JEREMÍAS 1:15 - Biblia Guarani Tumpa Iñee

¹⁵ Mase, che amboatɨta opaete ɨvɨtuguasu kotɨgua reta. Yogüeruta juvicha guasu reta, jare oyembojeyupa retata metei ñavo, Jerusalén jöke ñavo pe, jare opaete ikësea ikupe rupi, jare opaete tëta guasu reta Judá pegua rupi.

JEREMÍAS 1:15 ပူးပေါင်းရင်းမြစ်များ

ISAÍAS 22:7

Ndeɨvɨtɨ päu ipöra ipe kavi vae tɨnɨe oï käretou ñeraro pegua pe, jare kavayu regua reta oyembojeyupa ma tëta guasu jöke pe.

JEREMÍAS 10:22

¡Peyeapɨsaka! Jërakua tëtaguasu ɨvɨtuguasu kotɨgua güi oyeendu ou jetagüe, oeya vaerä ipombae opaete tëta guasu reta Judá pegua, opɨta vaerä aguarayaɨmba reta jëtarä.

JEREMÍAS 10:25

Eitɨ ndearasɨ tëtaguasu reta mbaetɨ ndekuaa vae re, tëta reta mbaetɨ ndemboete vae re, echa opa omokañɨtei reta Jacob iñemuña reta, opaetei omboai reta, tëtaguasu opa omboai oeya reta.

JEREMÍAS 13:20

Pemopüa peäka jare pemae kërai yogüeru tovaicho ɨvɨtuguasu kotɨ güi. ¿Ketɨ pa oime oñemee ndeve reyangareko vaerä jese vae, nderembiangareko tëta ikavi yae vae?

JEREMÍAS 25:28

Jare mbaetɨ oipota reta oipɨɨ ndegüi kopa oɨu vaerä yave, ere chupe reta: ‘CheYa Imbaepuere yae ete vae jei: Reɨu ñotai ko jese.

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 33:10

YandeYa jei: “Pe reta pere, kuae ɨvɨ ipombae ko oï vae jare mbaetɨ pɨpe kuimbae ani mɨmba yepe; Jerusalén ikaye ipombae jare tëta guasu reta Judá pegua; mbaetɨ kuimbae ani mɨmba yepe pɨpe pere chupe vae pe,

JEREMÍAS 34:1

Nabucodonosor, mburuvicha guasu Babilonia pegua, opaete isundaro reta jare ïru tëtaguasu pegua reta jae ipo pe ñogüɨnoi vae ndive, oyomboatɨ opüa Jerusalén re jare iyɨvɨrigua tëta guasu reta re yave, yandeYa jei Jeremías pe:

JEREMÍAS 34:22

Ërei ayokuaita oyerova reta ye vaerä kuae tëta guasu kotɨ, jare opüata jese, opɨ̈rota jare oapɨ retata. Jare ïru tëta guasu reta Judá pegua opɨtata ipombae, mbaetɨ eteita pɨpe vae. Che peYa ko jae kuae.”

JEREMÍAS 39:3

jare opaete Babilonia pegua mburuvicha guasu iyɨvɨrigua mburuvicha reta oike, jare oyembojeyupa reta öke mbɨte pegua pe. Jae ko Nergal-sarezer jare Samgar-nebo; jare tenondegua ete mburuvicha guasu jo pe vae reta, jae ko Sarsequim jare ïru Nergal-sarezer; jare opaete ïru mburuvicha reta, Babilonia pegua mburuvicha guasu iyɨvɨrigua reta.

JEREMÍAS 4:16

“Pere tëtaguasu reta pe jare Jerusalén pe: ‘Matɨ güi yogüeru ma tovaicho reta, jäsémbai osapúkai reta ñeraro pegua, tëta guasu reta Judá pegua kotɨ.

JEREMÍAS 4:6

Pemopüa bandera Sión pe; ¡petekuarai, agüɨye pepɨta! Echa ɨvɨtuguasu kotɨ güi aruta susere jare kañɨtei.

JEREMÍAS 43:10

jare ere chupe reta: ‘YandeYa Imbaepuere yae ete vae Israel iTumpa jei: Ambouta cherembiokuai Nabucodonosor, mburuvicha guasu Babilonia pegua, jare añonota iporookuaía jare jorä güɨnoi vaerä kuae ita reta añotɨ vae iárambo.

JEREMÍAS 44:6

Jáeramo, chearasɨ oyepota metei tata rami tëta guasu reta Judá pegua re jare Jerusalén pegua kaye reta re. Jare opa oyemboai opɨta añave regua.

JEREMÍAS 46:24

Egipto oñemomaraiukata, oata ɨvɨtuguasu kotɨgua reta ipo pe.”

JEREMÍAS 5:15

YandeYa jei ye: “Israel pegua reta, mase, ko aru peve matɨ güi jeta vae, jëia yae jare tëta ñɨma yae vae pegua reta. Mbaetɨ peikuaa iñee reta jare iyemongeta reta vae.

JEREMÍAS 6:22

YandeYa jei: “Ɨvɨtuguasu kotɨgua ɨvɨ güi, oyeapo katu oï ou vaerä metei tëtaguasu imbaepuere yae vae.

JEREMÍAS 9:11

Jerusalén tëtagüerä ayapota, opɨtata aguarayaɨmba reta jëtarä; jare tëta guasu reta Judá pegua opɨtata ipombae, mbaetɨta kia ave oiko pɨpe.”

LAMENTACIONES 5:11

Oyuvanga reta kuña reta re Sión pe, Judá pegua tëta guasu reta rupi oyuvanga kuñatai reta re.

EZEQUIEL 32:30

Joko pe ñogüɨnoi opaete mburuvicha reta ɨvɨtuguasu kotɨgua, jaeramiño vi Sidón pegua reta, oporomongɨɨye yae yepi tëi reve; yogüɨraja ñeraro pe omanogüe vae reta ndive, jae reta ko Tumpa re güɨroviambae reta, ñogüɨnoi vi ñemomarai pe, omanogüe reta ñogüɨnoia pe.

JOEL 2:20

Tuku reta ɨvɨtuguasu kotɨ güi yogüeru vae, opata amondo ñuu kotɨ; jenonde yogüɨraja vae reta opata aitɨ Iguasu Jembochɨ vae pe, jare taɨkue yogüɨreko vae reta íguasu Mediterráneo jee vae pe; jare jetegüe opata juumbi jare iineta. ¡Echa ayapota mɨakañɨ tuichagüe!”

ZACARÍAS 6:6

Käretou kavayu jüu vae reta omoata vae ojo ɨvɨtuguasu kotɨgua reta kotɨ; käretou kavayu tïi vae reta omoata vae ojo kuaraɨ oikea kotɨgua reta kotɨ, jare käretou kavayu ipara vae reta omoata vae ojo arayevɨ kotɨgua reta kotɨ.”