ISAÍAS 8:19 - Biblia Guarani Tumpa Iñee

¹⁹ Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

ISAÍAS 8:19 ပူးပေါင်းရင်းမြစ်များ

GÉNESIS 41:24

Jare jókuae trigo jäɨ kavimbae vae reta opa jou jókuae chiu trigo jäɨ kavi vae; jare amombeu tëi ma ichoropa vae reta pe, ërei mbaetɨ kia ipuere omombeu chepaɨu regua.”

2 REYES 1:3

Jayave yandeYa iaraɨgua jei Elías Tisbe pegua pe: “Epüa ekua eövaiti mburuvicha guasu Samaria pegua iñee jerajaa reta, jare ere chupe reta: ¿Mbaetɨ pa Israel pe Tumpa, peo vaerä peparandu Baal-zebub tumpa Ecrón pegua pe?

2 REYES 21:6

Oapɨuka vi taɨ reta tumpa-raanga pe, oyemoambeko mbae oecha vaerä mbaekuaa rupi jare oikuaa vaerä mbae maratuta vae re, oñono imbaekuaa vae reta jare maratuta vae imombeúa reta, jökorai ombojeiete ikavimbae yandeYa jesa róvai vae rupi omboarasɨuka.

2 REYES 23:24

Josías opa vi oyuka imbaekuaa vae reta, maratuta vae imombeúa reta, opa vi omboai tumpa-raanga o rupigua reta, ïru tumpa-raanga reta, opaete mbaembae pɨ̈chɨigüe oime Judá pe, jare Jerusalén pe vae. Oyapo ombopo vaerä Sacerdote Hilcías oväe yandeYa jo pe tembikuatía mborookuai oï pɨpe vae pe jei vae.

1 CRÓNICAS 10:13

Jökorai omano Saúl ipɨapochɨ jeko pegua, echa ñäteɨ oyapo yandeYa oyókuai tëi oyapo vaerä vae. Jare yandeYa jei vae mbaetɨ oyapo, jare ojo oparandu maratuta vae imombeúa pe ramo,

2 CRÓNICAS 33:6

Oapɨuka vi taɨ reta ɨvɨtɨ päu Hinom pe; oyemoambeko mbae oikuaa vaerä moroäɨvo rupi, oikuaa vaerä mbaekuaa rupi mbae maratuta vae; jare oparandu maratuta vae imombeúa reta pe jare imbaekuaa vae reta pe. Jökorai jeiete oyapo ikavimbae yandeYa jesa róvai, omboarasɨuka regua.

SALMOS 106:28

Jare oyemboya reta tumpa-raanga Baal-peor re, jou reta mɨmba oyeyukagüe, oikovembae pe oñemee vae.

ISAÍAS 19:3

Amombokereta, arokomeguata iyemongeta chugüi. Jare oparanduta itumpa-raanga reta pe, jare imbaekuaa vae reta pe, omano ma vae jekovegüe reta pe, jare mbae maratuta vae imombeúa reta pe.

ISAÍAS 26:14

Jae reta opa ma ko omano, ngaraa ye ma oikove reta; jendagüe retaño ma ko opɨta; echa reinupa reta ko, remokañɨtei reta ko, opaeteita remoakañɨ chugüi reta vae.

ISAÍAS 29:4

Jayave reñemomichiukata, reyeitɨukata ɨvɨ re, joko güi remoëta neñee; jókuae neñee oyeenduta mbae iñee rami, jäve yaeta oyeendu neñee.

ISAÍAS 30:2

Iyandeko reve yogüɨraja reta Egipto kotɨ, jare mbaetɨ oparandu reta cheve; oeka reta yemborɨ Faraón güi, oyerovia reta Egipto re.

ISAÍAS 45:11

YandeYa, Tumpa Iyoambae Israel pegua, ndeApoa jei körai: “Peparandu cheve mbae oikota vae re. ¿Pe reta peekata pa cheve cheraɨ reta regua, ani chemboeta pa kërai mbaembae ayapo vaerä?

ISAÍAS 47:12

Epɨta jókuae mbɨrae reta ndive, jókuae mbaekuaa reta ndive, ndetaɨrusu güive remomora vae, yaecha ikavi ndeve, yaecha ra ndemborɨ.

ISAÍAS 47:13

Jeta rereko ndemboarakuaa vae reta, reyembogüéraiti pɨpe. ¡Toyogüeru jókuae yasɨtata reta re oyemboe vae reta, yasɨtata rupi mbae omoërakua raanga vae reta, yasɨ ñavo omoërakua mbaembae outa vae reta, toyogüeru jae reta tandereroasayepe!

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 27:9

Ërei ngatu pe reta agüɨye perovia jókuae ñeemombeúa reta jeigüe re, ani maratuta vae imombeúa re, ani mbaɨu re omombeu vae, ani susere re omombeu vae, ani imbaekuaa vae reta oporomboe jei reve, ngaraa peyeokuai mburuvicha guasu Babilonia pegua pe.

LEVÍTICO 19:31

Agüɨye pekua imbaekuaa vae reta kotɨ ani mbae outa vae re omombeu vae reta kotɨ. Agüɨye peyemongɨa pɨpe. Che ko peYa Tumpa.

LEVÍTICO 20:6

Jare kia nunga vae ojo yave imbaekuaa vae reta kotɨ ani mbae maratuta vae oikuaa vae reta kotɨ, che tayovaicho ikotɨ, jare tamokañɨtei jëtara reta ipɨte güi.

MIQUEAS 5:12

jökoraiño vi opata amboai pegüi imbaekuaa vae reta jare ngaraa ma oime pepɨte rupi mbaekuaa rupi mbae oecha vae reta;

Hechos 16:16

Jare metei ara rojo ye yave yerurea pe, orerövaiti metei kuñatai aña imbaepuere rupi mbae maratuta vae re oikuaa vae. Kuae kuñatai iya reta omongana jeta korepoti jese.

DEUTERONOMIO 18:10

Agüɨye pegüi reta kia nunga vae toapɨ imichia tata pe, agüɨye vi kia toyemboe oikuaa vaerä mbaekuaa rupi maratuta kuri vae re, agüɨye perovia moroäɨvo re, ani oekɨ suerte vae ani imbaekuaa vae re,

DEUTERONOMIO 18:11

mɨakañɨ iyapoa, jare agüɨye ave peyembosuerteuka maratuta vae imombeúa pe, ani ichoropa vae pe, jare agüɨye kia toeka tomomiari omanogüe jekove.

1 Tesalonicenses 1:9

Echa jae reta etei omombeu ïru vae reta pe kërai ore rojo perëta pe yave kërai oremboresive vae re, jare kërai peeya tumpa-raanga reta jare peyerova Tumpa kotɨ, peyeokuai vaerä Tumpa oikove vae jare añetete vae kotɨ,

2 Pedro 2:1

Ërei Israel pegua reta ipɨte pe oime arakae ñemombeúa jaanga reta, jökorai oimeta pepɨte pe añetembae oporomboe vae reta, jae reta güɨroiketa mboromboe añetembae ikavimbae yae vae, oikuakuta yandeYa jae reta imboasaa; jae reta aeño güeruta iyeupe reta jarembae Tumpa iyarasɨ.

1 SAMUEL 28:11

Jayave kuña jei: —¿Kia pa reipota aenɨi ndeve? Jare Saúl jei chupe: —Eenɨi cheve Samuel.

1 SAMUEL 28:16

Jayave Samuel jei chupe: —¿Maera pa jayave reparandu cheve, yandeYa ndereeya ma jare oyovaicho ma ndekotɨ reve?

1 SAMUEL 28:7

Jayave Saúl jei iyɨvɨrigua reta pe: —Peeka cheve metei kuña güɨnoi mbaepuere oenɨi vaerä omanogüe jekove vae, che aja vaerä ípɨri jare jókuae kuña rupi aparandu vaerä. Jare iyɨvɨrigua reta jei chupe: —Endor pe oime metei kuña güɨnoi mbaepuere oenɨi vaerä omanogüe jekove vae.

1 SAMUEL 28:8

Jare Saúl oyemonde ambuaeyee, jare ojo mókoi kuimbae ndive pɨ̈tu yave jókuae kuña oïa pe, jare jei chupe: —Romoñera reenɨi vaerä cheve omanogüe vae reta jekove, jare tou jókuae che amombeuta ndeve vae.