ISAÍAS 8:4 - Biblia Guarani Tumpa Iñee

⁴ Echa kuae michia raɨ ndei oikatu ‘papa’ jare ‘mama’ jei mbove: Oñepɨ̈rota Damasco jare Samaria güi imbaembae ikavigüe; mburuvicha guasu Asiria pegua opata opɨ̈ro.”

ISAÍAS 8:4 ပူးပေါင်းရင်းမြစ်များ

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 16:9

Jare mburuvicha guasu Asiria pegua ikɨ̈reɨ omborɨ vaerä; javoi oporepeña tëta Damasco re, omoamɨri jare güɨraja tembipɨɨrä joko pegua reta Kir kotɨ, jare oyuka Rezín.

2 REYES 17:3

Kuae mburuvicha guasu re oporepeña Salmanasar mburuvicha guasu Asiria pegua; jare Oseas opɨta oiko jae jeia re, ombaemboepɨ oiko chupe.

ISAÍAS 17:1

Tëta guasu Damasco maratuta vae regua: Damasco mbaetɨta ma oiko tëta guasurä; jendagüeño yatɨta opɨta.

ISAÍAS 17:3

Efraín mbaetɨta ma güɨnoi tëta guasu oñekëse kavi vae, jökorai vi Damasco; Siria pegua jembɨregüe reta, Israel pegua reta ramiñota vi. Jökorai jei yandeYa Imbaepuere yae ete vae.

ISAÍAS 28:4

Jare jókuae mbaepotɨ ipirugüe pe oñemopöra vae, iɨvɨpe kavi jembeɨ ɨvatea re oï vae, ɨva tenonde ete ia yagüɨye vae ramita, echa kia oecha yave, jae ma voi oekɨ jou vaerä.

ISAÍAS 8:5

Jekuae yandeYa jei ye cheve:

AMÓS 1:3

YandeYa jei körai: “Damascoɨgua reta jeta yae iyoa jeko pegua, mbaetɨta cheɨ̈ro chupe reta; echa tëta Galaad ipo opa oyuka reta tembiporu jiero pegua pe.

AMÓS 1:5

Amopëta Damasco jöke reta oyeokenda tëi ñogüɨnoi pɨpe vae; amboaita tëta ɨvɨtɨ päu Avén pe yogüɨreko vae reta, jare Bet-edén pegua mburuvicha reta; jare tëtaguasu Siria pegua reta opata oyereraja tembipɨɨrä tëta Kir pe.” Jei yandeYa.

JONÁS 4:11

Jare che, ¿aiparareko potaa pa Nínive jókuae tëta guasu tuicha yae vae, joko pe oime oasa ciento veinte mil michia reta mbaetɨ vɨteri oikuaa ikavi vae jare ikavimbae vae jare jeta mɨmba reta?

Romanos 9:11

Ërei ndeiño oa chaguakiri reta. Jare ndeiño oyapo ikavi vae ani ikavimbae vae mbove (kuae ko Tumpa oiparavo jae jemimbota rupi oiko vaerä; mbaetɨ oiparavo jembiapo rupi, jaeño jae jemimbota rupi),

DEUTERONOMIO 1:39

Jare pemichia reta pe, tembipɨɨrä yogüɨrekota pere chupe vae, ndei ave oikuaa ikavi vae ani ikavimbae vae, jae reta oiketa jókuae ɨvɨ pe, chupe reta ameeta ɨvɨ imbaerä.