ISAÍAS 66:4 - Biblia Guarani Tumpa Iñee

⁴ Jayave, che aiparavota vi tembiporara chupe reta, aruta chupe reta, jae reta okɨɨye yae chugüi vae. Echa aporoenɨi tëi yave mbaetɨ kia omboyevɨ cheve, cheñee amoë tëi yave, mbaetɨ kia oendu cheve; ikavimbae oyapo reta cheróvai, oiparavo reta iyeupe, mbaetɨ etei ipöra cheve vae.”

ISAÍAS 66:4 ပူးပေါင်းရင်းမြစ်များ

2 REYES 21:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami.

2 REYES 21:6

Oapɨuka vi taɨ reta tumpa-raanga pe, oyemoambeko mbae oecha vaerä mbaekuaa rupi jare oikuaa vaerä mbae maratuta vae re, oñono imbaekuaa vae reta jare maratuta vae imombeúa reta, jökorai ombojeiete ikavimbae yandeYa jesa róvai vae rupi omboarasɨuka.

SALMOS 81:12

Jáeramo amaeño oyapo reta ipɨa jemimbota, yogüɨreko reta iyemongeta ae rupi.

PROVERBIOS 1:24

Che poenɨi tëi, ërei mbaetɨ peipota peendu, aparea tëi peve, ërei mbaetɨ peyu.

PROVERBIOS 10:24

Iyoa vae okɨɨye yae chugüi vae etei outa chupe, ërei jupi vae pe oyembopo ipɨa jemimbota.

ISAÍAS 50:2

¿Maera pa ayu yave, mbaetɨ etei kia aväe chupe? ¿Maera pa aporoenɨi tëi yave, mbaetɨ kia ave omoë iñee? Jae reta iyemongeta pe, mbaetɨ potaecha ndipo aepɨ reta, mbaetɨ potaecha ndipo chepuere ayora reta iyeupe. Cheñee peño ko opa amondɨpa ɨguasu jare ɨ̈aka reta opa amotini; jevae ɨ rupigua reta opa omano ɨ oata jeko pegua.

ISAÍAS 59:15

Añete vae mbaetɨ etei ma, ikavimbae güi oyembosɨrɨ tëi vae, oñeñono tembipɨɨrɨru pe. Nde oreYa pe mbaetɨ ikavi jókuae, reecha yave mbaetɨ etei jupi vae.

ISAÍAS 59:7

Pesɨi katu ikavimbae kotɨ, peo vaerä peyuka jekombae vae jarembae pegua, peyemongeta reta ikavimbae reño, peiko peporomokañɨtei vaeräño.

ISAÍAS 65:12

che pomeeta pemano ñeraro pe, opaete pe reta peyetavatɨkata peäka oyeasɨa vaerä. Echa poenɨi tëi, ërei mbaetɨ pemboyevɨ cheve; pomomiari tëi, ërei mbaetɨ peendu cheve; peyapo ikavimbae cheróvai, peiparavo peyeupe, mbaetɨ etei ipöra cheve vae.”

ISAÍAS 65:2

Ara ñavo arökuavee tëi chepo tëta ipɨapochɨ vae pe, jókuae tëta oguata tape ikavimbae rupi, ipɨa jemimbota rupiño.

ISAÍAS 65:3

Tëta chemboarasɨ avei ara ñavo vae; kó raɨ rupi omee reta mɨmba oyeyukagüe tumpa-raanga pe, ladrillo re oapɨ reta ikäti kavi vae incienso;

ISAÍAS 65:7

iyoa reta ae re jare iñemuña reta iyoa re. Jae reta oapɨ yepi ikäti kavi vae incienso, ɨvɨtɨ guasu re, jare ɨvɨtɨ re oyapo reta yepi chekotɨ ikavimbae. Jáeramo, che ajäata chupe reta iyoa jepɨ, aiporaraukata chupe reta.” Jei yandeYa.

JEREMÍAS 35:17

Jáeramo che, peYa Imbaepuere yae ete vae Israel iTumpa, jae: Aruta Judá re jare Jerusalén pegua reta re, susere yavaetegüe amoërakua chupe reta vae; echa pe reta mbaetɨ peyapo che jae vae: ‘Poenɨi tëi, jare mbaetɨ pemboyevɨ cheve ñee.’ ”

JEREMÍAS 7:13

Añave che peYa jae: Opaete kuaekuae reta peyapo jeko pegua; pomomiari tëi iyɨpɨ güive chekueraimbae reve, ërei mbaetɨ peendu; poenɨi tëi, ërei mbaetɨ pemboyevɨ cheve ñee.

JEREMÍAS 7:30

YandeYa jei: “Judá pegua reta oyapo ikavimbae cheróvai; oñono reta itumpa-raanga aröɨro yae vae chero pe, jökorai chero omongɨa reta.

EZEQUIEL 11:8

Pe reta pekɨɨye ñeraro güi. Ërei ambouta ñeraro peve reta. Che peYa ko jae kuae.

EZEQUIEL 14:4

Nemiari jae reta ndive, ere chupe reta: ‘Körai jei yandeYa Tumpa: Opaete Israel iñemuña reta oñono ipɨa pe tumpa-raanga reta omboete vaeräño vae, jare omae reta jókuae mbaeyoa oyapouka chupe reta vae kotɨño, jare ou oparandu ñeemombeúa pe vae, che peYa jaeta jókuae ou vae pe, jeta itumpa-raanga güɨnoi rupi.’

EZEQUIEL 20:25

Jáeramo amee vi chupe reta mborookuai mbaetɨ ikavi vae, jare yavai yaeta jókuae rupi yogüɨreko vaerä vae.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

1 SAMUEL 8:19

Ërei opaete vae mbaetɨ oipota oendu Samuel iñee, jei reta: —Roipotañoi rogüɨnoi oreruvicha guasurä,