ISAÍAS 66:3 - Biblia Guarani Tumpa Iñee

³ Toro oyuka omee cheve vae, kuimbae oyuka ramiño ko; vecha oyuka omee cheve vae, yaɨmba oñaseokɨ̈ti vae ramiño ko; mbota temitɨ jäɨgüe omee cheve vae, kuchi jugüɨgüe omee vae ramiño ko; mbota mbae ikäti kavi vae incienso omee cheve vae, tumpa-raanga reta omboete vae ramiño ko. Echa kuae mbaembae iyapoa reta, jae reta aeño, oiparavo yogüɨreko vaerä ikavimbae rupi, ipɨa oaɨu yae kuae mbaembae ikavimbae vae.

ISAÍAS 66:3 ပူးပေါင်းရင်းမြစ်များ

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 21:27

Ikaviä yae ko iyoa vae reta omee mɨmba oyeyukagüe vae, echa omee reta iyemongeta ikavimbae reve.

ISAÍAS 44:19

Mbaetɨ oyemongeta reta, oata arakuaa chupe reta jei vaerä: “¡Kuae amboete aï vae, ɨvɨraño ko! Echa, kuae ɨvɨra jaɨgüe pe ayatapɨ, itätapɨigüe re amboyɨ mbɨyape jare soo jau vaerä; jare jókuae ɨvɨra jembɨregüe güi ayapo kuae mbae ikavimbae yae vae.”

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

ISAÍAS 57:17

Israel iñemuña reta iyoa jeko pegua chearasɨ, aiporarauka chupe jare ayerova chugüi reta; ërei jeiete oyembopɨapochɨ reta, jare oyapo reta ipɨa jemimbota.

ISAÍAS 65:12

che pomeeta pemano ñeraro pe, opaete pe reta peyetavatɨkata peäka oyeasɨa vaerä. Echa poenɨi tëi, ërei mbaetɨ pemboyevɨ cheve; pomomiari tëi, ërei mbaetɨ peendu cheve; peyapo ikavimbae cheróvai, peiparavo peyeupe, mbaetɨ etei ipöra cheve vae.”

ISAÍAS 65:2

Ara ñavo arökuavee tëi chepo tëta ipɨapochɨ vae pe, jókuae tëta oguata tape ikavimbae rupi, ipɨa jemimbota rupiño.

ISAÍAS 66:17

YandeYa jei: “Ko raɨ rupi, oyoaɨkue yoaɨkue oñeñono tee jare oyetɨo, omboete vaerä itumpa-raanga reta vae; kuchi jare anguya isoo jou vae reta, jare ïru soo oyeumbae vae jou vae reta, opata amokañɨtei ete voi.” Jei yandeYa.

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

LEVÍTICO 2:2

Jare togüɨraja sacerdote reta pe, Aarón taɨ reta pe; jare trigokúi ipɨuasɨ vae güi sacerdote toekɨ metei poagua, jare olivo iasaite güi opaete ikäti kavi vae incienso ndive, jare toapɨ mɨmba oyeyuka oyeapɨ jese vae re jókuae mbota reta oñemee vae jekovia peguarä vae, mbota oyeapɨ vae ko, ipiche katu vae ko cheveguarä.

HAGEO 2:14

Jayave Hageo jei: “YandeYa jei: ‘Jökorai ko kuae tëta jare kuae kuimbae reta cheróvai; körai etei vi jembiapo reta jare opaete kuae pe güɨrökuavee reta vae ikɨa ko.

DEUTERONOMIO 14:8

Kuchi, echa ipɨ̈sa jakambɨ ërei mbaetɨ jembíu omboyevɨ. Peumbae vaerä pereko. Agüɨye peu isoo, jëogüegüe re ave agüɨye pepoko.

DEUTERONOMIO 23:18

Agüɨye iyaguasa pota vae jepɨgüe ani kuimbae japicha ndive oasa vae jepɨgüe peru yandeYa Tumpa jo pe, echa jókuae nunga pɨ̈chɨi yae ko yandeYa Tumpa pe.

JUECES 10:14

¡Pekua, jare peiporu yemborɨ jókuae tumpa reta peiparavo peyeupe vae pe! ¡Jae reta tapereroasayepe peiporara peï yave!”

JUECES 21:25

Jókuae ara rupi mbaetɨ vɨteri mburuvicha guasu Israel pe, jare metei vae ñavo oyapo ipɨa jemimbota.

JUECES 5:8

Oiparavo reta iyeupe ipɨau tumpa-raanga reta yave, oime avei ñeraro tëta guasu pe. Mbaetɨ oyekuaa yeopiaka ani mii yepe cuarenta mil Israel ñemuña reta ipɨte pe.