ISAÍAS 8:18 - Biblia Guarani Tumpa Iñee

¹⁸ Mase, che jare kuae chemichia reta yandeYa omee cheve vae, roï ko metei yembojaangarä tëta Israel peguarä, yandeYa Imbaepuere yae ete vae kuae ɨvɨtɨ Sión pe oiko vae ko oreñono chupe reta.

ISAÍAS 8:18 ပူးပေါင်းရင်းမြစ်များ

GÉNESIS 33:5

Jaɨkue rupi Esaú omopüa iñäka, omae, oecha kuña reta jare michia reta, yave oparandu: —¿Kia pa kuae reta? Jacob jei chupe: —Jae ko michia reta Tumpa omee che nderembiokuai pe vae.

1 CRÓNICAS 23:25

Echa David yepe jei: “YandeYa Israel iTumpa omee oiko pɨagüive vaerä tëta imbae vae jare ombojee Jerusalén pɨpe oiko vaerä jekuae avei pegua.

SALMOS 22:30

Taɨkuegua reta oyeokuaita chupe, jae reta imiarita yandeYa re taɨkuegua ñemuña reta pe.

SALMOS 71:7

Mɨakañɨrä aiko jeta vae reta pe, ërei nde ko jae cheñepɨ̈roa jëguambae.

SALMOS 9:11

Sión pegua reta, petairari yandeYa pe; pemoërakua tëta reta pe jembiapo re.

SALMOS 9:12

Echa Tumpa mbaetɨ iñakañɨ oporoyuka vae reta güi, mbaetɨ iñakañɨ oiporara vae reta isapúkai güi.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 14:32

¿Mbae pa yaeta jokotɨ güi ñee jerúa reta pe? Echa kërai, yandeYa omomɨ̈rata ma Sión, jare jae imbae vae reta matɨ rupi oiporara yogüɨreko vae reta yogüeru yeta joko pe.

ISAÍAS 20:3

Jare yandeYa jei: “Kuae mboapɨ año cherembiokuai Isaías oiko inandi jare ipɨgüɨrai vae, omoërakua ko mbae Egipto jare Etiopía kotɨ.

ISAÍAS 24:23

Jare yandeYa Imbaepuere yae ete vae oguapɨ mburuvicha guasurä ɨvɨtɨ Sión re, Jerusalén pe yave, yasɨ jare kuaraɨ ngaraa ma oesape, jare tëta imbae pegua tenondegua reta oecha iyemboetea.

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

ISAÍAS 7:16

Echa michia raɨ ndei oikuaa güɨröɨro ikavimbae vae jare oiparavo ikavi vae mbove, mókoi mburuvicha guasu reta rekɨɨye chugüi vae reta iɨvɨ oyeeyata ipombae.

ISAÍAS 7:3

Jayave yandeYa jei Isaías pe: “Ekua, nde jare nderaɨ Sear-jasub ndive peövaiti mburuvicha guasu Acaz, sekia ɨrɨru tuicha vae kotɨ ojo vae iyapɨ kotɨ, tape ojo Mbaeputuka renda kotɨ vae pe,

ISAÍAS 8:3

Aroke cherembireko, jare ipurúa, jare oa imembɨ. Jayave yandeYa jei cheve: “Embojee Maher-salal-hasbaz pe.

JEREMÍAS 44:29

Che, peYa amee peve kuae kañɨmaa, peikuaa vaerä oyembopota ko jae vae, jare aiporaraukata peve kuae ɨvɨ pe vae:

EZEQUIEL 12:6

Jare jäve jäve ma yave, evoɨ ndevoɨta jare eë jeseve opaete vae jovake. Eñova nderova, agüɨye vaerä reecha kuae ɨvɨ. Echa roñono ko rembojaanga vaerä Israel iñemuña reta pe.”

EZEQUIEL 14:8

Ayovaichota jókuae kuimbae ndive, jare aiporaraukata chupe jërakua vaerä, ñeerä oiko vaerä; amombota chembae vae reta ipɨte güi. Jayave pe reta chekuaata che ko jae peYa vae.

EZEQUIEL 4:3

Eipɨɨ metei jiero ipe vae, jare eñono tëta guasu ikësea jekovia pe, nde jare tëta guasu ndive toï peve mbɨte pe, javoi eñeñono tëta guasu re reñemopüa rami. Kuae ko jae oyembojaanga vaerä Israel iñemuña reta pe.

ZACARÍAS 3:8

Eendu añave, sacerdote tenondegua Josué, nde jare ndevɨa-ïru reta oguapɨ nderóvai vae, echa pe reta ko jae yembojaangaa. Mase, ko che aru cherembiokuai jokɨ pɨau vae.

ZACARÍAS 8:3

Che ayapo kavi ye Sión, jare aikota Jerusalén pe; Jerusalén jeeta Tëta guasu Jupi vae, jare che peYa Imbaepuere yae ete vae iɨvɨtɨ jeeta, Ɨvɨtɨ Ikɨambae.

San Lucas 2:18

Jare opaete oendu vae reta ipɨakañɨ vecha iyangarekoa reta omombeu chupe reta vae re.

San Lucas 2:34

Jare Simeón jei ñee kavi jese reta. Jayave jei ichɨ María pe: —Mase, kuae nemembɨ oïta jeta Israel pegua reta ogüɨapi vaerä jare opüa vaerä. Jare jeta vae reta güɨröɨrota.

DEUTERONOMIO 28:46

Opaete kuae mbaembae reta outa peve jare neñemuña reta re jekuae avei rupi, jare oporombopɨakañɨta,

Hebreos 10:33

ïru vae reta pereröɨro, echa jei reta ikavimbae vae peve jare oyapo reta ikavimbae vae peve, opaete vae reta jovake. Jaeramiño vi peñemoïru pekɨ̈reɨ ngatu reve pe rami oiporara vae reta ndive.

Hebreos 12:22

Ërei pe reta peya ma ɨvɨtɨ guasu Sión re, Tumpa oikove vae jëta guasu re. Jae ko Jerusalén ara pegua, araɨgua reta jeta yae ñogüɨnoia re,