ISAÍAS 66:15 - Biblia Guarani Tumpa Iñee

¹⁵ Echa, ko yandeYa outa tata re, jare ikäretou reta kusumirou rami, oitɨ vaerä iyarasɨ jare iporonupa, tata jendɨ rami.

ISAÍAS 66:15 ပူးပေါင်းရင်းမြစ်များ

SALMOS 11:6

Jeko kavimbae reta re ombouta mbaesusere tuicha vae, omongɨta jese reta tata azufre ndive, jare ɨvɨtuakuvo ombouta jese reta oapɨ vaerä. ¡YandeYa oiporaraukata chupe reta jeko re!

SALMOS 18:9

Ara reta omoɨ̈vɨi iyeupe jare ogüeyɨ. Oyembopɨtumimbi jae ipɨ igüɨ pe.

SALMOS 21:9

Horno jaku yae vae rami reñonota ndearasɨ iara pe. Ndearasɨ pe remboaita, tata pe remokañɨteita.

SALMOS 50:3

Outa ñaneTumpa, ërei ngaraa kïriiño ou; jenonde outa tata oporomboai vae, iyɨ́vɨri rupi, ɨvɨtuai imbaepuere yae vae.

SALMOS 68:17

Tumpa ikäretou oyepapa vaerä jeta yae ete ko; cheYa ou Sinaí güi itupao pe.

SALMOS 97:3

tata ojo jae jenonde, jare opata oapɨ iyɨ́vɨri tovaicho reta ñogüɨnoi vae.

ISAÍAS 10:17

Jare Tumpa Iyoambae, tembipe Israel pegua, oïta tata jendɨ vae rami, metei ara pe opata omboai opaete ñana jare yuu reta.

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

ISAÍAS 30:33

Echa kuae ɨma ma oyeapo katu oiko Asiria peguarä jare juvicha guasu peguarä, oiporarata pɨpe vae ipɨguasu jare kɨ̈pe, tata oyemoendɨ jeta yepea ndive vae. YandeYa omoendɨta ipɨ̈túe pe, jókuae ko azufre jeta oyepɨyere vae rami.

ISAÍAS 31:9

jare okɨɨye güi opata oë otekuarai oñemía güi, jare sundaro ruvicha reta opata omombo oeya ibandera. Jökorai jei yandeYa, jae oime güɨnoi Sión pe, Jerusalén pe tata.

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

ISAÍAS 5:28

Juvɨ reta jakuaroviasɨta, igüɨrapa oñemoataasɨta, ikavayu reta ipɨ ita ramita täta, ikäretou reta iruera kusumirou ramita;

ISAÍAS 51:20

Nemembɨ reta opa ogüɨapi ñogüɨnoi, tape oyoasaa ñavo rupi oyepɨso ñogüɨnoi, guasuovɨ ñuai pe oa vae rami. YandeYa iporojäa rupi oiporara reta, neTumpa iporombosɨmbi rupi.

JEREMÍAS 25:37

YandeYa iyarasɨ, jare opa omboai kapii katu.

JEREMÍAS 4:13

Mase, ko tovaicho reta yogüeru amapɨtu rami, ikäretou ñeraro pegua kusumirou rami, ikavayu reta iñäkua yae güɨraké güi. ¡Atataɨ, jaema ñakañɨtei!

JEREMÍAS 4:3

YandeYa jei opaete Judá pegua jare Jerusalén pegua kuimbae reta pe: “Peara peko peyeupe, agüɨye pemaetɨ yuu pɨte rupi.

JEREMÍAS 46:15

¿Maera pa oa toro iä pemboete vae? Mbaetɨ ipuere oyemboɨ, echa che, peYa ko aitɨ.

EZEQUIEL 38:17

‘Che Tumpa jae körai: ¿Ndereä pa ko chemiari ara oasagüe pe cherembiokuai ñeemombeúa reta Israel pegua rupi, jae reta omoërakua, maratuta vae; kërai jókuae ara rupi che rogüeruta reporepeña jese reta vae?’

EZEQUIEL 5:15

Chearasɨ reve aiporarauka ma ndeve yave, tëtaguasu reta ndeɨvɨrigua ndeyoyaita, ñemomarai pe reikota. Che ndeYa jae jökorai.

DANIEL 11:40

Ërei ou ma oväe ara iyapɨ yave, mburuvicha guasu arayevɨ kotɨgua oporepeñata mburuvicha guasu ɨvɨtuguasu kotɨgua re; ërei kuae opüata chupe ama ɨvɨtuai reve rami, käretou reta ndive, kavayu regua reta ndive jare jeta barco reta ndive; omboaita opaetei arayevɨ kotɨgua reta iɨvɨ.

DANIEL 7:10

Jare tata oë jóvai güi ɨ osɨrɨ rami. Jeta yae oyeokuai chupe vae, jare jeta yeyé oyemboɨ ñogüɨnoi jóvai. Oporojäa vae oguapɨ, jare tembikuatía reta oyepea.

OSEAS 8:7

Echa ikavimbae peyapo jeko pegua, peiporara yaeta ko; mbaetɨta pembaagüɨye, mbaetɨta peremitɨ reta ia; jare pemboɨru tëi yave, opata ketɨgua reta jou pegüi.

AMÓS 7:4

YandeYa Tumpa oechauka cheve körai: YandeYa Tumpa oporoenɨi oporojäa vaerä tata rupi; jókuae tata opa omondɨpa ɨguasu jare jeta ñana opa oapɨ.

NAHUM 1:6

Iyarasɨ yave, ¿kia pa ipuereta oyemboɨ jae jóvai? ¿Kia pa ipuereta güɨropɨa iyarasɨ? Iyarasɨ oñemoai tata rami, jae jóvai osururu ɨ̈vavira reta.

HABACUC 3:8

CheYa, ¿ndearasɨ pa ɨ̈aka reta kotɨ? ¿Ndearasɨ pa ɨguasu reta kotɨ? ¿Jaerä pa repo ndekavayu reta re jare reyeupi nekäretou pe ñeraro regua rami?

ZACARÍAS 6:1

Cheäka aupi pɨau ye jare aecha irundɨ käretou oyekuaa mókoi ɨvɨtɨ ipäu güi; jókuae ɨvɨtɨ reta jiero iyu vae pegua.

San Mateo 22:7

Ërei mburuvicha guasu oikuaa yave kuae, iyarasɨ yae. Jáeramo omondo isundaro reta opa vaerä oyuka jókuae oporoyuka vae reta jare opa oapɨ jëta guasu.

DEUTERONOMIO 28:20

YandeYa oitɨta peré yepopeyu, mbɨatɨtɨ jare mɨakañɨ opaete mbaembae peyapogüe rupi, opa regua pekañɨtei ɨmambae pegua, perembiapo ikavimbae rupi peeya jeko pegua.

2 Pedro 3:7

Ërei ara jare ɨvɨ oime añave vae oñeñovatu ko oï Tumpa iñee rupi tata peguarä iporojäa iara peguarä jare iyoa vae reta okañɨtei yave peguarä.