ISAÍAS 66:16 - Biblia Guarani Tumpa Iñee

¹⁶ YandeYa ojäata opaete kuimbae reta tata rupi, jare kɨsepuku rupi; jeta yaeta omano vae.

ISAÍAS 66:16 ပူးပေါင်းရင်းမြစ်များ

ISAÍAS 10:4

Che mbaetɨ yave aï pe ndive, peñemomichiukata tembipɨɨ reta ndive, jare pemanota oyeyukauka vae reta ndive. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 27:1

Jókuae ara yandeYa oyukata ikɨsepuku täta yae vae, yavaete jare tuicha vae pe Leviatán jee vae, mboi guasu iñäkua yae vae, ipire jaimbe vae; oyukata jókuae mbaeporou ɨguasu pe oï vae.

ISAÍAS 3:13

YandeYa oporojäa vaerä ma oï, ojäata tëta imbae vae.

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

ISAÍAS 31:8

Asiria ñamɨrita ñeraro pe, ërei kuimbae potaä omoamɨri. Otekuaraita ñeraro güi, jare taɨrusu vae reta ñeraro regua opata oyepɨɨ tembipɨɨrä;

ISAÍAS 34:2

Echa yandeYa iyarasɨ oï opaete tëtaguasu reta kotɨ, jare opaete sundaro reta kotɨ, opata omboai, opata omee mano pe.

ISAÍAS 65:12

che pomeeta pemano ñeraro pe, opaete pe reta peyetavatɨkata peäka oyeasɨa vaerä. Echa poenɨi tëi, ërei mbaetɨ pemboyevɨ cheve; pomomiari tëi, ërei mbaetɨ peendu cheve; peyapo ikavimbae cheróvai, peiparavo peyeupe, mbaetɨ etei ipöra cheve vae.”

JEREMÍAS 25:31

Jɨapugüe oyeenduta ɨvɨ iyapɨ kotɨ, echa yandeYa ojäata tëtaguasu reta, oenɨita ojäa vaerä opaete vae reta, omeeta jupimbae reta mano pe. Jei yandeYa.’ ”

JEREMÍAS 25:33

YandeYa oyukauka jókuae ara vae, oñemoaita ɨvɨ jembeɨ güive ïru jembeɨ pe. Ngaraa etei kia oyaeo jese reta vae, mbaetɨta kia güɨraja jetegüe oñotɨ vae; oñemoaita opɨta ɨvɨ rupi tepoti rami.

JEREMÍAS 45:5

¿Reipota pa reiporu ndeyeupe mbae tuichagüe? Agüɨye eiporu, echa che ambouta susere yavaetegüe opaete oikove vae re. Ërei nderé amaeñota reikove vaerä, opaete kerupi reoa rupi. Che ndeYa ko jae kuae.’ ”

JEREMÍAS 46:15

¿Maera pa oa toro iä pemboete vae? Mbaetɨ ipuere oyemboɨ, echa che, peYa ko aitɨ.

EZEQUIEL 28:18

Jeta yae ikavimbae reyapo, jupimbae reyapo remaemee vae rupi, remboeteä ndetupao reta. Jayave ndeɨvɨte pe añono tata nemokañɨtei vaerä. Opaete vae ndereecha vaerä ɨvɨ re reï tanimburä.

EZEQUIEL 38:17

‘Che Tumpa jae körai: ¿Ndereä pa ko chemiari ara oasagüe pe cherembiokuai ñeemombeúa reta Israel pegua rupi, jae reta omoërakua, maratuta vae; kërai jókuae ara rupi che rogüeruta reporepeña jese reta vae?’

EZEQUIEL 5:15

Chearasɨ reve aiporarauka ma ndeve yave, tëtaguasu reta ndeɨvɨrigua ndeyoyaita, ñemomarai pe reikota. Che ndeYa jae jökorai.

JOEL 3:2

amboatɨta opaete tëtaguasu reta, aruta ɨvɨtɨ päu ipe kavi vae pe, Josafat jee vae pe, Israel, tëta chembae vae jeko pegua. Jae reta opa omoai moai tëtaguasu reta rupi, jare omboyao reta iyeupe ɨvɨ chembae.

AMÓS 7:4

YandeYa Tumpa oechauka cheve körai: YandeYa Tumpa oporoenɨi oporojäa vaerä tata rupi; jókuae tata opa omondɨpa ɨguasu jare jeta ñana opa oapɨ.

NAHUM 3:15

Joko pe opata ndemboai tata, ñeraro opaeteita ndemboai tuku opaetei mbae jou oeya rami. ¡Eñemuña tuku rami! ¡Eñemuña tuku raɨ reta rami!

NAHUM 3:3

¡Kavayu regua reta oporepeña! ¡Kɨsepuku jembipe, mii overa! ¡Jetagüe ipere, jetagüe omano! ¡Jeta yeyé tëogüe! ¡Tëogüe re ipɨ̈sa yeyuka vae!

ZACARÍAS 14:5

Jare petekuaraita jókuae ɨvɨtɨ päu ipe kavi rupi, echa jókuae ɨvɨtɨ päu ipe kavi vae ojoita oväe Azal pe; petekuaraita petenondegua reta ɨvɨkana güi otekuarai rami, Uzías oiko mburuvicha guasurä Judá pe yave. CheYa Tumpa outa opaete oñeñono tee vae reta ndive.