tumpa oikove vae iñee tata jendɨ vae güi, ore roendu rami jare roikoveño?

1 Tesalonicenses 1:9

Echa jae reta etei omombeu ïru vae reta pe kërai ore rojo perëta pe yave kërai oremboresive vae re, jare kërai peeya tumpa-raanga reta jare peyerova Tumpa kotɨ, peyeokuai vaerä Tumpa oikove vae jare añetete vae kotɨ,

1 Timoteo 1:17

Jáeramo, yamboete yae jekuaekuae avei rupi Mburuvicha guasu opambae vae, omanombae vae, oyeechambae vae, jaeño ko Tumpa yarakuaa yae vae. ¡Amén!

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

Hebreos 10:31

¡Yavaete yae ko yaa yave Tumpa oiko tee vae ipo pe!

JOSUÉ 3:10

Kuae rupi peikuaata Tumpa oikove vae oime oï pepɨte pe vae, jare jae omoëta omombo perenonde güi cananeo reta, heteo reta, heveo reta, ferezeo reta, gergeseo reta, amorreo reta jare jebuseo reta.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.

JUECES 5:4

CheYa Tumpa, reë yave tëta Seir güi; reo Edom pegua reta iɨvɨ rupi yave, ɨvɨ jare ara okana, amapɨtu reta oitɨ ama.

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?

1 SAMUEL 17:36

Yaguapope ani oso viña pa ayuka; vɨtei pa kuae filisteo itumpa-raanga pota vae, echa iñeeasɨ katu Tumpa oikove vae isundaro reta kotɨ.