ISAÍAS 66:14 - Biblia Guarani Tumpa Iñee

¹⁴ Peechata jare oyeroviata pepɨa, jare perete, ñana jokɨ pɨau vae ramita. YandeYa oechaukata imbaepuere, jembiokuai reta pe, ërei oechaukata iyarasɨ, jovaicho reta pe.

ISAÍAS 66:14 ပူးပေါင်းရင်းမြစ်များ

ESDRAS 7:9

Echa tenondegua ara tenondegua yasɨ pe omboɨpɨ oë reta Babilonia güi, jare tenondegua ara pandepoa yasɨ pe yogüeru oväe Jerusalén pe, Tumpa iporomborɨ rupi.

ESDRAS 8:18

Jare güeru reta oreve oreTumpa imbaepuere rupi, metei kuimbae yarakuaa katu vae Serebías, Mahli iñemuña pegua, Mahli jae Leví iñemuña, jare Leví jae Israel taɨ; güeru reta taɨ reta ndive jare jëtara reta ndive, opaete reve dieciocho.

ESDRAS 8:22

Echa che chemara aiporu mburuvicha guasu pe sundaro reta kavayu regua reta oreangareko vaerä tape rupi tovaicho reta güi, echa roe ko mburuvicha guasu pe: “Tumpa oepɨ ko opaete oyeko jese vae, ërei iyarasɨ jare imbaepuere oï ko mbaetɨ oyeko jese vae reta re.”

ESDRAS 8:31

Jare doce araa re tenondegua yasɨ pe roë ɨ̈aka Ahava güi rojo vaerä Jerusalén kotɨ; jare oreTumpa iporomborɨ oï ore ndive, orereepɨ tovaicho reta güi jare omaepɨ̈ro tape rupi vae reta ipo güi.

SALMOS 107:42

Kuae oecha kuimbae jupi vae reta jare oyerovia, ërei opaete jeko kavimbae reta kïrii opɨta.

PROVERBIOS 17:22

Yerovia katu, moa ikavi vae rami ko yanderete pe, ërei mbɨatɨtɨ, oporomombaerasɨ ko.

PROVERBIOS 3:8

Echa kuae, moa ramita ko ndeve, omoröɨsa katuta nekägüe reta.

ISAÍAS 10:5

Echa Tumpa jei: “¡Tëtaguasu Asiria! Jae ko popoka ɨvɨra pegua aporonupa pɨpe chearasɨ yave vae, ipo pe añono chearasɨ.

ISAÍAS 13:5

Matɨ güi yogüeru reta, matɨ ɨvɨ iyapɨ kotɨ güi, yandeYa güeru iyarasɨ pegua jembiporu reta, opa vaerä omboai ɨvɨ.

ISAÍAS 26:19

Ërei omanogüe reta oikove yeta, opüa yeta tëogüe reta. Ɨvɨ ndive opa ma oyea reta vae opüa yeta, jare osapukaita oyerovia güi. Echa, nde rembou tekove ɨsápɨi rami, jare omanogüe reta opüa yeta ɨvɨ güi.

ISAÍAS 26:20

Cherëtaɨgua reta, peike pero pe, jare peyokenda öke peike yave. Peñemi räri joko pe, yandeYa iyarasɨ oasa regua.

ISAÍAS 30:27

Mase, yandeYa ou matɨ güi; iyarasɨ jendɨ tata yavaete yae vae rami, jembe re oyekuaa iyarasɨ vae, jare ikü tata yavaete yae vae rami,

ISAÍAS 33:20

Pemae Sión re, tëta guasu yandearete mbaemboete pegua jenda re; pemae Jerusalén re, tëta guasu oiko pɨagüive vae re, tëta guasu ngaraai oyererosɨrɨ o guakapi pegua rami vae, ietaka ave ngaraa oyeekɨ ani iïcha ave ngaraa oso.

ISAÍAS 34:2

Echa yandeYa iyarasɨ oï opaete tëtaguasu reta kotɨ, jare opaete sundaro reta kotɨ, opata omboai, opata omee mano pe.

ISAÍAS 35:2

tipotɨ jeta yeyé tumpa-ɨpɨ rami, toyerovia jare tovɨakatu reta. Tumpa omopörata, ɨvɨtɨ Líbano ipöra rami, ipöra yaeta ɨvɨtɨ Carmelo rami jare ɨvɨtɨ päu ipe kavi vae Sarón rami. Opaete vae oechata yandeYa iyemboetea, ñaneTumpa imbaepuere tuicha yae vae.

ISAÍAS 41:20

opaete vae pe reta peecha vaerä jare peikuaa vaerä, kërai che peYa ko ayapo chembaepuere rupi kuae, che, Tumpa Iyoambae Israel pegua ko ayapo kuaekuae.”

ISAÍAS 42:13

YandeYa oëta, metei jëia yae ñeraro regua vae rami, jare oñerarota, ñeraro regua yavaetegüe rami; osapúkai pukaita jare omoamɨrita jovaicho reta.

ISAÍAS 58:11

YandeYa ndeangareko aveita, mbaetɨ mbaea pe, omeeta nderembiurä, jare nekägüe reta omopɨ̈ratata; reikota ko raɨ oyemboɨu kavi vae rami, ɨesaɨ tɨpambae vae rami.

ISAÍAS 59:18

YandeYa omboepɨukata metei ñavo pe, jeko ae re, oiporaraukata jovaicho reta pe. Imotareɨa reta pe omboepɨukata jeko oï rupi; tëtaguasu reta ɨguasu jembeɨ rupigua reta pe ave.

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

ZACARÍAS 10:7

Efraín iñemuña reta sundaro jëia yae vae ramita. Ipɨa oyeroviata vino jou vae rami. Taɨ reta oecha yave oyerovia yaeta vi. ¡Ipɨa oyeroviata yandeYa re!

MALAQUÍAS 3:18

Jayave pe reta peikuaa yeta jupi vae jare jupimbae vae, Tumpa pe oyeokuai vae jare mbaetɨ oyeokuai chupe vae.”

San Juan 16:22

Jaeramiño vi pe reta añave pepɨatɨtɨ, ërei poecha yeta, jare peyeroviata, jare ngaraa kia oekɨ pegüi peyerovia.

Hebreos 10:27

jaeño ñaärota yavaetegüe Tumpa iporojäa, tata yavaetegüe omboaita Tumpa kotɨ oyemboyovaicho vaerä reta.