ISAÍAS 65:7 - Biblia Guarani Tumpa Iñee

⁷ iyoa reta ae re jare iñemuña reta iyoa re. Jae reta oapɨ yepi ikäti kavi vae incienso, ɨvɨtɨ guasu re, jare ɨvɨtɨ re oyapo reta yepi chekotɨ ikavimbae. Jáeramo, che ajäata chupe reta iyoa jepɨ, aiporaraukata chupe reta.” Jei yandeYa.

ISAÍAS 65:7 ပူးပေါင်းရင်းမြစ်များ

1 REYES 22:43

Josafat oguata kavi opaete tu jeko rupi kavi, oyapo sɨmbi vae yandeYa jesa róvai. Ërei ngatu ɨvɨtɨ rupigua mbaemboetea reta mbaetɨ omboai, echa jeta vae reta jekuaeño omee mɨmba oyeyukagüe jare oapɨ reta ikäti kavi vae incienso.

1 REYES 22:44

Josafat oyapo mbɨakatu mburuvicha guasu Israel pegua ndive.

2 REYES 12:3

Ërei ngatu jeseve mbaetɨ omboai mbaemboete renda ɨvɨtɨ rupigua, echa opaete vae jekuaeñoi omee mɨmba oyeyukagüe jare oapɨ reta ikäti kavi vae incienso jokoropi.

2 REYES 14:4

Ërei ngatu jeseve mbaetɨ omboai mbaemboete renda ɨvɨtɨ rupigua, echa opaete vae jekuaeñoi omee mɨmba oyeyukagüe jare oapɨ reta ikäti kavi vae incienso jokoropi.

2 REYES 15:35

echa jae oyapo öke ɨvate vae yandeYa jo kotɨ yaikea peguarä. Ërei ngatu jeseve mbaetɨ opa oyemboai mbaemboete renda ɨvɨtɨ rupigua, echa opaete vae jekuaeñoi omee mɨmba oyeyukagüe jare oapɨ reta ikäti kavi vae incienso jokoropi.

2 REYES 16:4

Jaeramiño vi omee mɨmba oyeyukagüe jare oapɨ ikäti kavi vae incienso mbaemboete renda ɨvɨtɨ rupigua reta jare opaete ɨvɨra iküaraɨa kavi yae vae igüɨ rupi.

2 CRÓNICAS 21:11

Jare omopüa vi mbaemboete renda ɨvɨtɨ rupigua reta Judá pe, jare oyavɨuka Jerusalén pegua reta pe Tumpa kotɨ jae reta rami, jare opaete Judá pegua reta omombiauka Tumpa güi.

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

ISAÍAS 10:12

Ërei yandeYa opa ma oyapo ɨvɨtɨ Sión pe jare Jerusalén pe oyapota vae yave, oinupata mburuvicha guasu Asiria pegua, ipɨapochɨ jare ipɨayemboete rupi oyapo jeko pegua.

ISAÍAS 13:11

YandeYa jei: “Aiporaraukata kuae ɨvɨ pegua reta pe iyoa jeko pegua, jare iTumpa potambae reta pe ikavimbae oyapo jeko pegua. Amboapɨta iyemboete iyé vae reta güi iyemboete, amomichita ipɨayemboete vae reta.

ISAÍAS 22:14

YandeYa Imbaepuere yae ete vae oyekuaa cheve, jare jei cheve: “Mbaetɨta cheɨ̈ro peve kuae mbaeyoa re; opa pemano regua.” Jae ko yandeYa Imbaepuere yae ete vae iñee.

ISAÍAS 26:21

Echa ko yandeYa ou oïa güi, oinupa vaerä ɨvɨ pegua reta, opaete imbaeyoa reta re, jare ɨvɨ omboyekuaata, jekombae jugüɨ oyepɨyere pɨpe vae, ngaraa ma oñomi, oyeyukagüe reta oime pɨpe vae.

ISAÍAS 28:21

Echa yandeYa oyapota ɨvɨtɨ Perazim pe rami, ɨvɨtɨ päu ipe kavi vae Gabaón pe rami iyarasɨta, oyapo vaerä jembiapo, jembiapo ambuaeyee vae, oyapo vaerä jembiapo yaikuaa rapembae vae.

ISAÍAS 29:14

jáeramo, jekuae ayapo yeta mɨakañɨ kuae tëta pe, metei mɨakañɨ tuicha vae jare oporoiämondo vae; jayave yarakuaa katu vae reta iyarakuaa opata okañɨ, jare ipoki vae reta ipɨarakuaa opata vi okañɨ.”

ISAÍAS 3:11

¡Paravete iyoa vae! Ngaraa ojo kavi, echa iyoa reta oï rupi jekoviata chupe.

ISAÍAS 30:13

jáeramo, kuae mbaeyoa oï ko peve, metei ovapetea ɨvate vae oyekagüe jeieteño oyeka rami, jare güɨramoiño opata osururu vae rami;

ISAÍAS 30:14

opata ko oyeka metei ɨvɨñae opa oyeka rami, opaeteita jaɨ jaɨ, mbaetɨta jaɨgüe ave ikavi tätapɨi oyeupi vaerä ani ɨ oyeyara ɨkua güi vaerä yepe.”

ISAÍAS 57:12

Ërei amoërakuata ndereko reta, nderembiapo, ndepɨa pe remboete yae vae.

ISAÍAS 57:7

Ɨvɨtɨ ɨvate yae vae iyapɨte re, reñono nderupa, joko pe vi reyeupi remee mɨmba oyeyukagüe.

ISAÍAS 59:18

YandeYa omboepɨukata metei ñavo pe, jeko ae re, oiporaraukata jovaicho reta pe. Imotareɨa reta pe omboepɨukata jeko oï rupi; tëtaguasu reta ɨguasu jembeɨ rupigua reta pe ave.

ISAÍAS 65:6

Oyekuatía ko oï cheróvai kuae, ngaraa amaeño jökoraiño opɨta; aiporaraukata ko chupe reta jembiapo oï rupi,

ISAÍAS 66:4

Jayave, che aiparavota vi tembiporara chupe reta, aruta chupe reta, jae reta okɨɨye yae chugüi vae. Echa aporoenɨi tëi yave mbaetɨ kia omboyevɨ cheve, cheñee amoë tëi yave, mbaetɨ kia oendu cheve; ikavimbae oyapo reta cheróvai, oiparavo reta iyeupe, mbaetɨ etei ipöra cheve vae.”

JEREMÍAS 13:25

Jae ko kuae oikota nde ndive vae Israel, amboepɨukata ndeve reyapogüe. Che ndeYa jae. Echa neakañɨ chegüi jare remboete tumpa-raanga reta.

JEREMÍAS 13:27

Aecha ko ndepɨa mbokere, aguasa reyapogüe, ndereko mbokere reyeapo vae, ɨvɨtɨ jare kaa rupi pɨ̈chɨi yae reyapogüe. ¡Ndeparavete, Jerusalén! ¿Kërai yave pa reyetɨota cheróvai? ¿Kërai yave regua ra ndekɨata reiko?”

JEREMÍAS 16:18

Tenonde aiporaraukata täta chupe reta jeko kavimbae jare imbaeyoa reta re, echa omongɨa reta cheɨvɨ itumpa-raanga reta jekovembae pe, jare opaete ɨvɨ chembae rupi oyapo reta mbaembae che aröɨro vae.”

JEREMÍAS 5:29

Kuae jeko pegua, ¿amaeñota ra jese reta? Kuae rami oyapo vae, ¿mbaetɨ ra jupi aiporarauka vaerä chupe reta jeko re? Che peYa, jae.

JEREMÍAS 5:9

Kuae jeko pegua, ¿amaeñota ra jese reta? Jei yandeYa. Körai tëtaguasu vae pe, ¿mbaetɨta ra jupi aiporarauka chupe teko oyapogüe re?

EZEQUIEL 18:6

Mbaetɨ ojo oyea aretea pe oñemee yave mbaemboete ɨvɨtɨ re, mbaetɨ vi omboete tumpa-raanga reta Israel pegua; mbaetɨ oasa japicha jembireko ndive, mbaetɨ vi oya jembireko re jugüɨ oï yave;

DANIEL 9:8

CheYa Tumpa, ore jare jökoraiño vi oreruvicha guasu reta, oreruvicha reta jare oreñemuñagüe reta royandu oremara, echa oreyoa ndekotɨ.

OSEAS 11:2

Ërei jeiete aenɨi yave, jeiete osɨrɨ reta chegüi. Baal reta pe omee mɨmba oyeyukagüe, tumpa-raanga reta pe oapɨ reta ikäti kavi incienso.

OSEAS 2:13

Aiporaraukata chupe ara reta oasagüe re oapɨ ikäti kavi vae incienso baal reta pe vae re, oñemopöra yave moäka-vera pe jare mboɨ pe, ojo iyaguasa reta jupíe jare ñakañɨ chegüi. Jei yandeYa.

LEVÍTICO 26:39

Jare pegüi oimeño oikove vae omanota perovaicho reta iɨvɨ pe, ikavimbae vae peyapo jeko pegua; ¡pemanota peñemuñagüe reta iyoa jeko pegua jare peyoa jeko pegua!

NÚMEROS 32:14

Jare añave pe reta imbaeyoa vae iñemuña reta, pemomoe peru reta jeko, pemoïru vaerä yandeYa iyarasɨ Israel iñemuña reta kotɨ.

San Lucas 6:38

Pemee mbae ïru vae reta pe, jare ïru vae reta omeeta vi mbae peve. Jae reta omeeta peve jeta yae. Echa ïru vae pe peyapo rami, oyeapota vi peve.”

1 Tesalonicenses 2:16

oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.