ISAÍAS 9:7 - Biblia Guarani Tumpa Iñee

⁷ Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

ISAÍAS 9:7 ပူးပေါင်းရင်းမြစ်များ

2 SAMUEL 7:16

Neñemuña reta jare ndeporookuaía amomɨ̈rata añono, ndeporookuaía oikota jekuae avei pegua.’ ”

2 REYES 19:31

Echa Jerusalén güi ñogüɨnoeta jembɨregüe reta; ɨvɨtɨ Sión güi oasayepegüe reta. YandeYa imbaepuere yae ete vae, oporoaɨu yae vae jeko pegua oyapota kuae.

SALMOS 2:8

Eiporu cheve tëtaguasu reta ndembaerä, jare che tamee ndeve; jare toiko ndembaerä opaete ɨvɨ iyapɨ rupi.

ISAÍAS 11:1

Ɨvɨraɨpɨ rami vae Isaí güi oëta metei jokɨ, iyɨpɨasɨ güi jeñɨita.

ISAÍAS 16:5

David iñemuña güi metei oguapɨta mburuvicha guasurä mboroaɨu rupi. Jae ko oïta jupi rupi oporojäa vaerä, oyapota jupi vae opaete pe.

ISAÍAS 2:4

Jare oporojäata opaete tëtaguasu reta re, jare ombosɨmbita jeta vae reta jeko. Jare opata oyapo reta ikɨsepuku reta arao itïrä, jare imii reta oyapota tembiporu hozrä. Tëtaguasu reta mbaetɨta ma oñoraro, jare ngaraa ye ma oime yemboe ñeraro peguarä.

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 37:32

echa Jerusalén pe oimeta jembɨregüe reta, ɨvɨtɨ Sión pe oasayepegüe reta. YandeYa Imbaepuere yae ete vae, oporoaɨu yae vae jeko pegua oyapota kuae.

ISAÍAS 40:10

Ko ou yandeYa Tumpa mbaepuere ndive, oñonota opaete vae imbaepuere igüɨ pe. Güeru jupíe tëta imbae vae reta, opa güire opɨ̈ro ye.

ISAÍAS 42:13

YandeYa oëta, metei jëia yae ñeraro regua vae rami, jare oñerarota, ñeraro regua yavaetegüe rami; osapúkai pukaita jare omoamɨrita jovaicho reta.

JEREMÍAS 23:5

YandeYa jei: “Mase, oväeta ara amopüa vaerä David iñemuña güi, metei jupi vae, jae oikota mburuvicha guasurä yarakuaa katu reve, jare jae ikavi yaeta, jare oyapota morojäa jare jupi vae kuae tëtaguasu pe.

DANIEL 2:35

Jayave opa vi ikuruvi jiero, ñaeu oyɨgüe, jiero iyu vae, korepoti jare oro, jare opa okañɨ kuaraɨ guasu pe trigo oyembopiriri vae javiyugüe ave opaetei ɨvɨtu güɨroveve rami, mbaetɨ etei mbae ave opɨta chugüi rami. Ërei jókuae ita ou oa jese vae oyeapo metei ɨvɨtɨ guasurä, opaetei omotɨnɨe ɨvɨ.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

DANIEL 7:27

Mborookuaía, mbaepuere jare yemboetea opaete ɨvɨ pe ñogüɨnoi vae, oñemeeta oñeñono tee Tuichagüe yae ete vae pe vae reta ipo pe. Iporookuaía oikota jekuae avei pegua, opaete ɨvɨ pegua reta oyeokuaita chupe jare yogüɨrekota jae jeia re.’

HAGEO 2:9

Kuae tupao ikavi yaeta oiko kuri, tenonde yave oikose vae güi; jare ameeta mbɨakatu kuae tëta pe, jei yandeYa Imbaepuere yae ete vae.’ ”

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Juan 12:34

Jayave jae reta jei Jesús pe: —Mborookuai pe oyekuatía oï vae omombeu oreve Cristo oikoño mai ko. ¿Mbae pa rere jókuae Kuimbaerä oyeapo vae oupita retata ko vae? ¿Kia pa ko jókuae Kuimbaerä oyeapo vae?

Hebreos 1:8

Ërei Tumpa jei Taɨ re körai: “CheRu Tumpa, ndeguapɨa mborookuaía pegua jae ko opambae jare jekuae avei vae; ndepo pegua popoka mborookuaía pegua, jae ko jupi vae pegua.

Hebreos 7:24

ërei Jesús oimeño mai oiko, jáeramo ipuere oyapo sacerdote iparavɨkɨ jekuae avei rupi.

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.