ISAÍAS 66:22 - Biblia Guarani Tumpa Iñee

²² YandeYa jei vi: “Echa ara ipɨau vae, jare ɨvɨ ipɨau vae che ayapota vae, ñogüɨnoi aveita cheresa róvai rami, jökoraita ko oime avei peñemuña reta jare peree.

ISAÍAS 66:22 ပူးပေါင်းရင်းမြစ်များ

ISAÍAS 48:19

Peñemuña reta jeta yaeta tëi ko, ɨvɨkuitï jeta yae vae yaipapa rapembae ramita tëi ko, ngaraai ko opa tëi amboai, ngaraai ko ambosɨrɨ tëi cheróvai güi.’

ISAÍAS 51:16

Ndeyuru pe añono cheñee reta, roñovatu chepo iä pe, che, ara iyapoa, jare ɨvɨ amboguapɨ iguapɨka re vae jare Sión pe jae vae: ‘Chembae vae ko nde.’ ”

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

ISAÍAS 56:5

yepe tëi mbaetɨ taɨ jare tayɨ, ërei che ameeta chupe reta ikavi yae vae, jae ko, jee opɨta vaerä jekuae avei pegua chero pe, chero japɨpe pe; ameeta chupe jee opambae, ngaraa etei oyemboai vae.

ISAÍAS 59:21

YandeYa jei: “Kuae jae cheporogüɨrökuavee päve ayapo pe reta ndive vae, chembaepuere jare cheporomboe ngaraa oata peve jare peñemuña reta pe.” Jei yandeYa jekuae avei pegua.

ISAÍAS 61:8

Echa che peYa, jupi vae oaɨu vae ko, amotareɨ ko mɨmba oñeomi oñemee mɨmba oyeyukagüe opaetei oyeapɨ vaerä vae. Che, ameeta jupi rupi kavi mbota mbaravɨkɨ re, jare ayapota morogüɨrökuavee päve jae reta ndive jekuae avei pegua.

ISAÍAS 61:9

Jërakua yaeta iñemuña reta opaete tëtaguasu reta rupi; opaete oecha vae, oikuaata jae ko metei tëta Tumpa iporerekua jese vae.

ISAÍAS 65:17

“Echa ko che ayapota ara ipɨau jare ɨvɨ ipɨau; tenondegua re ngaraa ye ma kia imaendúa jese.

ISAÍAS 65:22

Ngaraa oyapo reta o, ïru vae oiko vaerä pɨpe, ngaraa vi omaetɨiño kia jou vaerä; echa ɨvɨra reta yogüɨreko puku vae rami ko, chembae vae reta yogüɨreko pukuta, jare cherembiparavo reta oyekouta iparavɨkɨ re.

ISAÍAS 65:23

Ngaraa oparavɨkɨiño reta, jare ngaraa imembɨiño, omano vaerä chugüi; echa che peYa iporerekua jese vae iñemuña reta ko, jökoraita vi iñemuña reta.

JEREMÍAS 33:20

“Che, ndeYa jae: Mbaetɨ ko kia ipuere oipoepɨ yemongeta ayapo ara jare pɨ̈tu ndive vae, pɨ̈tu jare köe vaerä iora pe kavi,

JEREMÍAS 33:21

jökorai ko mbaetɨ kia ipuere oipoepɨ cheporogüɨrökuavee päve cherembiokuai David ndive ayapo vae, oime avei vaerä taɨ oguapɨ jae iporookuaía pe, jare cheporogüɨrökuavee päve cherembiokuai levita reta jare sacerdote reta ndive vae.

SOFONÍAS 3:20

Jókuae ara pogüeru yeta, pomboatɨta; jare ameeta peyemboeteuka vaerä jare perërakua yaeta opaete tëta ɨvɨ pegua rupi, pogüeru ye ɨvɨ ambuae güi yave.”

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

2 Pedro 3:13

Ërei yande reta ñaäro ñaï jae güɨrökuavee vae, ara ipɨau vae jare ɨvɨ ipɨau vae, joko pe oimeta jupi vaeño.

Apocalipsis 21:1

Javoi aecha ara ipɨau vae jare ɨvɨ ipɨau vae. Echa ara jare ɨvɨ tenonde oiko vae opa oasa, jaeramiño vi mbaetɨ ma ɨguasu.