ISAÍAS 66:2 - Biblia Guarani Tumpa Iñee

² ¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

ISAÍAS 66:2 ပူးပေါင်းရင်းမြစ်များ

1 REYES 21:29

“¿Reecha pa Acab kërai oñemomichi cheróvai? Oñemomichi vae jeko pegua mbaetɨta ambou jese ikavimbae oikove oiko ramboeve, iñemuña reta re ambouta kuri ikavimbae.”

2 REYES 22:10

Jaeramiño vi ombaekuatía vae Safán omombeu mburuvicha guasu pe, jei körai: “Sacerdote Hilcías omee cheve metei tembikuatía.” Jare Safán omongeta mburuvicha guasu jóvai.

2 REYES 22:11

Javoi mburuvicha guasu oendu yave jókuae tembikuatía pe mborookuai oï vae, omondoro jemimonde ipɨatɨtɨ güi,

ESDRAS 10:3

Añave yayapo morogüɨrökuavee päve ñaneTumpa ndive, romombo vaerä opaete jókuae orerembireko reta jare imembɨ reta ndive, toyembopo kuae mborookuai, nde jare ïru oipoɨu Tumpa iporookuai güi vae reta oremboarakuaa rami.

ESDRAS 9:4

Jare oyemboatɨ reta aïa pe opaete okɨɨye Israel iTumpa güi vae, tembipɨɨ güi oyerova ye vae reta oyavɨ oikuaa reve jeko pegua, ërei che chepɨatɨtɨ yae apɨta mɨmba oyeyukagüe oñemee vae iora regua kaaru yave,

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

SALMOS 119:161

Mburuvicha reta oipota cheyuka cherekombae reve, ërei che aipoɨu neñee reta güi.

SALMOS 138:6

Yepe tëi mombɨrɨ ɨvate reï, reyangareko paravete vae re, ërei mombɨrɨ güi reecha ko ipɨayemboete vae.

SALMOS 34:18

YandeYa köiño oï ipɨatɨtɨ yae vae reta güi; jare oepɨ ipɨatɨtɨ yae vae reta.

SALMOS 51:17

Ërei mbota Tumpa pegua vae, jae ko ipɨatɨtɨ yae vae; iyoa güi ipɨatɨtɨ vae jare ipɨa omomichi vae ngaraa nde reröɨro, cheRu Tumpa.

SALMOS 51:19

Jayave remboresive yeta mɨmba oyeyukagüe, mɨmba reta ani mbota temitɨ jäɨ opaetei oyeapɨ vae; jayave mɨmba oyeapɨ jese vae re oñemeeta toro taɨrusu vae.

PROVERBIOS 28:14

Oyerovia ko Tumpa güiño oipoɨu avei vae, ërei ipɨa omotäta vae, oata ikavimbae pe.

PROVERBIOS 29:23

Kuimbae ipɨapochɨ vae, oñemomichiuka, ërei ñemomic hi rupi oiko vae, oyemboeteuka.

ISAÍAS 40:26

Perovaɨva pemae ara kotɨ: ¿Kia pa oyapo opaete jókuae mbaembae reta? Jae ko oipapa jare oñono jenda pe kavi kavi, ombojee metei ñavo, ngaraa metei ave oata. Jökorai ko imbaepuere yae jare ipɨ̈rata yae.

ISAÍAS 41:20

opaete vae pe reta peecha vaerä jare peikuaa vaerä, kërai che peYa ko ayapo chembaepuere rupi kuae, che, Tumpa Iyoambae Israel pegua ko ayapo kuaekuae.”

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

OSEAS 11:10

Jae reta oguatata yandeYa jaɨkue, jare jae oñeeta yaguapope rami. Oñeeta, jare imbae vae reta yogüeruta orɨrɨi reve kuaraɨ oikea kotɨ güi.

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

HABACUC 3:16

Opaete kuae aendu yave ayandu akɨɨye yae, jare cherembe osɨsɨi, chekägüe reta opa jëogüe, opaete cherete orɨrɨi. Jökorai reve aäro pɨagüiveta Tumpa ombou mbɨatɨtɨ vae iara pe, jókuae sundaro reta yogüeru oremboai vaerä yave.

San Mateo 12:6

Ërei che jae peve, jókuae tupao güi tuichagüe yae vae ko oï kuae pe.

Hechos 7:50

Che etei ko ayapo opaete kuae mbaembae.”

Hechos 9:6

Saulo orɨrɨi jare okɨɨye reve jei: “CheYa, ¿mbae pa reipota ayapo?” YandeYa jei chupe: “Epüa jare eike tëta guasu pe, jare amombeuukata ndeve mbae reyapo vaerä.”

Filipenses 2:12

Jáeramo, cherɨvɨ poaɨu vae reta. Peyapo avei che jae peve peyapo vaerä vae rami, peyapo yepe tëi añave mbaetɨ aï pe ndive. Peñemoäta ngatu yae yemboasa penoi vae rupi peipoɨu pemboete reve;

Colosenses 1:17

Jare jae oiko ñomai ndei opaete mbaembae oyeapo mbove, jare jese yogüɨreko opaete mbaembae.