ISAÍAS 7:6 - Biblia Guarani Tumpa Iñee

⁶ Yaike Judá pe, jare yamongɨɨye; opa ñapɨ̈ro, jare ñañono joko pe mburuvicha guasurä Tabeel taɨ.

ISAÍAS 7:6 ပူးပေါင်းရင်းမြစ်များ

1 REYES 12:16

Jare opaete tëta pegua reta oecha mburuvicha guasu mbaetɨ oendu chupe reta yave, jei reta chupe kuae ñee: “¡Mbaetɨ etei ko mbae rogüɨnoi David re! ¡Mbaetɨ etei ko rogüɨnoi mbae ave Isaí taɨ re! ¡Israel iñemuña reta, pekua pero ae ae kotɨ! ¡David iñemuña reta, toyangareko iyé aeño!” Jayave Israel iñemuña reta ñavo yogüɨraja jo ae ae kotɨ.

2 REYES 11:2

Ërei Josaba, mburuvicha guasu Joram tayɨ, Ocozías jeindɨ, oipɨɨ Joás, Ocozías taɨ jare güɨnoe mburuvicha guasu taɨ reta Atalía oyuka güɨnoi vae ipɨte güi, jare oñomi iyangarekoa ndive Atalía güi metei o pe. Jökorai mbaetɨ oyuka reta.

2 CRÓNICAS 13:8

Añave pe reta peipota peñemopüa yandeYa iporookuaía David taɨ reta ipo pe oï vae re, echa pe reta jeta peï jare penoi toro taɨrusu vae iä oro pegua Jeroboam oyapo itumparä vae.

2 CRÓNICAS 21:7

Ërei yandeYa mbaetɨ oipota opa omboai David iñemuña reta, echa oyapo morogüɨrökuavee päve David ndive jare iñemuña reta ndive yogüɨreko avei vaerä tembipe rami.

2 CRÓNICAS 28:5

Jáeramo iYa Tumpa omee Siriaɨgua reta juvicha guasu ipo pe, jare kuae reta omoamɨri jare oipɨɨ reta jeta tembipɨɨrä güɨraja Damasco kotɨ. YandeYa omee vi mburuvicha guasu Israel pegua ipo pe, körai ñamɨriasɨ yae opɨta.

SALMOS 21:11

Echa oipota tëi oyapo reta ikavimbae vae ndeve, oyomboemboe reta, ërei ngaraa ipuere reta.

SALMOS 83:3

Oyapo vɨari reta yemongeta ikavimbae tëta ndembae kotɨ, ¡oyemongeta kaviä nderembiangareko reta kotɨ!

PROVERBIOS 19:21

Kuimbae ipɨa pe jeta iyemongeta, ërei yandeYa jei vaeño ko oyeapota.

ISAÍAS 7:1

Acaz, Jotam taɨ, Uzías jɨmɨmino oiko mburuvicha guasurä Judá pe yave, Rezín mburuvicha guasu Siria pegua jare Peka mburuvicha guasu Israel pegua, jae ko Remalías taɨ, yogüeru oporepeña Jerusalén re, ërei mbaetɨ ipuere reta opɨ̈ro.

ISAÍAS 7:5

Siriaɨgua reta, tëtaguasu Efraín pegua Remalías taɨ ndive oyemongeta reta oyapo vaerä ikavimbae ndeve. Jei reta körai:

ISAÍAS 7:7

Ërei yandeYa jei: ¡Jókuae, ngaraai ko jökorai oasa!

ISAÍAS 8:6

“Kuae tëta güɨröɨro ma ɨ Siloé pegua, jókuae ɨ mbegüe kavi oguata vae, echa oyerovia reta ramo Rezín re jare Remalías taɨ re,