ISAÍAS 7:20 - Biblia Guarani Tumpa Iñee

²⁰ Jókuae ara rupi yandeYa oiporuta mburuvicha guasu Asiria pegua, metei kɨse raɨ jaimbe yae vae rami, matɨ ɨ̈aka Éufrates jovaicho kotɨ güi; pɨpe oñapita Israel iñemuña reta ia, itɨmaka-raa jare jendɨvaa.

ISAÍAS 7:20 ပူးပေါင်းရင်းမြစ်များ

ISAÍAS 1:5

¿Maera pa jekuaeñoi peipota peiporara? ¿Jekuaeñota pa peyembopɨapochɨ? Opaetei peäka imbaerasɨ oï, jare opaetei pepɨa pe peiporara peï.

ISAÍAS 10:15

¿Ipuere pa yɨɨ oyererovia katu, pɨpe ombaeasɨa oï vae güi?, ani ¿siera oyererovia katu imomɨia güi? Popoka ɨvɨra peguaño vae, ¿ipuere pa jae oupi iya?

ISAÍAS 11:15

YandeYa oipeata tape chupe reta Epigto pegua ɨguasu rupi, omopüata iyɨva ɨ̈aka Éufrates re, chiu pe opata omboyao jókuae ɨ̈aka, jare ipuereta oasa reta ipɨapaa omboimbae reve.

ISAÍAS 36:1

Ezequías, catorce año ma oiko mburuvicha guasurä Judá pe yave, Senaquerib mburuvicha guasu Asiria pegua ou oporepeña opaete Judá pegua tëta guasu reta oñekëse kavi vae re, jare opa opɨ̈ro.

ISAÍAS 8:7

jáeramo, yandeYa güeruta jese reta ɨ tuicha jare ipɨ̈rata yae vae, (kuae jae ko mburuvicha guasu Asiria pegua, opaete imbaepuere ndive). Jókuae ɨ tɨnɨe yaeta ɨ̈aka, jare oyepɨyereta opaete jembeɨ rupi,

ISAÍAS 9:13

Ërei kuae tëta mbaetɨ oyerova inupaa kotɨ; mbaetɨ oeka reta yandeYa Imbaepuere yae ete vae.

JEREMÍAS 2:18

Añave, ¿mbae pa reväe reo Egipto kotɨ, reɨu ɨ̈aka Nilo pegua pe vae rupi? ¿Mbae pa reväe reo Asiria kotɨ, reɨu ɨ̈aka Éufrates pegua pe vae rupi?

EZEQUIEL 29:18

“Nde kuimbae, Nabucodonosor mburuvicha guasu Babilonia pegua, täta omombaravɨkɨ isundaro reta opɨ̈ro vaerä Tiro, opa iyatiɨ oyepiro reta, jare ia oyeavoo chugüi reta, ërei jae ave ani isundaro reta ave mbaetɨ mbae oekɨ iyeupeguarä.

EZEQUIEL 29:20

Jeta oparavɨkɨ Tiro re jeko pegua, amee chupe kuae ɨvɨ Egipto, echa cheve ko oparavɨkɨ. Che Tumpa jae kuae.