ISAÍAS 9:19 - Biblia Guarani Tumpa Iñee

¹⁹ YandeYa Imbaepuere yae ete vae iyarasɨ rupi ko opa ókai kuae tëta, opata oyeapɨ, kapii opa oyeapɨ rami; kuimbae ngaraa oiparareko jëtara.

ISAÍAS 9:19 ပူးပေါင်းရင်းမြစ်များ

ISAÍAS 1:31

Kuimbae imbaepuere vae mbae javiyugüe ramiñota, jare jembiapo reta tatapiriri ramiñota; mókoi reve voi jendɨta jare mbaetɨta kia ombogüe vaerä.”

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

ISAÍAS 13:13

Echa, ara omokanata, jare ɨvɨ osɨrɨta jenda güi, chearasɨ aitɨta jókuae ara vae jeko pegua, chearasɨ yaeta jókuae ara.

ISAÍAS 13:18

Juvɨ pe oñɨvo retata michia reta, oa ramo vae reta re ngaraa ipïri reta, jaeramiño vi kunumi reta re.

ISAÍAS 13:9

Mase, oväe ma yandeYa iporojäa iara, ara yavaetegüe jare arasɨ yae pegua, oeyata ipombae ɨvɨ, opata omokañɨtei chugüi iyoa vae reta.

ISAÍAS 24:6

Jáeramo, yepopeyu opa omokañɨtei ɨvɨ, jaenunga vi pɨpegua reta. Jáeramo, ɨvɨ pegua reta mbovɨ yae opɨta.

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 3:5

Jare teko mbaetɨta ikavi, metei ñavo oñemopüata jo iyɨpɨ pegua re. Taɨrusu vae reta oñemopüata ndechi reta re, jare paravete vae reta oñemopüata oikokatu vae reta re.

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

ISAÍAS 4:4

YandeYa oporojäata jare oporonupata vae rupi oitɨota Sión pegua kuña reta iyoa, jare oyoeta Jerusalén pe jeta tugüɨ oyepɨyere vae,

ISAÍAS 42:25

Jáeramo ko oitɨ iyarasɨ jese reta ñeraro yavaetegüe rupi, opa oapɨ rami opɨta reta, ërei jeseve mbaetɨ oipota reta oendu.

ISAÍAS 5:24

Jáeramo, tata oapɨ kapii vae rami jare ñana joogüe rami, jökoraita opa pekañɨtei, temitɨ japo opa ichuumbi vae ipotɨ opa osururu vae ramita ko. Echa peröɨro yandeYa Imbaepuere yae ete vae iñee, jare Iyoambae Israel pegua iporookuai.

ISAÍAS 5:30

Jare ou oväe jókuae ara yave, jókuae tëtaguasu jɨaputa ɨguasu rami oporepeña Israel kotɨ; jare kia omae yave Israel re oechata pɨtumimbi oñova amapɨtu pɨtumimbi vae.

ISAÍAS 60:2

Mase, pɨtumimbi oñovata ɨvɨ, jare tëtaguasu reta, ërei nderé omboesapeta yandeYa, nderé oyekuaata iyemboetea.

ISAÍAS 8:22

jare oeka reta tëi yemborɨ kuae ɨvɨ pe yave, jaeño oväe retata mbaeporara jare mbɨatɨtɨ; jare jókuae susere pe opata ɨvɨ oñeñono oyeeya.

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

EZEQUIEL 20:47

ere chupe: ‘YandeYa Tumpa jei körai: Che amoendɨta tata nderé, jókuae tata oapɨta opaete ɨvɨra reta jokɨ vae jare yɨpi vae; ngaraa ogüe jare oapɨta opaete vae jova, ɨvɨtuguasu güive arayevɨ kotɨ.

EZEQUIEL 9:5

Jare ïru kuimbae reta pe jei: “Pekua kuae kuimbae jaɨkue peguata tëta guasu rupi, jare pemboɨpɨ chetupao güive peyuka peipararekombae reve ndechi reta, kunumi reta, kuñatai reta, michia reta jare kuña reta. Ërei agüɨye pepoko oñemokañɨmaa ñogüɨnoi vae reta re.” Jayave jae reta omboɨpɨ oyuka kuimbae ndechi reta güive tupao jóvai ñogüɨnoi vae.

JOEL 2:2

Pɨtumimbi yaeta jókuae ara, oyeasoita jare jüu yaeta jókuae ara. Köe jembipe oyekuaa ou ɨvɨtɨ re vae rami, jökoraita ou metei tëta tuichagüe jare imbaepuere yae vae, jókuae nunga mbaetɨi oyekuaa jare ngaraa ye ma oime kuri.

JOEL 2:3

Tata opaetei oapɨ mbae vae rami ko; opaeteita mbae omboai oeya. Oasa yave, ɨvɨ ikavi vae opaeteita ko omboai oeya ɨvɨ ipombae rami; ¡ngaraa vi oime kia ojoyepe chugüi vae!

LEVÍTICO 26:26

Che ambouta peve karuai guasu, payandepo kuña reta omboyɨta mbɨyape metei horno pe, jare ojäata omee peu vaerä; peuta ërei ngaraa perɨ̈vɨata.

AMÓS 5:18

¡Paravete, jókuae yandeYa iporojäa iara oäro vae reta! ¿Maera pa peipota jókuae ara? Yavaete yaeta ko, mbaetɨta ko ikavi.

ABDÍAS 1:18

Jacob iñemuña reta yogüɨrekota tata rami, José iñemuña reta yogüɨrekota tataendɨ rami. Ërei Esaú iñemuña reta yogüɨrekota mbae javiyugüe rami, jókuae tata omoendɨta opaetei omboai regua. ¡Mbaetɨta metei ave Esaú iñemuña reta oasayepe vae! Echa che peYa ko, jökorai jae.”

MIQUEAS 7:2

Mbaetɨ ma iporoparareko vae ɨvɨ pe; metei ave mbaetɨ jeko sɨmbi vae kuimbae reta ipɨte pe; metei ñavo oäro oporoyuka vaerä; metei ñavo oeka kërai omboeko vaerä japicha.

MIQUEAS 7:6

Echa kunumi omboeteä tu, kuñatai oñemopüa ichɨ kotɨ jare membɨtatɨ imesɨ kotɨ; metei o pegua reta oyovaicho oyokotɨ.

ZACARÍAS 11:6

Jáeramo, ngaraa ye ma aiparareko kuae ɨvɨ pegua reta jei yandeYa: Echa ko che amee kuimbae reta iñeïru ipo pe, jare juvicha guasu ipo pe; omboai retata ɨvɨ, jare che ngaraa aepɨ chugüi reta.”

ZACARÍAS 11:9

Jare jae chupe reta: “¡Mbaetɨta ma aiko peangarekoarä! ¡Omanota vae, tomano! ¡Okañɨta vae, tokañɨ! ¡Jembɨregüe, toyou!”

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

San Mateo 27:45

Jare kuaraɨ ara mbɨte güive mboapɨ ora rupi oyembopɨtumimbi opaete ɨvɨ rupi.

Hechos 2:20

Kuaraɨ oyembopɨtumimbita, jare yasɨ oyeapota tugüɨ rami, ndei cheporojäa iara oväe mbove. Jókuae ara opaete vae ipɨakañɨta ko.

2 Pedro 2:4

Echa Tumpa mbaetɨ iñɨ̈ro araɨgua iyoa vae reta pe. Jae omombo ara güi tata guasu pe. Joko pe oñeapɨti ñogüɨnoi pɨtumimbi pe jare oäro ñogüɨnoi Tumpa ojäa reta vaerä.