ISAÍAS 7:4 - Biblia Guarani Tumpa Iñee

⁴ jare ere chupe: ‘Eyeandu, jare eyembopɨaguasu; agüɨye ekɨɨye jare agüɨye eyembopɨtu, jókuae mókoi tatasɨgüe jätati ñogüɨnoi vae güi, Rezín mburuvicha guasu Siria pegua güi jare Peka, Remalías taɨ mburuvicha guasu Israel pegua pochɨ ñogüɨnoi vae güi.

ISAÍAS 7:4 ပူးပေါင်းရင်းမြစ်များ

2 REYES 15:27

Azarías cincuenta y dos año ma oiko mburuvicha guasurä Judá pe yave, Peka, Remalías taɨ omboɨpɨ oï mburuvicha guasurä ɨvɨ Israel re; veinte año oiko mburuvicha guasurä Samaria pe.

2 CRÓNICAS 20:17

Mbaetɨta ko pe reta peñeraro. Peyemboɨ kïrii, jare peechata kërai yandeYa pereepɨ. ¡Judá pegua reta jare Jerusalén pegua reta, agüɨye pekɨɨye, agüɨye peyembopɨtu; peporepeña pɨareve jese reta, echa yandeYa oïta pe reta ndive!’ ”

ISAÍAS 10:24

Jáeramo, yandeYa Imbaepuere yae ete vae jei: “Tëta chembae vae, Sión pe peiko vae, agüɨye pekɨɨye Asiriaɨgua reta güi, yepe tëi oiporu peré ipopoka ɨvɨra pegua, Egiptoɨgua reta oiporu peré rami.

ISAÍAS 30:15

YandeYa Tumpa, Iyoambae Israel pegua jei: “Pepɨagüiveño, agüɨye peyembokepegua, jare peasayepeta ko, echa jayave ko oime mɨ̈rata.” Ërei pe reta mbaetɨ peipota,

ISAÍAS 30:7

echa Egipto iporomborɨ mbaetɨ osirive. Jáeramo ko körai ambojee: “Mbaeporou iñeeäta tëi vae, ërei mbaetɨ mbae oyapo vae.”

ISAÍAS 35:4

Pere okɨɨye vae reta pe: “¡Peñemoäta ngatu, agüɨye pekɨɨye! ¡Mase, ko oï peTumpa pereepɨ vaerä, oiporaraukata tovaicho reta pe, jeko reta oï rupi; Tumpa etei outa pereepɨ vaerä!”

ISAÍAS 37:6

Jare Isaías omombeu chupe reta, jei reta vaerä körai mburuvicha guasu pe: “YandeYa jei körai: ‘Agüɨye ekɨɨye jókuae ñee reta ikavimbae jei chekotɨ, mburuvicha guasu Asiria pegua jembiokuai reta vae güi.

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 7:1

Acaz, Jotam taɨ, Uzías jɨmɨmino oiko mburuvicha guasurä Judá pe yave, Rezín mburuvicha guasu Siria pegua jare Peka mburuvicha guasu Israel pegua, jae ko Remalías taɨ, yogüeru oporepeña Jerusalén re, ërei mbaetɨ ipuere reta opɨ̈ro.

ISAÍAS 7:8

Tëta Damasco, jae ko kuae tëta guasu güi mburuvicha reta oporookuai vae, tëtaguasu Siria re. Jare mburuvicha guasu Rezín ko oï tëta guasu Damasco pe. Ërei sesenta y cinco año pe tëtaguasu Efraín mbaetɨta ma oiko.

ISAÍAS 7:9

Tëta Samaria, jae ko kuae tëta güi mburuvicha reta oporookuai vae, tëtaguasu Efraín re, jare Remalías taɨ ko oï mburuvicha guasurä tëta Samaria pe. Pe reta mbaetɨ peporogüɨrovia avei yave, mbaetɨta vi peiko jekuae avei.’ ”

ISAÍAS 8:4

Echa kuae michia raɨ ndei oikatu ‘papa’ jare ‘mama’ jei mbove: Oñepɨ̈rota Damasco jare Samaria güi imbaembae ikavigüe; mburuvicha guasu Asiria pegua opata opɨ̈ro.”

ISAÍAS 8:6

“Kuae tëta güɨröɨro ma ɨ Siloé pegua, jókuae ɨ mbegüe kavi oguata vae, echa oyerovia reta ramo Rezín re jare Remalías taɨ re,

LAMENTACIONES 3:26

Ikavi ko kïriiño ñaäro yandeYa iporogüɨroasayepe.

AMÓS 4:11

“Pomokañɨtei, Sodoma jare Gomorra opa amboai rami; tatasɨgüe tata güi oñerenoegüe rami peasayepe, ¡ërei mbaetɨ peyerova ye chekotɨ!” Jei yandeYa.

HABACUC 2:3

Ndei vɨteri oväe oyembopo vaerä kuae oyekuaa vae; ërei ngaraa oasa oyembopombae. Nde eäro, yepe tëi ara oväe raiviä, echa ouño täi ko iara pe.

ZACARÍAS 3:2

Jare yandeYa jei Satanás pe: “¡YandeYa toñeengata ndeve Satanás! ¡YandeYa oaɨu Jerusalén vae toñeengata ndeve! Echa jae ko tatasɨgüe tata güi oñerenoegüe rami.”

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

San Mateo 24:6

Peenduta jërakua ñeraro reta. Ërei agüɨye pekɨɨye. Kuae susere reta oyeapo ñotai ko. Ërei ngatu ndei vɨteri ko oväe kañɨtei

DEUTERONOMIO 20:3

körai: ‘Peyeapɨsaka Israel iñemuña reta, jaema peñorarota perovaicho reta ndive. Agüɨye peyembopɨtu, agüɨye pekɨɨye, agüɨye vi perɨrɨi ani perembiurai,

1 SAMUEL 17:32

Jare David jei Saúl pe: —Agüɨye metei ave ipɨa toyembopɨtu jókuae kuimbae jeko pegua; che taja tañoraro jókuae filisteo ndive.