ISAÍAS 8:1 - Biblia Guarani Tumpa Iñee

¹ YandeYa jei cheve: “Eipɨɨ metei ɨvɨra oñeopagüe, tuicha vae jare emboyekuaa kavi eikuatía eñono jese Maher-salal-hasbaz.

ISAÍAS 8:1 ပူးပေါင်းရင်းမြစ်များ

ISAÍAS 30:8

Jayave eikuatía añave, kuae mbaembae oasata vae metei ɨvɨra oyemboipegüe re, eikuatía eñono metei tembikuatía pe, kuri peguarä, oporomomaendúa avei vaerä, jekuae avei rupi.

ISAÍAS 8:16

Peñovatu kavi kuae ñee; agüɨye tokañɨ cheporookuai reta jare cheporomboe reta, cheremimboe reta agüɨye tomokañɨ cheporomboe.

ISAÍAS 8:3

Aroke cherembireko, jare ipurúa, jare oa imembɨ. Jayave yandeYa jei cheve: “Embojee Maher-salal-hasbaz pe.

JEREMÍAS 30:2

“Che, Israel iTumpa jae: Eikuatía metei tembikuatía pe opaete jae ndeve vae,

JEREMÍAS 36:2

“Eipɨɨ metei tupapire oyepomombɨ vae, jare eikuatía jese opaete che jae ndeve Israel jare Judá regua vae, jare ïru tëtaguasu reta regua, mburuvicha guasu Josías oiko yave güive amboɨpɨ chemiari ndeve añave regua vae.

JEREMÍAS 36:28

“Eipɨɨ ye ïru tupapire oyepomombɨ vae, jare eikuatía pɨpe opaete ñee reta, tenondegua pe oyekuatía tëi vae, Joacim mburuvicha guasu Judá pegua opa oapɨ vae.

JEREMÍAS 36:32

Jayave Jeremías oipɨɨ ïru tupapire oyepomombɨ vae jare omee ombaekuatía vae Baruc, Nerías taɨ pe; jae oikuatía opaete Jeremías iñee reta jókuae tupapire pe, jókuae mburuvicha guasu Joacim opa oapɨ vae pe oï vae. Jeremías omboyoapɨ ye jeta ïru ñee reta tenonde oyekuatía tëi vae güi.

Apocalipsis 13:18

Kuae pe oime arakuaa. Oime arakuaa güɨnoi vae toipapa mbaemɨmba guasu inúmero, echa kuimbae inúmero ko. Jókuae número ko jae seisciento sesenta y seis.

Apocalipsis 21:17

Jare araɨgua ojäa tëta guasu ikësea, ɨvategüe güɨnoi sesenta y cinco metro. Kuimbae reta omaejäa rami, jökorai araɨgua omaejäa.