JEREMÍAS 1:17 - Biblia Guarani Tumpa Iñee

¹⁷ Jare nde, eyeumbɨkua täta, ekua jare ere chupe reta opaete che royókuai vae. Agüɨye ekɨɨye chugüi reta, echa rekɨɨye ko yave, che ameeta nde rekɨɨye vaerä chugüi reta.

JEREMÍAS 1:17 ပူးပေါင်းရင်းမြစ်များ

1 REYES 18:46

Jare yandeYa imbaepuere oï Elías re, jae oyeumbɨkua täta, jare osɨi Acab jenonde ojo regua oväe Jezreel pe jae räri.

2 REYES 1:15

Jayave yandeYa iaraɨgua jei Elías pe: —Ekua jae ndive, agüɨye ekɨɨye chugüi. Elías ogüeyɨ jare ojo jókuae sundaro ruvicha ndive mburuvicha guasu jóvai,

2 REYES 4:29

Jayave Eliseo jei Giezi pe: —Eyupavo, ko oï chepopoka jare ekua jokotɨ. Kia nunga vae nerövaiti yave, agüɨye maraetei eyapo chupe, kia nunga vae maraetei oyapo ndeve yave, agüɨye emboyevɨ chupe. Javoi chepopoka eñono kunumi raɨ jova re.

2 REYES 9:1

Jayave ñeemombeúa Eliseo oenɨi metei ñeemombeúa reta güi, jare jei chupe: —Eyupavo, jare eraja kuae asaite Ramot kotɨ, ɨvɨ Galaad pe.

JOB 38:3

Añave eyeumbɨkua kuimbae rami; che aparanduta ndeve, jare nde emboyevɨ cheve.

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

ÉXODO 7:2

Nde ere opaete mbaembae reta che royókuai vae, jare nderɨkeɨ Aarón timiari Faraón pe omaeño vaerä yogüɨraja iɨvɨ güi Israel iñemuña reta.

JEREMÍAS 1:18

Che roñono añave, tëta guasu oñekëse kavi yae vae rami, okɨta jiero pegua rami, okɨta jiero iyu vae pegua rami, opaete kuae ɨvɨ Judá pegua reta kotɨ: Juvicha guasu reta kotɨ, itenondegua reta kotɨ, isacerdote reta kotɨ, jare opaete vae reta kotɨ.

JEREMÍAS 17:18

Emomaraiuka chemotareɨ vae reta, ërei che agüɨye jökorai. Emongɨɨye reta, ërei che agüɨye jökorai. Embou jese reta mbaesusere, opaetei emokañɨtei reta.

JEREMÍAS 23:28

¡Metei ñeemombeúa opaɨu yave, tomombeu opaɨu ko vae; ërei cheñee omboresive ko yave, tomombeu kavi añetegüe! Mbaetɨi ko kapii oyovake trigo ndive.

JEREMÍAS 26:12

Javoi Jeremías imiari opaete mburuvicha reta pe jare opaete vae reta pe, jei: “YandeYa chembou amoërakua vaerä kuae tupao kotɨ jare kuae tëta guasu kotɨ, opaete kuae ñee reta peendu vae.

JEREMÍAS 26:2

“Eyemboɨ chetupao joka pe jare nemiari opaete tëta guasu reta Judá pegua güi yogüeru ombaemboete vaerä tupao pe vae reta pe, opaete cheñee reta royókuai nemiari vaerä chupe reta vae. Agüɨye eeya metei ave ñee reta.

JEREMÍAS 36:8

Baruc, Nerías taɨ oyapo opaete ñeemombeúa Jeremías oyókuai vae; ojo tupao pe jare omongeta yandeYa iñee oyekuatía oï jókuae tembikuatía oyepomombɨ vae pe vae.

LAMENTACIONES 3:57

Che roenɨi yave reyu chekotɨ, jare rere cheve: “Agüɨye ekɨɨye.”

JONÁS 3:2

“Epüa, ekua tëta guasu Nínive kotɨ jare emoërakua cheñee joko pe, amombeuta ndeve vae.”

San Lucas 12:35

Peï kavi peï jare pemechero reta tijendɨ toï.

Hechos 20:20

Ërei mbaetɨ aipoɨu amoërakua vaerä peve opaete ikavi peve peguarä vae. Jare pomboe jeta vae jovake jare pero reta rupi vi.

Hechos 20:27

Echa amombeu kavi peve opaete Tumpa jei vae.

1 Corintios 9:16

Yepe tëi amoërakua ñee ikavi vae, ërei ngaraa ayemboete jókuae re. Echa yandeYa cheokuai amoërakua vaerä. ¡Këraita pa aiko mbaetɨ yave amoërakua ñee ikavi vae!

1 Tesalonicenses 2:2

Yepe tëi roiporara yae Filipos pe, pe reta peikuaa rokɨɨyembae reve Tumpa re romombeu peve Tumpa ñee ikavi vae, yemboavai jeta yae tëi reve.

1 Pedro 1:13

Jáeramo, peïndaivi jare peyemongeta kavi, jare peäro pepɨakatu reve Tumpa ipɨakavi rupi omeeta peve Jesucristo oyekuaa ye yave vae.