ISAÍAS 9:20 - Biblia Guarani Tumpa Iñee

²⁰ Metei ñavo opɨ̈rota iyakatu kotɨ güi, ërei yɨmbɨaɨta opɨta; metei ñavo mbaetɨta oiparareko jëtara, mbaetɨta yangapɨɨ. Metei ñavo opɨ̈rota taɨ ae güi.

ISAÍAS 9:20 ပူးပေါင်းရင်းမြစ်များ

ECLESIASTÉS 4:5

Yarakuaambae, mbaetɨ mbae oipota oyapo, jökorai jaeiño oñemokañɨtei.

ISAÍAS 10:4

Che mbaetɨ yave aï pe ndive, peñemomichiukata tembipɨɨ reta ndive, jare pemanota oyeyukauka vae reta ndive. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 14:30

Paraveteasɨ yae vae reta oyeangarekota, jare mbaetɨ mbaembae güɨnoi vae reta yogüɨreko pɨagüiveta. Ërei, che amboovarurukata ndembae vae reta, mbovɨ yae jembɨre ndeve vae ave ayukata.

ISAÍAS 3:1

¡Mase! YandeYa Imbaepuere yae ete vae opɨ̈rota Jerusalén güi jare Judá güi opaete mbaembae jerúa, opaete tembíu jare ɨ,

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

ISAÍAS 51:19

Kuae mókoi susere ou ndeve: Opa mbae oñepɨ̈ro jare oyemboai ndegüi, karuai jare ñeraro. ¿Kia pa ndepararekota? ¿Kia pa ndembopɨakatuta?

ISAÍAS 8:21

Jeta vae reta oguatata oipota rupi, oiporara reve jare yɨmbɨaɨ reve; jare yɨmbɨaɨ güi pochɨ retata, jare oyangao retata juvicha guasu jare iTumpa, omae reve ara kotɨ,

ISAÍAS 8:22

jare oeka reta tëi yemborɨ kuae ɨvɨ pe yave, jaeño oväe retata mbaeporara jare mbɨatɨtɨ; jare jókuae susere pe opata ɨvɨ oñeñono oyeeya.

JEREMÍAS 13:14

Javoi ayokata tinaa rami, arokuata oyoe, tu reta taɨ reta ndive. Amokañɨteita, mbaetɨta aiparareko amae jese reta. Che ndeYa jae kuae.’ ”

JEREMÍAS 19:9

Ameeukata jou reta taɨ reta jare tayɨ reta ae, jare oyoupii aeño oyou retata, tovaicho reta oiporarauka chupe reta yave, oikëse reta yave tëta guasu.’

LAMENTACIONES 4:10

Kuña reta jupi vae, omboyɨ imembɨ tembiurä; ¡imembɨ reta aeño oyapo reta jembiurä, cherëta guasu iyemboai iara pe!

MIQUEAS 6:14

Pekaruta, ërei ngaraa perɨ̈vɨata, pepɨatɨtɨ aveita peiko; peikota mboriau rupi, pemboatɨ tëita peyeupe, ërei ngaraa jembɨre peve jare pemoembɨregüe che ameeta perovaicho reta omboai vaerä pegüi.

ZACARÍAS 11:9

Jare jae chupe reta: “¡Mbaetɨta ma aiko peangarekoarä! ¡Omanota vae, tomano! ¡Okañɨta vae, tokañɨ! ¡Jembɨregüe, toyou!”

San Marcos 3:24

Metei mborookuaía pegua reta oyovaicho oyoupii yave, oyemboaita ko.