ISAÍAS 9:3 - Biblia Guarani Tumpa Iñee

³ Rembojeta kuimbae reta jare remoïru yerovia. Oyerovia retata nderóvai, mbaarɨvo iara pe oyerovia reta rami, ani ñeraroa pe opɨ̈rogüe omboyao yave oyerovia reta rami.

ISAÍAS 9:3 ပူးပေါင်းရင်းမြစ်များ

NEHEMÍAS 9:23

Jare iñemuña reta rembojeta yasɨtata jeta yae rami, jare reru ɨvɨ nde reñererökuavee remee iñemuñagüe reta imbaerä vae pe.

JOB 12:23

Jae ombotuicha tëtaguasu reta, jare jae yeño opa omboai, jae opa omoai moai, jare jae yeño opa omboatɨ.

SALMOS 107:38

Jae iporerekua jese reta, omoñemuña jetagüe; jökoraiño vi jɨmba reta.

SALMOS 119:162

Ayerovia nde neñee reño, kia jeta mbae oväe vae rami.

SALMOS 4:7

Nde chemboyerovia yae chugüi reta, jae reta imbaagüɨye jare vino pɨau güɨnoi yave oyerovia vae güi.

ISAÍAS 10:26

Che peYa Imbaepuere yae ete vae ainupata Madián pegua reta ayuka ɨvɨtɨ Oreb pe rami; chembaepuere amboyekuaata Asiria re, Egipto re amboyekuaa rami.

ISAÍAS 12:1

Jókuae ara rupi retairarita körai: “Yasoropai amee ndeve cheYa, echa yepe tëi ndearasɨ chekotɨ, ërei oasa ma ndearasɨ chembopɨakatu ye ma.

ISAÍAS 14:5

YandeYa omboai ipɨapochɨ vae imbaepuere, opɨ̈ro mburuvicha iyoa vae reta ipopoka mborookuai pegua,

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 26:15

CheYa, nde ko rembotuicha tëtaguasu, rembotuicha ko reyemboeteuka vaerä, rembotuicha kuae ɨvɨ jembeɨ.

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

ISAÍAS 35:2

tipotɨ jeta yeyé tumpa-ɨpɨ rami, toyerovia jare tovɨakatu reta. Tumpa omopörata, ɨvɨtɨ Líbano ipöra rami, ipöra yaeta ɨvɨtɨ Carmelo rami jare ɨvɨtɨ päu ipe kavi vae Sarón rami. Opaete vae oechata yandeYa iyemboetea, ñaneTumpa imbaepuere tuicha yae vae.

ISAÍAS 54:1

Imembɨmbae vae, eyerovia; nde mbaetɨi nemembɨ vae, etairari, reyerovia güi, echa yandeYa jei: “Kuña oyeeyagüe, jetata imembɨ, kuña ime ndive oï vae güi.”

ISAÍAS 55:12

Echa peyerovia katu reve kavi peëta, jare mbɨakatu ndive peyerova yeta; ɨvɨtɨ guasu reta jare ɨvɨtɨ reta otairarita perenonde, jare opaete ɨvɨra reta ñana rupigua oyepopeteta.

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 61:7

Echa pe chembae vae reta peiporara yae ko ñemotareɨ jare yeyóyai yóyai reta, jáeramo peɨvɨ pe oyoarambo yeta pekotɨ yemboete, jare peyekou yaeta jekuae avei pegua.

ISAÍAS 65:14

cherembiokuai reta otairarita ipɨa oyerovia reve, ërei pe reta peräseta peyaeo pepɨatɨtɨ yae güi.

ISAÍAS 65:18

Ërei pepɨakatuta jare peyerovia katuta jekuae avei, mbaembae che ayapo pɨau ye vae re; echa, ko che aruta Jerusalén pe yerovia katu, jare pɨpegua reta pe vɨakatu.

ISAÍAS 66:10

“Opaete pe reta peaɨu Jerusalén vae, peyerovia jae ndive; opaete pe reta pepɨatɨtɨ jese vae, pevɨakatu jae ndive;

JEREMÍAS 31:7

YandeYa jei: “Petairari vɨakatu jare yerovia katu pegua tairari Jacob iñemuña reta re, echa jae reta ko tenondegua opaete tëtaguasu reta güi vae. Peenduka pembaemboete, pere: ‘YandeYa oepɨ imbae vae reta, Israel güi jembɨregüe.’

OSEAS 4:7

Jeta yae peñemuña, jökorai vi jeta peyoa, jáeramo che aipoepɨta peyemboetea ñemomarai pe.

LEVÍTICO 26:13

Che ko peYa Tumpa, ɨvɨ Egipto güi perenoe vae, agüɨye vaerä peiko jembiokuai retarä, amondoo peñeapɨtía, jare che pogüɨroata peäka pemopüa reve kavi.

ZACARÍAS 10:8

Chetɨvɨñee pe aenɨita, jare amboatɨ retata, echa che ayora retata. Oñemuña retata jeta tenonde yave rami.

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

ZACARÍAS 8:23

YandeYa Imbaepuere yae ete vae jei körai: Jókuae ara payandepo kuimbae reta ïru tëtaguasu pegua reta oipɨɨ retata metei judío jemimonde, jei reve: ‘¡Torojo perupíe, echa roendu Tumpa oiko pe ndive!’ ”

San Lucas 11:22

Ërei ou yave ïru kuimbae ipɨ̈rata yae chugüi vae jare omoamɨri, jare opɨ̈ro chugüi imboka oyerovia tëi jese vae. Jare opa omboyao chugüi imbaembae.

Hechos 8:8

Jare jókuae tëta guasu pegua reta täta oyerovia reta.

Filipenses 4:4

Peyerovia katu avei yandeYa re. ¡Peyerovia katu avei!

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,

JUECES 5:3

¡Mburuvicha guasu reta, peendu cheve! ¡Mburuvicha reta peyeapɨsaka! ¡Che atairarita yandeYa pe! ¡Che atairarita Israel iTumpa pe!

JUECES 7:22

Jare jókuae tresciento vae reta jeiete omoñee mimbɨguasu. Jare yandeYa omoñerarouka oyoupii aeño opaete teyupa pegua reta. Jare tovaicho reta otekuarai yogüɨraja regua oväe Bet-sita kotɨ, Zerera re katu, Abel-mehola jembeɨ pe, Tabat pe.

JUECES 8:12

Zeba jare Zalmuna opa oë otekuarai, ërei Gedeón oaɨkuemoña jare oipɨɨ jókuae mókoi Madián iñemuña juvicha reta jare isundaro reta opa oñemoai moai.

1 SAMUEL 30:16

Jare güɨraja jókuae imonda vae reta ñogüɨnoia pe; jare jae reta opa etei oñemoai moai ñogüɨnoi jókuae ñuu pe, okaru reta, okau reta, oyapo reta arete opaete jókuae filisteo reta güi jare Judá pegua reta güi oñomigüe re.