ISAÍAS 66:21 - Biblia Guarani Tumpa Iñee

²¹ “Jare chugüi reta aiparavota vi sacerdote retarä jare levita retarä, omborɨ reta vaerä sacerdote reta.”

ISAÍAS 66:21 ပူးပေါင်းရင်းမြစ်များ

ÉXODO 19:6

Pe reta peiko teeta sacerdote rami, tëta oñeñono tee cheveguarä vae.” Kuae ñee reta emombeu opaete Israel iñemuña reta pe.

ISAÍAS 61:6

Jei retata pekotɨ, Tumpa isacerdote reta, Tumpa pe oyeokuai vae reta. Peyekouta ïru tëtaguasu reta imbaeyekou re, jae reta iyemboetea pe peyemboeteta.

JEREMÍAS 33:22

Jare cherembiokuai David iñemuña reta jare oyeokuai cheve vae levita reta ambojetata, ara re yasɨtata rami jare ɨvɨkuitï ɨguasu jembeɨ rupigua mbaetɨ ipuere opa oyepapa rami.”

Hebreos 7:12

Echa sacerdote pegua mbaravɨkɨ oyepoepɨ yave, oyepoepɨ tai vi ko mborookuai.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

Apocalipsis 1:6

jare yandeapo mburuvicha guasu retarä jare sacerdote retarä yayeokuai vaerä Tu Tumpa pe; ¡chupe toñemee mbaemboete jare mbaepuere jekuaekuae avei rupi! Amén.

Apocalipsis 20:6

Oyerovia ko tenonde oikove ye vae, echa oñeñono tee Tumpa peguarä vae reta ko. Jókuae mano mokoía ngaraa ipuere jese reta. Jae reta yogüɨrekota Tumpa jare Cristo isacerdoterä. Jare oporookuai retata jae ndive mil año.

Apocalipsis 5:10

oreapo mburuvicha guasu retarä, sacerdote retarä ñaneTumpa pe. Jare roporookuaita ɨvɨ pe.”