ISAÍAS 9:12 - Biblia Guarani Tumpa Iñee

¹² Kuaraɨ oëa kotɨ güi Siriaɨgua reta, kuaraɨ oikea kotɨ güi filisteo reta. Metei jeia pe opa voi omokañɨtei reta Israel. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:12 ပူးပေါင်းရင်းမြစ်များ

2 REYES 16:6

Jókuae ara rupi mburuvicha guasu Edom pegua opɨ̈ro ye tëta guasu Elat, Edom peguarä; jare güɨnoe omombo Elat güi kuimbae reta Judá pegua; jare Edom pegua reta yogüeru Elat pe, joko pe yogüɨreko añave rupi.

2 CRÓNICAS 28:18

Jaeramiño vi filisteo reta opa oñemoai tëta guasu reta ɨvɨpe kavi rupigua rupi jare Neguev ɨvɨ Judá pegua rupi, jare opɨ̈ro reta tëta Bet-semes, Ajalón, Gederot, Soco, Timna jare Gimzo; opaete kuae reta tëta ñavo tëta raɨ raɨ ndive, jare oñemoëta reta jokoropi.

SALMOS 79:7

Echa opa omokañɨtei reta Jacob iñemuña reta, jare jëtaguasu opa omboai reta.

ISAÍAS 10:4

Che mbaetɨ yave aï pe ndive, peñemomichiukata tembipɨɨ reta ndive, jare pemanota oyeyukauka vae reta ndive. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 11:14

Oñemoïru retata oporepeña kuaraɨ oikea kotɨ filisteo reta re, opɨ̈ro retata kuaraɨ oëa kotɨgua güi imbaembae. Edom pegua reta jare Moab pegua reta oyeokuaita chupe reta, Amón pegua reta yogüɨrekota jae reta jeia pe.

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

ISAÍAS 9:17

Jáeramo, yandeYa mbaetɨ ipɨakatu taɨrusu vae reta re, mbaetɨ oiparareko omae tɨ̈reɨ reta re jare imemano vae reta re. Echa opaete vae jupiä jare ikaviä jeko reta, opaete vae jei oipotagüeño. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:21

Manasés opüata Efraín re, Efraín opüata Manasés re; kuae reta mókoi reve oñemopüata ɨvɨ Judá re. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 10:25

Eitɨ ndearasɨ tëtaguasu reta mbaetɨ ndekuaa vae re, tëta reta mbaetɨ ndemboete vae re, echa opa omokañɨtei reta Jacob iñemuña reta, opaetei omboai reta, tëtaguasu opa omboai oeya reta.

JEREMÍAS 15:7

Opa amoai moai nerëta pegua reta kapii rami, opa anoe tëta guasu reta güi; aeya imichiambaeño chembae vae reta, opa amokañɨtei, echa mbaetɨ oipota oeya jeko reta ikavimbae vae.

JEREMÍAS 35:11

Ërei Nabucodonosor mburuvicha guasu Babilonia pegua oporepeña kuae tëtaguasu re yave, royu kuae Jerusalén pe, rotekuarai vaerä sundaro Caldeaɨgua reta jare Siriaɨgua reta güi; jáeramo ko roiko Jerusalén pe.”

JEREMÍAS 4:8

Jáeramo peyemonde temimonde mbɨatɨtɨ pegua pe, peyaeo jare peräse pepɨatɨtɨ güi, echa yandeYa iyarasɨ mbaetɨ osɨrɨ oï yandegüi.”

EZEQUIEL 16:27

Jáeramo, aiporarauka ndeve, apɨ̈ro ndegüi nderembíu, jare romee nemotareɨ vae filisteo reta ipo pe, jae reta güɨnoti ndereko ikavimbae vae.

EZEQUIEL 6:14

Amopüata chepo ikotɨ reta, aiporarauka vaerä chupe reta; opaete kerupi yogüɨrekoa rupi, aeyata ipombae ñuu arayevɨ kotɨ güive Diblat pe ɨvɨtuguasu kotɨ. Jayave oikuaa retata che ko jae iYa vae.”

OSEAS 7:10

Israel pegua reta ipɨapochɨ; jókuae jeko imiarita jese reta. Jeseve, mbaetɨ oyerova jare mbaetɨ chereeka reta.

AMÓS 4:10

“Ambou peve mbaesusere reta yavaetegüe Egipto pe rami; ayukauka petaɨrusu reta kɨsepuku pe, jare perovaicho opa opɨ̈ro pekavayu reta pegüi; peïru reta ñeraro pe omanogüe iine aëtuuka tëi peve, ¡ërei mbaetɨ peyerova ye chekotɨ!” Jei yandeYa.

AMÓS 4:11

“Pomokañɨtei, Sodoma jare Gomorra opa amboai rami; tatasɨgüe tata güi oñerenoegüe rami peasayepe, ¡ërei mbaetɨ peyerova ye chekotɨ!” Jei yandeYa.

AMÓS 4:6

“Che ko mbaetɨ amee peve tembíu opaete perëta guasu ñavo, jare mbaetɨ tembíu opaete perëta ñavo rupi; ¡ërei mbaetɨ peyerova chekotɨ!” Jei yandeYa.

AMÓS 4:8

jare mókoi ani mboapɨ tëta ipo reta yogüɨraja tëi oeka ɨ ïru tëta pe, ërei mbaetɨ jeta oväe reta chupe omboasa vaerä iɨuve, ¡jeseve mbaetɨ peyerova ye chekotɨ!” Jei yandeYa.

AMÓS 4:9

“Ambou peve ɨvɨtuakuvo jare taso, tuku opa jou pegüi peko raɨ reta ipo, jare peuva reta, ɨva reta jare olivo reta, ¡ërei mbaetɨi peyerova ye chekotɨ!” Jei yandeYa.

SOFONÍAS 1:6

Amboaita vi opia chegüi vae reta, jare mbaetɨ chereeka vae, mbaetɨ oyerure cheve vae reta.”

SOFONÍAS 3:2

Mbaetɨ oyeapɨsaka yandeYa iñee re, mbaetɨ oipota oendu omboeta chupe vae, mbaetɨ oyeko yandeYa re, mbaetɨ ou Tumpa kotɨ.

DEUTERONOMIO 31:17

jókuae ara chearasɨta chupe reta, aeya retata, ayerovata chugüi reta jare oiporara yae jeta mbaembae ikavimbae vae jeko pegua jei retata jókuae ara: ‘¿Mbaetɨ ma ndipo ñaneTumpa oï yande ndive, jáeramo yaiporara kuae mbaembae reta?’