ISAÍAS 65:8 - Biblia Guarani Tumpa Iñee

⁸ Körai jei yandeYa: “Kia nunga vae oväe uva tɨɨ katu vae yave jei: ‘Agüɨye pemomboiño, echa mbaeyekou oï jese’, Jökoraita che ayapo cherembiokuai reta jeko pegua, ngaraa opaetei amokañɨtei.

ISAÍAS 65:8 ပူးပေါင်းရင်းမြစ်များ

GÉNESIS 18:26

Jayave yandeYa jei: —Aväe yave cincuenta jupi vae tëta guasu pe, cheɨ̈rota opaete pe, jae reta aɨu jeko pegua.

ISAÍAS 1:9

Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 10:21

Jembɨregüe reta oyerova yeta, Jacob güi jembɨregüe reta oyerova yeta Tumpa Imbaepuere yae vae kotɨ.

ISAÍAS 10:22

Israel, yepe tëi ɨguasu jembeɨ pegua ɨvɨkuitï rami reyembojeta, jókuae reta güi jembɨregüeño ko oyerova yeta. Kañɨtei oñemoërakua vae oyeapo tai jupi rupi.

ISAÍAS 48:9

Ërei ayeaɨu jeko pegua ayembopɨa guasu chearasɨ güi, che, imboetea yae vae jeko pegua mbaetɨ opa romokañɨtei.

ISAÍAS 6:13

Jare opɨta yave mbovɨ yepe kuae tëta pe, jókuae jaenunga vi oyemboaita; ërei ngatu ɨvɨra roble jare encina jee vae reta oyeasɨa yave, jekuaeño opɨta iyɨpɨgüe, jökoraita ko opɨta ñemuña reta oñeñono tee vae jembɨregüe.”

JEREMÍAS 30:11

Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

JOEL 2:14

Mbaetɨ yaikuaa oipoepɨta ra iyemongeta agüɨye vaerä oiporarauka peve, jare ombou mborerekua peve, oime vaerä temitɨ jäɨgüe jare mbota vino oyepɨyere vae, yandeYa Tumpa pe mbota oñemee vaerä.

San Mateo 24:22

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

San Marcos 13:20

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.